Gulte Telugu Telugu Political and Movie News Updates
ఇప్పుడున్న సోషల్ మీడియా యుగంలో ఒక సినిమా కథ బయటికి రాకుండా కాపాడుకోవడం అంటే పెద్ద టాస్కే. సినిమా సెట్స్ పై వుండగానే ఫలానా సినిమా ఇదే కథతో రాబోతుంది అంటూ లీకులు చక్కర్లు కొడుతున్నాయి. తాజాగా బాలయ్య నెక్స్ట్ సినిమా గురించి కూడా ఓ లీక్ వినిపిస్తుంది.
అనిల్ రావిపూడి డైరెక్షన్ లో బాలయ్య ఓ యాక్షన్ సినిమా చేస్తున్నాడు. అయితే ఇందులో బాలయ్య గొడవల కారణంగా 14 ఏళ్ళు జైలులో ఉంటాడట. మళ్లీ అరవై ఏళ్ల తర్వాత శిక్ష పూర్తి చేసుకొని బయటికి వస్తాడట. వచ్చాక బాలయ్య నడవడిక ఎలా ఉంటుంది ? అతనిలో వచ్చిన మార్పెంటి? అనే కథతో సినిమా తెరకెక్కుతుందని వినిపిస్తుంది. సినిమా కథంతా తెలంగాణ నేపథ్యంలో ఉండబోతుందని, బాలయ్య ఇందులో తెలంగాణ మాండలికంలో మాట్లాడుతూ కొత్తగా ఎంటర్టయిన్ చేస్తాడని అంటున్నారు.
బాలయ్య సరసన కాజల్ ను హీరోయిన్ గా ఫిక్స్ చేసే ఆలోచనలో ఉన్నారు. శ్రీ లీల ఇందులో బాలయ్య కూతురి పాత్రలో నటించనుంది. సన్ షైన్ స్క్రీన్స్ నిర్మిస్తున్న మొట్ట మొదటి పెద్ద సినిమా ఇది. ఈ ఏడాదిలోనే సినిమాను థియేటర్స్ లోకి తీసుకొచ్చే ఆలోచనలో ఉన్నారు. సెప్టెంబర్ లేదా అక్టోబర్ లో సినిమా ప్రేక్షకుల ముందుకు రానుంది. బాలయ్య తో ఎప్పటి నుండో సినిమా అనుకుంటున్న అనిల్ రావిపూడి ఇందులో సరికొత్త బాలయ్య ను చూపించబోతున్నాడు.
