Gulte Telugu Telugu Political and Movie News Updates
తెలుగు వాళ్లే కాక దేశవ్యాప్తంగా సినీ ప్రేక్షకులు ఎంతో ఆసక్తితో ఎదురు చూస్తున్న సినిమాల్లో ‘పుష్ప: ది రూల్’ ఒకటి. డివైడ్ టాక్‌ను తట్టుకుని సూపర్ హిట్ అయిన ‘పుష్ప: ది రైజ్’కు కొనసాగింపుగా వస్తున్న సినిమా కావడంతో దీనిపై అంచనాలు భారీ స్థాయిలో ఉన్నాయి. ముఖ్యంగా ఆ సినిమా ఉత్తరాదిన సెన్సేషన్ క్రియేట్ చేయడం.. ఈ సినిమా పాటలు, బన్నీ మేనరిజమ్స్ అంతర్జాతీయ స్థాయిలో పాపులర్ కావడంతో సెకండ్ పార్ట్‌కు హైప్ ఒక రేంజిలో ఉంది. అందుకే పార్ట్-2 స్క్రిప్టు మీద మరింత కసరత్తు చేసి కొంచెం లేటుగానే షూటింగ్ మొదలుపెట్టాడు దర్శకుడు సుకుమార్.
ఇటీవలే వైజాగ్‌లో ఒక షెడ్యూల్ పూర్తి చేసుకుని వచ్చిన ‘పుష్ప-2’ టీం తాజాగా రామోజీ ఫిలిం సిటీలో కొత్త షెడ్యూల్ మొదలుపెట్టింది. ఈ షెడ్యూల్ నిరవధికంగా మూడు వారాలకు పైగా కొనసాగనుందట. కొన్ని భారీ సన్నివేశాల చిత్రీకరణ జరగనుందట.
కాగా ఈ చిత్రంలో పుష్ప పాత్రకు సంబంధించి ఒక ఇంట్రెస్టింగ్ న్యూస్ బయటికి వచ్చింది. బన్నీ ఇందులో జపనీస్ భాష మాట్లాడనున్నాడట. ఎర్రచందనం స్మగ్లింగ్‌లో అతను అంతర్జాతీయ స్థాయికి ఎదగడం.. ఈ క్రమంలో ఇంటర్నేషనల్ స్మగ్లర్లను డీల్ చేసేందుకు జపాన్ వెళ్లడం.. అక్కడికి వెళ్లే ముందు కాస్త జపనీస్ నేర్చుకుని.. అక్కడి వాళ్లతో ఆ భాషలోనే సంభాషించడం జరుగుతుందట. ఈ సన్నివేశాలు హిలేరియస్‌గా ఉంటాయని.. జపాన్ ఎపిసోడ్ సినిమాలో మేజర్ హైలైట్లలో ఒకటిగా ఉంటుందని సమాచారం.
ఇదిలా ఉండగా.. ఇప్పటిదాకా జరిగిన షూటింగ్‌లో హీరోయిన్ రష్మిక పాల్గొనలేదు. కొత్త షెడ్యూల్లో ఆమెతో సహా ప్రధాన తారాగణం అంతా పాల్గొంటున్నారు. పుష్ప-2లో ప్రధాన విలన్‌గా ఫాహద్ ఫాజిల్ కనిపించనుండగా.. జగపతిబాబు కూడా కొత్త విలన్‌గా ఎంట్రీ ఇవ్వనున్నట్లు తెలిసింది.
