పవన్ ఓపెనింగ్ లేకుండానే ?

పవన్ కళ్యాణ్ ఈ మధ్య కాలంలో రెండు అప్ కమింగ్ సినిమాలు ఓపెనింగ్ చేశాడు. అందులో ఒకటి హరీష్ శంకర్ తో చేయబోతున్న ‘ఉస్తాద్ భగత్ సింగ్’ కాగా మరొకటి సుజీత్ డైరెక్షన్ లో నటించనున్న OG. ఈ రెండు సినిమాలు ఓపెనింగ్ చేసేసి షూటింగ్ కి మాత్రం టైమ్ తీసుకుంటున్నాడు పవన్.

ఇప్పుడు వీటిని పక్కన పెట్టేసి మరో సినిమాను సెట్స్ పైకి తీసుకురాబోతున్నాడు. అదే వినోదాయ సీతమ్. తమిళ్లో సూపర్ హిట్టయిన ఈ సినిమాను తెలుగులో కూడా సముద్రఖని నే డైరెక్ట్ చేయబోతున్నాడు. త్రివిక్రమ్ స్క్రీన్ ప్లే , మాటలు అందిస్తున్నాడు. పీపుల్ మీడియా ఫ్యాక్టరీ నిర్మిస్తుంది.

ఈ నెలలోనే షూటింగ్ మొదలు కానున్న ఈ సినిమా, ఓపెనింగ్ లేకుండానే సెట్స్ పైకి వెళ్లనుందని అంటున్నారు. ఈ రీమేక్ కోసం పవన్ కేవలం ఇరవై రోజుల కాల్షీట్ ఇచ్చాడు. అంటే నెలలోపే ఈ సినిమాను కంప్లీట్ చేస్తాడన్న మాట. పవన్ తో సాయి ధరమ్ తేజ నటిస్తాడు. ఫస్ట్ టైమ్ మావయ్య తో స్క్రీన్ షేర్ చేసుకోబోతున్నాడు తేజ్.

ఈ సినిమా కోసం ఇప్పటికే పవన్ వర్కవుట్స్ మొదలుపెట్టాడు. ఫిట్ గా ఉండే లుక్ కోసం ట్రై చేస్తున్నాడు. ఇందులో మోడ్రన్ గాడ్ గా నటించనున్నాడు. ఇందుకోసం షూటింగ్ జరిగినన్ని రోజులు మాంసాహారానికి దూరంగా ఉంటూ శాఖాహారం తీసుకునే ఆలోచనలో ఉన్నాడు.

ఈ సినిమాను వీలైనంత ఫాస్ట్ గా ఫినిష్ చేసే ప్లానింగ్ లో ఉన్నారు మేకర్స్. త్రివిక్రమ్ ఇప్పటికే తన వర్క్ కంప్లీట్ చేసేశాడు. మరికొందరు రైటర్స్ కూడా ఇందులో కొంత పాత్ర పోషిస్తున్నారని తెలుస్తుంది.