ఒకప్పుడు మీడియం రేంజ్ మాస్ హీరోలతో సమానంగా తెలుగు మార్కెట్ ని ఎంజాయ్ చేసిన హీరో విశాల్. పందెం కోడి తన ఇమేజ్ ని పెంచడం అభిమానులు ఇప్పటికీ మర్చిపోలేరు. ఆ తర్వాత వచ్చిన పొగరు, భరణి, భయ్యా లాంటివి కంటెంట్ యావరేజ్ గా ఉన్నా కమర్షియల్ కోణంలో నిర్మాతలకు వర్కౌట్ అయినవే. ఒకదశలో రిటర్న్స్ గ్యారెంటీ అనే ముద్ర సంపాదించుకున్నాడు. కానీ అదంతా గతం. గత కొన్నేళ్లుగా కనీస స్థాయిలో కంటెంట్ లేని సినిమాలతో విశాల్ క్రేజ్ బాగా డౌన్ అయిపోయింది. 2018లో అభిమన్యుడు హిట్ అయ్యాక ట్రాక్ లో పడ్డాడనుకుంటే కథ మళ్ళీ మొదటికే వచ్చింది.
తాజాగా రిలీజైన లాఠీ ఓపెనింగ్సే దానికి నిదర్శనం. చాలా చోట్ల నీరసమైన వసూళ్లతో షోలు ప్రారంభమయ్యాయి. ప్రమోషన్ పరంగా విశాల్ ఏ లోటు రాకుండా చూసుకున్నా ఆడియన్స్ లో ఆసక్తి రేపేందుకు అది ఉపయోగపడలేదు. సరే సినిమా బాగుంటే ఇవన్నీ మారిపోతాయి కానీ లాఠీ రిపోర్ట్స్ ,పబ్లిక్ టాక్, రివ్యూలు చూస్తుంటే మళ్ళీ నిరాశ తప్పలేదనే విషయం అర్థమైపోయింది. తనకు ఇంకా మాస్ పాత్రల్లోనే చూస్తారనే తప్పుడు అంచనాలో ఉన్న విశాల్ మరోసారి స్టోరీ సెలక్షన్ లో తప్పటడుగు వేశాడు. ఒక కోణంలో డిఫరెంట్ గా అనిపించే పాయింట్ ని దర్శకుడు వినోద్ రొటీన్ ఫార్మట్ లో తెరకెక్కించడంతో పెద్దగా మ్యాటర్ లేకుండా పోయింది
యుగాల నాటి పోలీస్ వర్సెస్ పవర్ ఫుల్ గూండా కాన్సెప్ట్ ని తీసుకున్న లాఠీ బృందం దాన్ని ఎంగేజ్ చేసే స్థాయిలో మలచలేకపోయింది. ముఖ్యంగా సెకండ్ హాఫ్ లో అతిశయోక్తి మీరిపోయిన యాక్షన్ ఎపిసోడ్లు, అక్కర్లేని సెంటిమెంట్ కం ఎమోషన్, ఇంతకు ముందు చూసినట్టు అనిపించే సీన్లు వెరసి లాఠీ ఏ దశలోనూ మెప్పించలేక జారిపడిపోయింది. ఆ మధ్య సామాన్యుడు, చక్రలో చేసిన పొరపాట్లే విశాల్ మళ్ళీ రిపీట్ చేశాడు. ఇకనైనా ఈ మూస గోలకు స్వస్తి చెప్పి కొత్త తరం దర్శకులతో ట్రావెల్ అయితే తప్ప కంబ్యాక్ అవ్వడం కష్టం. లేకపోతే ఇదే రిజల్ట్ పునరావృత్తమవుతూనే ఉంటుంది.
This post was last modified on December 22, 2022 7:38 pm
సౌత్ ఇండియన్ ఫిలిం హిస్టరీలో మురుగదాస్ది ప్రత్యేక స్థానం. కమర్షియల్ సినిమాల్లో కూడా వైవిధ్యం చూపిస్తూ.. అదే సమయంలో మాస్ను ఉర్రూతలూగిస్తూ…
ఒకప్పుడు తెలుగు, తమిళంలో భారీ చిత్రాలతో ఒక వెలుగు వెలిగిన నిర్మాత ఎ.ఎం.రత్నం. సూర్య మూవీస్ బేనర్ మీద ‘ఖుషి’ సహా…
లెజెండరీ మ్యూజిక్ డైరెక్టర్ ఇళయరాజా పాటల గొప్పదనం గురించి కొత్తగా చెప్పాల్సిన పని లేదు. సంగీతాభిమానులు ఆయన్ని దేవుడిలా కొలుస్తారు.…
కూటమి అధికారంలోకి రాగానే.. తాను చేసే తొలి సంతకం.. మెగా డీఎస్సీపైనేనని.. దీనివల్ల 20 వేల మంది నిరుద్యోగులకు మేలు…
సూపర్ స్టార్ మహేష్ బాబు, దర్శక ధీర రాజమౌళి కాంబోలో తెరకెక్కబోయే ప్యాన్ వరల్డ్ మూవీ గురించి షూటింగ్ స్టార్ట్…
తెలంగాణ మాజీ ముఖ్యమంత్రి, బీఆర్ ఎస్ అధినేత కేసీఆర్కు భారీ షాక్ తగిలింది. కీలకమైన పార్లమెంటు ఎన్నికల సమయం లో…