మామూలుగా ఒక పెద్ద డిజాస్టర్ ఇచ్చిన దర్శకుడిని హీరోలు, నిర్మాతలు నమ్మి సినిమా చేయడానికి ముందుకు రావడం కష్టమే. ఇక అలాంటి దర్శకుడితో తమ హీరో సినిమా చేస్తున్నాడంటే అభిమానులు ఊరుకోరు. సోషల్ మీడియాలో నెగెటివ్ హ్యాష్ ట్యాగ్స్ పెట్టి ఉద్యమాలు చేసేస్తుంటారు. ఆ మధ్య మారుతితో ప్రభాస్ సినిమాను అభిమానులు ఎంతగా వ్యతిరేకించారో తెలిసిందే. ఆ దెబ్బకు ఈ సినిమాను అధికారికంగా ప్రకటించడానికి కూడా టీం భయపడింది.
ఐతే యువ దర్శకుడు సుజీత్తో పవన్ కళ్యాణ్ కొత్త సినిమా అనౌన్స్ చేస్తే ఫ్యాన్స్ నుంచి ఏమాత్రం వ్యతిరేకత కనిపించడం లేదు. పెద్దగా అనుభవం లేకపోయినా.. ‘సాహో’తో పెద్ద డిజాస్టర్ ఇచ్చినా సుజీత్ను పవన్ ఫ్యాన్స్ నమ్ముతుండడం విశేషమే. ‘సాహో’ అప్పటికి డిజాస్టర్ అయి ఉండొచ్చు కానీ.. కేవలం ఒక చిన్న సినిమా తీసిన అనుభవంతో అంత భారీ ప్రాజెక్టును సుజీత్ బాగానే హ్యాండిల్ చేశాడని చాలామంది నమ్ముతున్నారు.
‘సాహో’ మీద అంచనాలు మరీ ఎక్కువ అయిపోవడం వల్ల.. ఆ సినిమా సంతృప్తిపరచలేకపోయింది కానీ.. అందులో సుజీత్ అండ్ టీం కష్టం కనిపిస్తుంది. అందులో స్టాండౌట్గా నిలిచే సీన్లు చాలా ఉన్నాయి. హై టెక్నికల్ స్టాండర్డ్స్, యాక్షన్ ఘట్టాలు, స్టైలిష్ టేకింగ్తో సుజీత్ మెప్పించాడు. కథనం మీద ఇంకొంచెం శ్రద్ధ పెట్టి ఉంటే ‘సాహో’ వేరే లెవెల్ సినిమా అయ్యేదే. ఈ సినిమా డిజాస్టర్ కావడంతో సుజీత్ బాగా ఇబ్బంది పడ్డ మాట వాస్తవం. మూడేళ్ల పాటు అతడికి సినిమా లేదు. అయినా సరే నిరాశ చెందకుండా చాలా కసిగా పని చేసి పవన్ కోసం స్క్రిప్టు రెడీ చేశాడు.
ఈ స్క్రిప్టు పవన్ను తెగ నచ్చేసి.. సుజీత్ను లంచ్కు పిలిచి గౌరవించినట్లు ఈ మధ్య వార్తలు వచ్చాయి. పవన్తో చేయబోయే సినిమాకు సంబంధించి ప్రి లుక్ పోస్టర్ ద్వారా సుజీత్ బాగానే క్యూరియాసిటీ రేకెత్తించగలిగాడు. పవన్ ఫ్యాన్స్ ఈ పోస్టర్ విషయంలో చాలా పాజిటివ్గా స్పందిచారు. ఓవరాల్గా ఈ ప్రాజెక్టు విషయంలోనూ ధీమా వ్యక్తం చేస్తున్నారు. ‘సాహో’ తర్వాత సుజీత్ కసిగా పని చేసి సత్తా చూపిస్తాడని, పవన్ను నెవర్ బిఫోర్ అన్న రీతిలో ప్రెజెంట్ చేస్తాడని వారు నమ్ముతున్నట్లు కనిపిస్తోంది.
This post was last modified on December 4, 2022 2:34 pm
ఐపీఎల్లో ఆటగాడిగా మహేంద్ర సింగ్ ధోనీ సంపాదన రూ.200 కోట్ల మార్కును దాటింది. 2008లో రూ.6 కోట్లతో మొదలైన అతడి…
మహావతార నరసింహ.. గత ఏడాది పాన్ ఇండియా స్థాయిలో సెన్సేషన్ క్రియేట్ చేసిన సినిమా. ఈ యానిమేషన్ మూవీ రిలీజయ్యే…
టాలీవుడ్ టాలెంటెడ్ దర్శకుల్లో వెంకీ కుడుముల పేరు ఖచ్చితంగా ఉంటుంది. రష్మిక మందన్న ఇవాళ ఈ స్థాయికి వచ్చిందంటే ఛలో…
మహిళల భద్రతపై మరోసారి ఆందోళన కలిగించే ఘటన తెలంగాణలో చోటుచేసుకుంది. ఇంటికి వెళ్లేందుకు ఆటోలో లిఫ్ట్ ఇస్తామని నమ్మించిన ఇద్దరు…
ప్రపంచ టెక్ రంగంలో సంచలనం సృష్టించిన ఎన్విడియా మాజీ సీఈవో జెన్సెన్ హువాంగ్ వ్యవహారం మరో మలుపు తిరిగింది. వివాహేతర…
బంధువులను రైలు ఎక్కించడానికి వెళ్లినవాళ్లు అనుకోకుండా అదే రైలులో ప్రయాణించాల్సి వచ్చింది. పైగా టికెట్లు లేకపోవడంతో ఏకంగా రూ.36,140 చెల్లించాల్సి…