క్రేజీ సీక్వెల్స్ తో కార్తి

తాజాగా మణిరత్నం దర్శకత్వంలో పోన్నియన్ సెల్వన్ అనే సినిమాలో ఓ ఇంపార్టెంట్ రోల్ ప్లే చేసిన కార్తి ఈ దీపావళికి ‘సర్దార్’ అనే సినిమాతో ప్రేక్షకుల ముందుకొచ్చాడు. తమిళ్ తో పాటు తెలుగులో కూడా ఈ సినిమా సూపర్ హిట్ టాక్ తెచ్చుకుంది. కంటెంట్ తో ఇంప్రెస్ చేసి కార్తి మంచి వసూళ్ళు రాబడుతున్నాడు. డ్యుయల్ రోల్ లో కనిపించి మెప్పించాడు. అయితే దీపావళి సినిమాల్లో సర్దార్ కే ఇక్కడ మంచి కలెక్షన్స్ వస్తున్నాయి. మిగతా సినిమాలన్నీ అంతంత మాత్రంగానే కలెక్షన్స్ అందుకుంటున్నాయి.

రెస్పాన్స్ బాగుంది కాబట్టి అందుకే వెంటనే సీక్వెల్ ఎనౌన్స్ చేసేశారు మేకర్స్. సర్దార్ 2 కి లీడ్ గా వచ్చే ఓ సన్నివేశాన్ని రిలీజ్ చేసి మరో మిషన్ తో పార్ట్ 2 తెరకెక్కనుందని క్లారిటీ ఇచ్చారు. దీంతో సర్దార్ 2 సోషల్ మీడియాలో బజ్ క్రియేట్ చేస్తుంది. ఇక కార్తి చేతిలో సర్దార్ 2 తో పాటు ఖైదీ 2 కూడా ఉంది. లోకేష్ కనగారాజ్ డైరెక్షన్ లో వచ్చిన ఖైధీ తెలుగులో బాగా ఆడింది. ముఖ్యంగా ఓటీటీ లో ఈ సినిమాను బాగా చూశారు. అందుకే ఖైదీ సీక్వెల్ కూడా అప్పుడే ఎనౌన్స్ చేశారు.

కాకపోతే విక్రమ్ సీక్వెల్ తోనే ఖైదీ మిక్స్ అయి ఉంటుందనే టాక్ ఉంది. కానీ దర్శకుడు ఈ రెండు సీక్వెల్స్ ను విడివిడిగానే తీసే ఆలోచనలో ఉన్నాడు. అంటే కార్తి లిస్టులో ఇప్పుడు రెండు సీక్వెల్స్ ఉన్నాయన్నమాట. మరి ఖైదీ 2 , సర్దార్ 2 ఈ రెండిటిలో ఏది ముందు సెట్స్ పైకి వెళ్తుందో చూడాలి. ఇక తెలుగులోనూ మరో మంచి అవకాశం కోసం చూస్తున్నాడు కార్తి. ఇక్కడి దర్శకులతో కూడా టచ్ లో ఉంటున్నాడు.