Venkatesh in Ori Devuda
నిన్న విడుదలైన ఓరి దేవుడాకు డీసెంట్ ఓపెనింగ్స్ దక్కాయి. తమిళ బ్లాక్ బస్టర్ ఓ మై కడవులే రీమేక్ గా రూపొందిన ఈ ఫిక్షన్ కం లవ్ ఎంటర్ టైనర్ కు ఒరిజినల్ వెర్షన్ డీల్ చేసిన అశ్వత్ మారిముత్తునే దర్శకత్వం వహించాడు. షూటింగ్ జరుగుతున్నన్నాళ్లు దీని మీద పెద్దగా అంచనాలేం లేవు కానీ విక్టరీ వెంకటేష్ ఇందులో స్పెషల్ క్యారెక్టర్ చేస్తున్నారనే వార్త బయటికి వచ్చాక ఒక్కసారిగా దగ్గుబాటి అభిమానుల అటెన్షన్ దీనివైపుకు మళ్లింది. ఎఫ్3 బ్లాక్ బస్టర్ తర్వాత మరోసారి తమ హీరోని బిగ్ స్క్రీన్ మీద చూసుకోవచ్చన్న ఆనందం థియేటర్ల వద్ద బ్యానర్లు బాణాసంచాలతో పెద్ద హడావిడే చేయించింది.
సినిమా బాగుందనే టాక్ వచ్చినప్పటికీ ఇందులో వెంకీ టైటిల్ రోల్ చేశారనే మాట జనంలోకి బలంగా వెళ్లలేకపోయింది. ముంబైలో సల్మాన్ ఖాన్ కిసీకి భాయ్ కిసీకి జాన్ షూటింగ్ లో బిజీగా ఉండటంతో ప్రీ రిలీజ్ ఈవెంట్లు, ఇంటర్వ్యూలు తదితరాలకు వెంకటేష్ వ్యక్తిగతంగా హాజరు కాలేకపోయారు. దీంతో ఆ ప్రభావం కొంత ఓపెనింగ్ మీద పడింది. పోస్టర్లోనూ ఈయన్నే హై లైట్ చేసినప్పటికీ సినిమా మొత్తం ఉండరనే క్లారిటీ జనానికి ముందే ఉంది. బాగుందంటే అప్పుడు చూద్దాంలెమ్మని ఆగిపోయిన ఆడియన్స్ చాలానే ఉన్నారని నిన్న వసూళ్లను బట్టి అర్థమవుతోంది.
ఇక లెన్త్ విషయానికి వస్తే వెంకీ దాదాపుగా ఫస్ట్ హాఫ్ కే పరిమితం కావడం, సెకండ్ హాఫ్ క్లైమాక్స్ తప్ప మిగిలిన భాగంలో కథ పరంగా అవకాశం లేకపోవడం ఫ్యాన్స్ ని కొంత నిరాశపరిచినప్పటికీ ఓవరాల్ గా వెంకటేష్ ఇచ్చిన ఇంపాక్ట్ చాలా మేలు చేసింది. నిజానికి ఒరిజినల్ వెర్షన్ చూడని లేదా అవగాహన లేనివాళ్లు ఇందులో దేవుడి పాత్ర గోపాల గోపాలలో పవన్ కళ్యాణ్ రేంజ్ లో ఉండొచ్చని ఆశించారు. కానీ దానికి భిన్నంగా నిడివి పరిమితమయ్యింది. ఇప్పుడీ ఫస్ట్ వీకెండ్ ఓరి దేవుడాకు కీలకంగా మారనుంది. ఎలాగూ వచ్చే వారం చెప్పుకోదగ్గ రిలీజులు లేవు కాబట్టి సరిగ్గా వాడుకుంటే హిట్టు పడినట్టే.
This post was last modified on October 22, 2022 12:37 pm
మహావతార నరసింహ.. గత ఏడాది పాన్ ఇండియా స్థాయిలో సెన్సేషన్ క్రియేట్ చేసిన సినిమా. ఈ యానిమేషన్ మూవీ రిలీజయ్యే…
టాలీవుడ్ టాలెంటెడ్ దర్శకుల్లో వెంకీ కుడుముల పేరు ఖచ్చితంగా ఉంటుంది. రష్మిక మందన్న ఇవాళ ఈ స్థాయికి వచ్చిందంటే ఛలో…
మహిళల భద్రతపై మరోసారి ఆందోళన కలిగించే ఘటన తెలంగాణలో చోటుచేసుకుంది. ఇంటికి వెళ్లేందుకు ఆటోలో లిఫ్ట్ ఇస్తామని నమ్మించిన ఇద్దరు…
ప్రపంచ టెక్ రంగంలో సంచలనం సృష్టించిన ఎన్విడియా మాజీ సీఈవో జెన్సెన్ హువాంగ్ వ్యవహారం మరో మలుపు తిరిగింది. వివాహేతర…
బంధువులను రైలు ఎక్కించడానికి వెళ్లినవాళ్లు అనుకోకుండా అదే రైలులో ప్రయాణించాల్సి వచ్చింది. పైగా టికెట్లు లేకపోవడంతో ఏకంగా రూ.36,140 చెల్లించాల్సి…
మెగాస్టార్ చిరంజీవి స్క్రీన్ మీదే కాదు స్టేజి పైన ఉన్నప్పుడు కూడా ఆయన ఎనర్జీ వేరే లెవెల్ లో ఉంటుంది.…