తమిళ యువ కథానాయకుడు ధనుష్ లీడ్ రోల్ చేసిన 3 మూవీ గుర్తుందా? శ్రుతి హాసన్ కథానాయికగా నటించిన ఈ చిత్రం విడుదలై పదేళ్లు అయింది. అప్పట్లో కొలవెరి పాట కారణంగా ఈ సినిమాకు మంచి హైపే వచ్చింది. కానీ సినిమా అంచనాలకు తగ్గట్లు లేకపోవడం, పైగా ట్రాజిక్ ఎండ్ కావడంతో ప్రేక్షకులకు అస్సలు రుచించలేదు. అటు తమిళంలో, ఇటు తెలుగులో 3 మూవీ పెద్ద డిజాస్టర్ అయింది. తెలుగులో సినిమాకు భారీ నష్టాలు రావడంతో దీన్ని రిలీజ్ చేసిన నట్టి కుమార్ గొడవ గొడవ చేశాడు. ధనుష్తో పాటు నిర్మాతలు తనను పట్టించుకోలేదేని ఆవేదన వ్యక్తం చేశాడు.
ఇప్పుడీ సినిమా గురించి ఇప్పుడు ప్రస్తావన ఎందుకు అంటే.. ఈ నెల 12న 3 మూవీ పదో వార్షికోత్సవం సందర్భంగా తమిళ, తెలుగు భాషల్లో దీనికి స్పెషల్ షోలు ప్లాన్ చేస్తున్నారు.
తమిళంలో ధనుష్ పెద్ద స్టార్ కాబట్టి ఈ సినిమాకు అక్కడి జనాలు కనెక్ట్ అయి స్పెషల్ షోలు చూడడానికి ఆసక్తి చూపిస్తే ఆశ్చర్యపోవాల్సిన అవసరం లేదు. కానీ తెలుగులో ధనుష్కు పెద్ద ఇమేజేమీ లేదు. రఘువరన్ బీటెక్ మినహాయిస్తే ఇక్కడ అతడి సినిమాలేవీ ఆడలేదు. గత కొన్నేళ్లలో అతడి క్రేజ్ మరింత తగ్గింది.
ఇలాంటి టైంలో 3 అనే డిజాస్టర్ మూవీకి స్పెషల్ షోలు పెద్ద ఎత్తున ప్లాన్ చేయడం.. వాటికి ఆశ్చర్యకరమైన రెస్పాన్స్ వస్తుండటం పెద్ద షాకే. హైదరాబాద్లో ఈ చిత్రానికి పదుల సంఖ్యలో షోలు వేస్తున్నారు. చాలా షోలు ఫాస్ట్ ఫిల్లింగ్ మోడ్లో ఉండడం విశేషం. కొన్ని షోలు అయితే ఆల్రెడీ సోల్డ్ ఔట్ అయిపోయాయి కూడా. పోకిరి, జల్సా లాంటి మన సూపర్ స్టార్ల సినిమాల కోసం ఎగబడ్డారంటే అర్థం చేసుకోవచ్చు కానీ.. ఇక్కడ స్టార్ ఇమేజ్ లేని తమిళ హీరో నటించిన డిజాస్టర్ మూవీకి ఇంత క్రేజ్ ఏంటో ట్రేడ్ పండిట్లకు కూడా అంతుబట్టడం లేదు.
This post was last modified on September 8, 2022 7:14 pm
ఆంధ్రప్రదేశ్లో కొన్ని వారాల నుంచి ఎన్నికల కమిషన్ కొరఢా ఝళిపిస్తూ ఉంది. ఎన్నికల సమయంలో తమ పరిధి దాటి వ్యవహరిస్తున్న…
కుర్ర హీరోల్లో వేగంగా మార్కెట్ పడిపోయిన వాళ్ళలో రాజ్ తరుణ్ పేరు మొదటగా చెప్పుకోవాలి. కెరీర్ ప్రారంభంలో కుమారి 21…
ల్యాండ్ టైట్లింగ్ యాక్ట్.. గత ఏడాది ఏపీలో జగన్ సర్కారు ప్రతిష్టాత్మకంగా ప్రవేశపెట్టి చట్టం. ఇప్పుడీ చట్టం ఎన్నికల ముంగిట…
ఆంధ్రప్రదేశ్లో ఇంకో వారం రోజుల్లో ఎన్నికలు జరగబోతుండగా.. మంత్రి అంబటి రాంబాబుపై ఆయన అల్లుడు డాక్టర్ గౌతమ్ రిలీజ్ చేసిన…
ఎడిటర్ మోహన్ నిర్మాణ సంస్థ ఎంఎస్ ఆర్ట్స్ లో అసిస్టెంట్ డైరెక్టర్ గా సుకుమార్ పని చేస్తున్న రోజులవి. ముప్పై…
కలర్ ఫోటోతో పెద్ద గుర్తింపు తెచ్చుకుని రైటర్ పద్మభూషణ్ రూపంలో మొదటి థియేట్రికల్ హిట్ అందుకున్న సుహాస్ కు ఈ…