ఒకప్పట్లా మూడు గంటల నిడివితో ఎక్కువగా సినిమాలు రావట్లేదు. గతంలో నిడివి అనేది సమస్యగానే ఉండేది కాదు. మూడు గంటలకు అటు ఇటు నిడివితో చాలా సినిమాలే వచ్చేవి. కానీ ఇప్పటి ప్రేక్షకులకు ఓపిక తక్కువ. ఏ మాత్రం నిడివి ఎక్కువైనా, సినిమా సాగతీతగా అనిపించినా ‘ల్యాగ్’ అంటూ పెదవి విరిచేస్తున్నారు. నిజానికి సినిమా బాగుంటే ఎప్పుడూ కూడా లెంగ్త్ అనేది సమస్యే కాదు. కానీ సినిమా అటు ఇటుగా ఉంటే మాత్రం నిడివి అనేది ప్రస్తుతం చాలా పెద్ద సమస్య అయి కూర్చుంటోంది.
అసలే బాలేని సినిమాను అంత ఎక్కువ నిడివితో చూడాల్సి రావడం ప్రేక్షకులకు నరకమే అని చెప్పాలి. ఇప్పుడు విక్రమ్ సినిమా ‘కోబ్రా’ ఆడియన్స్కు అలాంటి అనుభవమే మిగిల్చింది. ఈ సినిమా నిడివి 3 గంటల 3 నిమిషాలు కావడం గమనార్హం. ఈ రన్ టైం చూసి విడుదలకు ముందే చాలామంది ఆందోళన వ్యక్తం చేశారు. ఈ రోజుల్లో ఇంత నిడివితో ఫైనల్ కట్ ఏంటి అన్న ప్రశ్నలు తలెత్తాయి. ఇది చాలా రిస్కీ వ్యవహారంలా కనిపించింది.
‘కోబ్రా’ అంచనాలను ఏమాత్రం అందుకోలేకపోవడమే కాదు.. ప్రేక్షకులకు ఒక రకంగా టార్చర్ చూపించిందనే చెప్పాలి. దర్శకులు అసలేం రాసుకున్నాడో, ఏం తీశాడో అర్థం కాని విధంగా సినిమా తయారైంది. ఎడిటింగ్ టేబుల్ దగ్గర అసలేమాత్రం కసరత్తు జరగలేదని.. తీసిందంతా అలాగే పెట్టి థియేటర్లకు వదిలేశారని అనిపించింది. అసలే సినిమా అంతంతమాత్రం అంటే.. విపరీతమైన సాగతీతగా అనిపించే హీరో ఫ్లాష్ బ్యాక్, అతడి ఊహా ప్రపంచం చుట్టూ సాగే సన్నివేశాలు ప్రేక్షకులకు చుక్కలు చూపించేశాయి.
ఐతే తొలి రోజు డిజాస్టర్ టాక్ తెచ్చుకున్నాక ‘కోబ్రా’ టీం మేల్కొంది. సినిమా నిడివి ఎక్కువైందన్న కంప్లైంట్లను తాము ఆలకించామని.. సమీక్షకులు, ప్రేక్షకుల అభిప్రాయాన్ని అనుసరించి 20 నిమిషాల నిడివి తగ్గిస్తున్నామని ప్రకటించారు. కానీ ఇదంతా చేతులు కాలాక ఆకులు పట్టుకున్న చందంగా ఉంది. సినిమా రష్ చూసిన ఎవరైనా నిడివి చాలా ఎక్కువైందనే ఫీలై ఉంటారు. అప్పుడే కొంచెం జాగ్రత్త పడి లెంగ్త్ తగ్గించి ఉంటే సినిమాకు ఈ స్థాయిలో నెగెటివ్ టాక్ వచ్చేది కాదు. ఈ టాక్ తర్వాత ఏం చేసినా సినిమాను కాపాడ్డం కష్టంగానే కనిపిస్తోంది.
This post was last modified on September 1, 2022 7:11 pm
మహావతార నరసింహ.. గత ఏడాది పాన్ ఇండియా స్థాయిలో సెన్సేషన్ క్రియేట్ చేసిన సినిమా. ఈ యానిమేషన్ మూవీ రిలీజయ్యే…
టాలీవుడ్ టాలెంటెడ్ దర్శకుల్లో వెంకీ కుడుముల పేరు ఖచ్చితంగా ఉంటుంది. రష్మిక మందన్న ఇవాళ ఈ స్థాయికి వచ్చిందంటే ఛలో…
మహిళల భద్రతపై మరోసారి ఆందోళన కలిగించే ఘటన తెలంగాణలో చోటుచేసుకుంది. ఇంటికి వెళ్లేందుకు ఆటోలో లిఫ్ట్ ఇస్తామని నమ్మించిన ఇద్దరు…
ప్రపంచ టెక్ రంగంలో సంచలనం సృష్టించిన ఎన్విడియా మాజీ సీఈవో జెన్సెన్ హువాంగ్ వ్యవహారం మరో మలుపు తిరిగింది. వివాహేతర…
బంధువులను రైలు ఎక్కించడానికి వెళ్లినవాళ్లు అనుకోకుండా అదే రైలులో ప్రయాణించాల్సి వచ్చింది. పైగా టికెట్లు లేకపోవడంతో ఏకంగా రూ.36,140 చెల్లించాల్సి…
మెగాస్టార్ చిరంజీవి స్క్రీన్ మీదే కాదు స్టేజి పైన ఉన్నప్పుడు కూడా ఆయన ఎనర్జీ వేరే లెవెల్ లో ఉంటుంది.…