‘అజ్ఞాతవాసి’ పేరెత్తితే చాలు మెగా అభిమానులు బెంబెత్తిపోతారు. త్రివిక్రమ్ అభిమానులకు కూడా అది చాలా చికాకు పెట్టే టాపిక్కే. పవన్ కళ్యాణ్ కెరీర్లో ఇలాంటి డిజాస్టర్లు లేకేం కాదు కానీ.. త్రివిక్రమ్ ఇలాంటి సినిమా తీయడమే పెద్ద షాక్. ఈ సినిమా పెద్ద డిజాస్టర్ కావడం ఒకెత్తయితే.. అది ఒక ఫ్రెంచ్ మూవీకి ఫ్రీమేక్ అని తీవ్ర ఆరోపణలు ఎదుర్కొని ఆ రకంగా కూడా త్రివిక్రమ్ పరాభవం మూటగట్టుకోవడం మరో ఎత్తు. ఆ సినిమా పేరు.. లార్గో వించ్. 2008లో విడుదలైన ఈ సినిమా పెద్ద హిట్టేమీ కాలేదు.
ఇలాంటి సినిమాను కాపీ కొట్టి ‘అజ్ఞాతవాసి’ తీశాడని త్రివిక్రమ్ ఆరోపణలు ఎదుర్కొన్నాడు. ఈ ఆరోపణలు కొట్టివేయదగ్గవి కూడా కావు. ఆ సినిమా ట్రైలర్ చూస్తే ‘అజ్ఞాతవాసి’తో చాలా వరకు పోలికలు కనిపిస్తాయి. సినిమా చూసిన వాళ్లు కూడా త్రివిక్రమ్ బాగానే ‘ఇన్స్పైర్’ అయ్యాడని అంగీకరిస్తారు. ఐతే ఇలా ఇంటర్నేషనల్ మూవీస్ను సైలెంటుగా కాపీ కొట్టి సినిమాలు తీయడం కొత్తేమీ కాదు.
కాకపోతే ఇంటర్నెట్ విప్లవం, ఓటీటీల పుణ్యమా అని హద్దులు చెరిగిపోయి.. ఇలా ఏదైనా సినిమాను కాపీ కొడితే ఈజీగా దొరికిపోతున్నారు. ‘అజ్ఞాతవాసి’ ట్రైలర్ చూసి ‘లార్గోవించ్’ డైరెక్టర్ జెరోమ్ సాలె స్వయంగా రంగంలోకి దిగడం అప్పట్లో చర్చనీయాంశం అయింది. పనిగట్టుకుని అతను ‘అజ్ఞాతవాసి’ సినిమాకు వెళ్లి తన సినిమాకు అది చాలా వరకు కాపీలా ఉందని కూడా సోషల్ మీడియాలో పోస్ట్ పెట్టాడు. మరి ఆయనతో ‘అజ్ఞాతవాసి’ ఏ రకంగా అయినా సెటిల్మెంట్ చేసుకుందో ఏమో తెలియదు కానీ.. సినిమా డిజాస్టర్ కావడంతో ఆ విషయం మరుగున పడిపోయింది.
కాగా నాలుగేళ్ల తర్వాత ఇప్పుడు మళ్లీ ఆ దర్శకుడు లైన్లోకి వచ్చాడు. పవన్ పుట్టిన రోజును పురస్కరించుకుని ‘జల్సా’ స్పెషల్ షోల గురించి ట్విట్టర్లో ఒక పోస్టు పెట్గగా.. దానికి అతను స్పందిస్తూ.. ‘‘కూల్.. నేనేదైనా గిఫ్ట్ తీసుకురానా? ఉదాహరణకు ఒక స్క్రిప్టు’ అని పేర్కొంటూ #PowerStarBirthday @Pawankalyan అని ట్యాగ్స్ కూడా జోడించాడు. ఐతే జెరోమ్ ‘జల్సా’ సినిమా పోస్టర్ చూసి అదే ‘అజ్ఞాతవాసి’ అనుకుని పొరబడ్డాడని అర్థం చేసుకుని పవన్ ఫ్యాన్స్ అతడికి క్లారిటీ ఇచ్చే ప్రయత్నం చేశారు. అయినా సరే.. అతను మాత్రం ఆ పోస్టును డెలీట్ చేయకుండా అలాగే ఉంచేశాడు.
This post was last modified on August 31, 2022 8:52 pm
మహావతార నరసింహ.. గత ఏడాది పాన్ ఇండియా స్థాయిలో సెన్సేషన్ క్రియేట్ చేసిన సినిమా. ఈ యానిమేషన్ మూవీ రిలీజయ్యే…
టాలీవుడ్ టాలెంటెడ్ దర్శకుల్లో వెంకీ కుడుముల పేరు ఖచ్చితంగా ఉంటుంది. రష్మిక మందన్న ఇవాళ ఈ స్థాయికి వచ్చిందంటే ఛలో…
మహిళల భద్రతపై మరోసారి ఆందోళన కలిగించే ఘటన తెలంగాణలో చోటుచేసుకుంది. ఇంటికి వెళ్లేందుకు ఆటోలో లిఫ్ట్ ఇస్తామని నమ్మించిన ఇద్దరు…
ప్రపంచ టెక్ రంగంలో సంచలనం సృష్టించిన ఎన్విడియా మాజీ సీఈవో జెన్సెన్ హువాంగ్ వ్యవహారం మరో మలుపు తిరిగింది. వివాహేతర…
బంధువులను రైలు ఎక్కించడానికి వెళ్లినవాళ్లు అనుకోకుండా అదే రైలులో ప్రయాణించాల్సి వచ్చింది. పైగా టికెట్లు లేకపోవడంతో ఏకంగా రూ.36,140 చెల్లించాల్సి…
మెగాస్టార్ చిరంజీవి స్క్రీన్ మీదే కాదు స్టేజి పైన ఉన్నప్పుడు కూడా ఆయన ఎనర్జీ వేరే లెవెల్ లో ఉంటుంది.…