గత పదేళ్లలో తెలుగు ఫిలిం ఇండస్ట్రీ నుంచి వెలుగులోకి వచ్చి పెద్ద రేంజికి వెళ్లిన హీరో ఎవరు అంటే మరో మాట లేకుండా విజయ్ దేవరకొండ పేరు చెప్పేయొచ్చు. మెగాస్టార్ చిరంజీవి సైతం విజయ్ అంత వేగంగా తాను స్టార్ ఇమేజ్ సంపాదించలేదని అన్నాడంటే తన రైజ్ ఎలాంటిదో అర్థం చేసుకోవచ్చు. ‘అర్జున్ రెడ్డి’ అనే ఒకే ఒక్క సినిమాతో రాత్రికి రాత్రి అతను స్టార్ అయిపోయాడు. ఆ తర్వాత ‘గీత గోవిందం’ సైతం బ్లాక్బస్టర్ కావడంతో విజయ్ రేంజి ఇంకా పెరిగిపోయింది.
ఆ తర్వాత ‘ట్యాక్సీవాలా’ రూపంలో మరో ఘనవిజయాన్ని అతను ఖాతాలో వేసుకున్నాడు. దీంతో ఈ యువ కథానాయకుడికి ఇక తిరుగులేదని అంతా అనుకున్నారు. ఐతే సక్సెస్ సాధించంకంటే దాన్ని నిలబెట్టుకోవడం చాలా కష్టమని విజయ్ విషయంలోనూ రుజువైంది. చాలా తక్కువ సమయంలో తనకు బిల్డ్ అయిన ఇమేజ్, ఫ్యాన్ ఫాలోయింగ్ను అతను సరిగా ఉపయోగించుకోలేకపోతున్నాడు. సినిమాల ఎంపికలో దారుణమైన తప్పులు చేస్తూ కెరీర్ను ఇబ్బందుల్లోకి నెట్టుకుంటున్నాడు.
‘నోటా’ లాంటి పేలవమైన సినిమాకు అతను టెంప్ట్ అవడం పెద్ద మిస్టేక్. ఏం చూసి అతను ఓకే చేశాడన్నది అర్థం కాని విషయం. పైగా ఈ సినిమాను తెలుగు, తమిళ భాషల్లో చేయడం ఇంకా పెద్ద తప్పిదం. ఇక ‘డియర్ కామ్రేడ్’ సినిమాలో విషయంలో విజయ్ను తప్పుబట్టడానికేమీ లేదు. కొత్త దర్శకుడు భరత్ కమ్మ మంచి ప్రయత్నమే చేశాడు. అతడి కథలో విషయం ఉంది. కానీ ‘సంబరాల రాంబాబు’ లాంటి భరించలేని సినిమా తీసిన క్రాంతి కుమార్ను నమ్మి ‘వరల్డ్ ఫేమస్ లవర్’ లాంటి పేలవమైన కథను ఓకే చేసి సినిమా చేయడం ఇంకో బ్లండర్.
ఇవన్నీ చాలవన్నట్లు పూరి జగన్నాథ్ ఫామ్ గురించి తెలిసి కూడా జట్టు కట్టాడు. అతనేమీ ‘ఇస్మార్ట్ శంకర్’ సక్సెస్ చూసి టెంప్ట్ కాలేదు. ఆ సినిమా రిలీజ్ కావడానికి ముందే పూరికి కమిట్మెంట్ ఇచ్చాడు. పోనీ కథలో ఏమైనా దమ్ముందా అంటే అదీ లేదు. విజయ్ కెరీర్లోనే అత్యంత సాధారణమైన స్క్రిప్టుల్లో ఇదొకటి. ఇలాంటి కథలను ఓకే చేస్తున్నాడంటే విజయ్కి ఏం జడ్జిమెంట్ ఉన్నట్లు? ఇలాంటి అభిరుచితో కెరీర్ ముందుకు సాగడం కష్టం. సొంతంగా సరైన కథలు ఎంచుకోలేకపోతున్నపుడు తోడుగా విషయం ఉన్న వ్యక్తులనైనా పెట్టుకోవాలి. లేదంటే మున్ముందు ఇలాంటి ఎదురు దెబ్బలు మరిన్ని తప్పవు.
This post was last modified on August 30, 2022 9:01 am
చేవెళ్ల బీజేపీ ఎంపీ అభ్యర్థి కొండా విశ్వేశ్వర్ రెడ్డికి పెద్ద చిక్కొచ్చి పడింది. ఈవీఎంలో ఆయన గుర్తు 2వ నెంబర్…
దర్శకుడు ఎస్వీ కృష్ణారెడ్డి తీసిన ఓ సినిమాలో నటించిన రోజా.. రంగుపడుద్ది అనే డైలాగుతో అలరించారు. అయితే..ఇప్పుడు ఆమెకు నిజంగానే…
జాతీయ రాజకీయాల్లో చక్రం తిప్పాలని ఆశపడ్డ బీఆర్ఎస్ అధినేత, మాజీ ముఖ్యమంత్రి కేసీఆర్ గతంలో ఏ చిన్న అవకాశం దొరికినా…
తన 12 మెట్ల కిన్నెర వాయిద్యంతో జాతీయస్థాయిలో గుర్తింపు పొంది రాష్ట్రపతి రాంనాథ్ కోవింద్ చేతుల మీదుగా పద్మశ్రీ అవార్డు అందుకున్న కిన్నెర మొగులయ్య…
ప్రతి సినిమాకు విభిన్నంగా కొత్తగా ప్రయత్నిస్తున్న సుహాస్ తాజాగా ప్రసన్నవదనంతో థియేటర్లలో అడుగు పెట్టాడు. ఈ ఏడాది అంబాజీపేట మ్యారేజీ…
దర్శకుడు శేఖర్ కమ్ముల సెన్సిటివ్ సినిమాలు తీస్తాడనే పేరే కానీ సీరియస్ సబ్జెక్టులు టచ్ చేస్తే అవుట్ ఫుట్ ఏ…