Movie News

విశాల్ ఇలా అయిపోయాడేంటి?

తమిళంలో సినిమాల కోసం విపరీతంగా శారీరక శ్రమకు గురయ్యే హీరోల్లో విశాల్ ఒకడు. ఇండియన్ ఫిలిం హిస్టరీలోనే బెస్ట్ ఫైట్స్ ఉంటాయి అతడి చిత్రాల్లో. వాటి కోసం అతను పడే కష్టం అలాంటిలాంటిది కాదు. బేసిగ్గానే మంచి కటౌట్ ఉన్న అతను.. తాను చేసే యాక్షన్ సినిమాల కోసం చాలా ఫిట్‌గా తయారై కనిపిస్తుంటాడు. ఐతే కండలు పెంచడం, మరింత ఫిట్‌గా తయారవడం వరకు ఓకే కానీ.. లుక్ పరగా చూస్తే అతడిలో మరీ వేరియేషన్లు అయితే ఉండవు.

పోలీస్ పాత్రలు వేస్తే షార్ట్ కటింగ్, నీట్ షేవ్‌తో కనిపిస్తాడు. వేరే పాత్రలైతే కొంచెం జుట్టు, గడ్డం పెంచుకుంటాడు. అంతకుమించి విశాల్‌ మరీ వేరియేషన్ ఏమీ చూపించడు. చివరగా అతను కొత్తగా కనిపించిందంటే బాల సినిమా ‘వాడు వీడు’లోనే. ఐతే ఇప్పుడు ఓ కొత్త చిత్రం కోసం అతను పూర్తిగా అవతారం మార్చేశాడు. ఆ సినిమా పేరు.. మార్క్ ఆంటోనీ. తాజాగా లాంచ్ అయిన ఈ సినిమా ఫస్ట్ లుక్ అందరినీ ఆశ్చర్యానికి గురి చేసింది.

బాగా గడ్డం పెంచి రఫ్‌గా కనిపిస్తున్న విశాల్ కొత్త లుక్‌ను చూస్తే.. సడెన్‌గా అది కార్తియేమో అనిపిస్తోంది. ‘ఖైదీ’లో కార్తిని గుర్తు చేసేలా ఉంది ఆ లుక్. కార్తి స్టయిల్లోనే అతను గన్ను కూడా పట్టుకున్నాడు. ఇక ఫస్ట్ లుక్ పోస్టర్ నిండా గన్నులే కనిపిస్తున్నాయి. సినిమా చాలా వయొలెంట్‌గా ఉండేలా కనిపిస్తోంది. విశాల్ లుక్‌, ఫస్ట్ లుక్ పోస్టర్ థీమ్ చూస్తే ఇది ఫుల్ లెంగ్త్ యాక్షన్ మూవీ అని, పీరియడ్ మూవీ కూడా అయి ఉండొచ్చని అనిపిస్తోంది.

ఈ చిత్రాన్ని ఆధిక్ రవిచంద్రన్ డైరెక్ట్ చేస్తున్నాడు. జీవీ ప్రకాష్ కుమార్ సంగీతం సమకూర్చనున్నాడు. ఎప్పట్లాగే తమిళ, తెలుగు భాషల్లో ఈ సినిమా తెరకెక్కుతోంది. సోమవారం విశాల్ పుట్టిన రోజు సందర్భంగా ఈ సినిమా ఫస్ట్ లుక్ లాంచ్ చేశారు. ఇక విశాల్ నటించిన కొత్త చిత్రం ‘లాఠీ’ ఈ నెలలోనే ప్రేక్షకుల ముందుకు వచ్చే అవకాశముంది. అందులో అతను కానిస్టేబుల్ పాత్ర చేశాడు. ఈ నెలలో రిలీజైన దాని టీజర్ యాక్షన్ ప్రియులను ఆకట్టుకుంది. 

Satya

Recent Posts

యూకేలో కొత్త ప్రధాని.. భారత విద్యార్థులపై ప్రభావం ఉంటుందా?

అభివృద్ధి చెందిన దేశాల్లో రాజకీయ స్థిరత్వం ఎక్కువగా ఉంటుందని భావిస్తారు. కానీ గత పదేళ్లుగా యునైటెడ్ కింగ్‌డమ్ పరిస్థితి మాత్రం…

1 minute ago

భాగ్యశ్రీ మాటతో… మళ్ళీ రామ్ ట్రేండింగ్

టాలీవుడ్ స్టార్ రామ్ పోతినేని, యంగ్ హీరోయిన్ భాగ్యశ్రీ బోర్సే మధ్య ప్రేమాయణం నడుస్తోందంటూ గతంలోనే సోషల్ మీడియాలో చాలా…

1 hour ago

పవన్ చెప్పిందేమిటి?… వీరు చేస్తున్నదేమిటీ?

రాజకీయాల్లో విమర్శలు… వాటికి ప్రతి విమర్శలు సర్వసాధారణమే. అయితే విమర్శల పేరిట అసభ్య పదజాలం వాడటం సరికాదు.. ప్రతి విమర్శల…

1 hour ago

దీవానా సమస్య సెన్సార్ మాత్రమేనా

మొన్న శనివారం విడుదలైన దీవానాకు టాక్, రివ్యూస్ రెండూ డీసెంట్ గా వచ్చాయి. యునానిమస్ కాదు కానీ ఎవరూ నెగటివ్…

2 hours ago

రీ-నీట్… ఇంత చేసినా మళ్లీ సందేహాలు, ప్రశ్నలు!?

రీ-నీట్ 2026 పరీక్ష నిర్వహణ మరోసారి వివాదాలకు కేంద్రబిందువైంది. గతంలో నీట్ పరీక్షలో అవకతవకలు వెలుగుచూడటంతో రీ-ఎగ్జామ్ నిర్వహించినప్పటికీ, ఈసారి…

3 hours ago

పుట్టినరోజు సంబరం… జన నాయకుడి మౌనం

ఇవాళ తమిళనాడు ముఖ్యమంత్రి, కోలీవుడ్ స్టార్ హీరో విజయ్ పుట్టినరోజు. సీఎం అయ్యాక ఫస్ట్ బర్త్ డే కావడంతో అభిమానుల…

3 hours ago