Movie News

సలార్ లో విక్రమ్ టైపు ట్విస్టు

సాహో, రాధే శ్యామ్ ల ఫలితాలు ఎంత నిరాశపరిచినా ప్రభాస్ అభిమానులు అవేమీ పట్టించుకోకుండా సలార్ కోసం వేయి కళ్ళతో ఎదురు చూస్తున్నారు. కెజిఎఫ్ దర్శకుడు ప్రశాంత్ నీల్ సినిమా కావడంతో అంచానాలు మాములుగా లేవు. ముందు ఆది పురుష్ రిలీజవుతుందా లేక సలార్ వస్తుందానే విషయంలో క్లారిటీ లేకపోయినప్పటికీ ఒకప్పటి మాస్ డార్లింగ్ ని ఇందులో చూసుకోవచ్చనే అంచనాలు సాధారణ ప్రేక్షకుల్లోనూ ఉన్నాయి.

అయితే ఇది ఒకే భాగమా లేక సీక్వెల్ కూడా ప్లాన్ చేశారా అనేది యూనిట్ గుట్టుగా ఉంచుతోంది. ఇక అసలు విషయానికి వస్తే సలార్ లో కమల్ హాసన్ విక్రమ్ తరహా క్లైమాక్స్ ట్విస్టు ఒకటి ప్లాన్ చేస్తున్నారని బెంగళూరు టాక్. ఆ సినిమా చివరిలో సూర్య పాత్ర రోలెక్స్ గా ఎంట్రీ ఇచ్చి ఆ నాలుగైదు నిమిషాలే ఎంత రచ్చ చేసిందో చూసాం.

కేవలం ఆ ఒక్క ఎపిసోడే సబ్జెక్ట్ ఎలివేషన్ ని పది రెట్లు పెంచిందనడం అతిశయోక్తి కాదు. ఇప్పుడదే తరహాలో సలార్ లో కెజిఎఫ్ రాఖీ భాయ్ తో పది నిమిషాల ఎపిసోడ్ ఒకటి ప్లానింగ్ లో ఉందనే వార్త హాట్ టాపిక్ గా మారింది. ఇది నిజమో కాదో చెప్పడానికి అధికారిక రుజువు లేదు కానీ ప్రచారం జోరుగా ఉంది.

దీనికి ఊతమిచ్చేలా యష్ ఇంకా గెడ్డం తీయకపోవడం, హెయిర్ స్టైల్ ని అలాగే కొనసాగించడం పలు అనుమానాలు రేపుతోంది. దీని కోసమే అలా చేస్తున్నారన్న కామెంట్స్ లేకపోలేదు. ఇదంతా తేలడానికి నెలల సమయం పడుతుంది. మైన్స్ బ్యాక్ డ్రాప్ లో రూపొందుతున్న సలార్ లో హై వోల్టేజ్ యాక్షన్ ఎపిసోడ్స్ ప్రధాన ఆకర్షణగా నిలవనున్నాయి. ఎంత శాతం చిత్రీకరణ పూర్తయ్యిందనేది చెప్పడం లేదు కానీ సగానికి పైగానే ఫినిష్ చేశారని వినికిడి. వీలైనంత త్వరగా ఆ అప్డేట్స్ ఏవో మొదలుపెడితే ఫ్యాన్స్ ఎంజాయ్ చేస్తారు

This post was last modified on August 7, 2022 4:23 pm

Share

Recent Posts

బిసి సెంటర్స్‌లో ‘రిపీట్’ కావడం లేదా

మొన్న శుక్రవారం విడుదలైన ఈ నగరానికి ఏమైంది రిపీట్ అంచనాలకు మించి హైదరాబాద్, ఓవర్సీస్ లో అదరగొడుతోంది. వసూళ్లు ఊహించిన…

5 hours ago

ఓమ్‌లో ఎన్ని రెఫరెన్సులు ఉన్నాయో

టాక్ మిశ్రమంగా ఉన్నా ఓమ్ వసూళ్లు బాగున్నాయి. వీకెండ్ తర్వాత ఎంత శాతం డ్రాప్ ఉంటుందనేది రెండు రోజులు ఆగితే…

6 hours ago

భోగి మంటల్లో శత్రువుల దహనం

టాలీవుడ్ తెరమీద రక్తధారలు కొనసాగుతున్నాయి. హీరోలు మారుతున్నా వయొలెన్స్ బ్యాక్ డ్రాప్ సినిమాలు కాసులు కురిపించే దిశగా ప్రేక్షకులు ముందుకు…

7 hours ago

యూపీ సీఎంలా పాలిస్తానంటున్న ఏపీ స్వామీజీ

ఏపీ పంచాయ‌తీ ఎన్నిక‌ల వేళ ఓ స్వామీజీ కూడా ఎన్నిక‌ల రంగంలోకి దిగారు. ఉమ్మ‌డి అనంత‌పురం జిల్లా మడకశిర నియోజ‌క‌వ‌ర్గంలోని…

7 hours ago

జ‌గ‌న్ ప‌ట్టు.. ష‌ర్మిల పంతం.. ముదిరిన ప్యాలెస్ వివాదం!

త‌న కుమార్తె అంజ‌లి పెళ్లిని బెంగ‌ళూరులోని య‌ల‌హంక ప్యాలెస్‌లో చేస్తామ‌ని ప్ర‌క‌టించిన ఏపీ కాంగ్రెస్ అధ్య‌క్షురాలు ష‌ర్మిల పంతం ఒక‌వైపు..…

8 hours ago

పంచాయ‌తీ ఎన్నిక‌ల్లో `ప‌ట్టింపు` లేదు.. ఎవ‌రైనా పోటీ చేయండి: జ‌న‌సేన‌

ఏపీలో గ్రామ పంచాయ‌తీ ఎన్నిక‌ల కోలాహ‌లం జ‌రుగుతున్న క్ర‌మంలో జ‌న‌సేన పార్టీ కీల‌క నిర్ణ‌యం తీసుకుంది. ఈ ఎన్నిక‌ల్లో ఎలాంటి…

8 hours ago