ఆగస్ట్ లో రిలీజయ్యే సినిమాల అప్డేట్స్ అన్నీ వస్తున్నాయి కానీ ఆ నెల 12కి డేట్ లాక్ చేసుకున్న యశోద మాత్రం సైలెంట్ గా ఉంది. అంటే వాయిదా తప్పదనే క్లారిటీ వచ్చేసినట్టే. సమంతా ప్రధాన పాత్రలో శ్రీదేవి మూవీస్ బ్యానర్ పై శివలెంక కృష్ణప్రసాద్ నిర్మించిన ఈ చిత్రానికి దర్శకులు హరి – హరీష్. షూటింగ్ వేగంగానే చేసుకుంటూ వచ్చారు కానీ మధ్యలో ఏమయ్యిందో కానీ ఉన్నట్టుండి మౌనం వహించడంతో పోస్ట్ పోన్ చేసుకున్నారనే టాక్ బలంగా వినిపిస్తోంది. ఇది ఒకరకంగా మంచి నిర్ణయమే అని చెప్పాలి.
ఆ వారంలో విపరీతమైన పోటీ నెలకొంది. లాల్ సింగ్ చద్దా, కోబ్రా, మాచర్ల నియోజకవర్గం, లాఠీలు క్యూ కట్టి ఉన్నాయి. ఇండిపెండెన్స్ డే లాంగ్ వీకెండ్ ని వదులుకోవడానికి ఎవరూ సిద్ధంగా లేరు. అలాంటప్పుడు యశోద కూడా దిగడం రిస్క్ అవుతుంది. అసలే ఆడియన్స్ థియేటర్లకు మునుపటిలా రావడం లేదు. ప్రతి శుక్రవారం డిస్ట్రిబ్యూటర్లకు హై టెన్షన్ బిపి వస్తోంది. పబ్లిక్ దేనికి వస్తారో దేనికి రారో అర్థం చేసుకోలేక కిందామీదా పడుతున్నారు. ఓటిటిలా టికెట్ రేట్లా వాళ్లే కన్ఫ్యూజ్ అయ్యే కారణాలతో సతమతమవుతున్నారు.
ఇలాంటి పరిస్థితిలో యశోద లాంటివి వీలైనంత సోలోగా రావడం బెటర్. ఇందులో వరలక్ష్మి శరత్ కుమార్, ఉన్ని ముకుందన్, రావు రమేష్, మురళి శర్మ, సంపత్ రాజ్, శత్రు, కల్పిక గణేష్ లాంటి పెద్ద క్యాస్టింగే ఉంది. థ్రిల్లర్ జానర్ లో రూపొందుతున్న ఈ మూవీకి సంగీత దర్శకుడు మణిశర్మ బ్యాక్ గ్రౌండ్ స్కోర్ కీలకం కానుంది. ఓ బేబీ తర్వాత సామ్ టైటిల్ రోల్ లో నటించిన సినిమా ఇదే. ప్యాన్ ఇండియా ప్రాజెక్ట్ గా హిందీతో పాటు సౌత్ భాషలు అన్నింటిలోనూ డబ్బింగ్ చేస్తుండటంతో జాప్యం తప్పేలా లేదు.
This post was last modified on June 30, 2022 3:54 pm
సామాజిక పింఛన్ల పై పిడుగు పడినట్టు అయింది. వృద్ధులు, దివ్యాంగులు, వితంతులు, ఒంటరి మహిళ లు.. వంటి సామాజిక పింఛనుపై…
ఏపీలో జరుగుతున్న సార్వత్రిక ఎన్నికలకు సంబంధించి అధికార పార్టీ వైసీపీ తాజాగా ఎన్నికల మేనిఫెస్టోను ప్రకటించిన విషయం తెలిసిందే. 2019…
స్టార్ హీరోల పోటీని తట్టుకుని బ్లాక్ బస్టర్ మించిన వసూళ్లను సాధించిన హనుమాన్ కొనసాగింపు జై హనుమాన్ ఆల్రెడీ ప్రకటించిన…
టాలీవుడ్లో ఎంతోమంది లెజెండరీ డైరెక్టర్లు ఉన్నారు. వాళ్ల దగ్గర శిష్యరికం చేసి స్టార్ డైరెక్టర్లుగా ఎదిగిన వాళ్లు కూడా ఉన్నారు.…
టీడీపీ అధినేత చంద్రబాబు ఎన్నికల ప్రచారంలో సూపర్ సిక్స్ను ఎక్కువగా ప్రచారం చేస్తున్నారు. తాను అధికారంలోకి వచ్చిన తర్వాత.. వీటిని…
పెద్ద సినిమాలు నిర్మాణంలో ఉన్నప్పుడు వాటికి సంబంధించిన షాకింగ్ సంగతులు ఎప్పుడో తర్వాత సంవత్సరాల్లో బయట పడతాయి. అలాంటిదే ఇది…