సినిమాలు ఇబ్బడిముబ్బడిగా పెరిగిపోయిన ఈ రోజుల్లో ప్రతివారం కొత్త చిత్రాలు థియేటర్లలోకి దిగుతూనే ఉంటాయి. కానీ వాటిలో ప్రేక్షకులను సంతృప్తి పరిచి వారిపై బలమైన ముద్ర వేసే చిత్రాలు అరుదే. ప్రేక్షకులను విందు భోజనంలా అనిపించి.. వారి మనసు నింపే సినిమాలు ఎప్పుడో కానీ రావు. ఒకే వీకెండ్లో మూణ్నాలుగు సినిమాలు రిలీజవడం, ఆ సినిమాలన్నీ కూడా తీవ్ర నిరాశకు గురి చేయడం.. లాంటి అనుభవాలు చాలానే ఉన్నాయి ప్రేక్షకులకు.
ఒకే వారంలో రెండు సినిమాలు రిలీజై రెండూ పాజిటివ్ టాక్ తెచ్చుకుని బాగా ఆడిన ఉదంతాలు ఈ మధ్య కాలంలో కనిపించవు. చివరగా 2020 సంక్రాంతికి అల వైకుంఠపురములో, సరిలేరు నీకెవ్వరు అలా ఆడాయి. అందులో కూడా సరిలేరు నీకెవ్వరుకు కొంత డివైడ్ టాక్ వచ్చింది. అయినా సరే.. సంక్రాంతి టైమింగ్ను ఉపయోగించుకుని భారీ వసూళ్లు సాధించిందా చిత్రం. ఐతే మళ్లీ రెండు సినిమాలు మంచి టాక్తో బాక్సాఫీస్ దగ్గర సందడి చేస్తుండటం ఇప్పుడే చూస్తున్నాం.
గత శుక్రవారం రిలీజైన మేజర్, విక్రమ్ సినిమాలకు ప్రేక్షకుల నుంచి అద్భుత స్పందన వస్తోంది. ‘మేజర్’ యునానమస్ పాజిటివ్ టాక్తో బాక్సాఫీస్ దగ్గర అంచనాలను మించి సత్తా చాటుతుండగా.. ‘విక్రమ్’ తమిళంలో బ్లాక్బస్టర్ టాక్, ఓపెనింగ్స్ తెచ్చుకుంది. ఈ చిత్రానికి తెలుగులో కూడా డీసెంట్ టాక్, ఓపెనింగ్స్ వచ్చాయి. రివ్యూ అటు ఇటుగా ఉన్నప్పటికీ మౌత్ టాక్ మాత్రం చాలా బాగుంది. వసూళ్లు తొలి రోజు సాయంత్రానికి బాగా పుంజుకున్నాయి. శనివారం హౌస్ఫుల్స్తో నడిచింది ‘విక్రమ్’.
‘మేజర్’కు ముందు నుంచి పాజిటివ్ బజ్ ఉండటం.. రివ్యూలు, టాక్ కూడా కలిసి రావడంతో ఆ సినిమా అదరగొడుతోంది. రెండు చిత్రాల్లో కంటెంట్ బలంగా ఉండడం, కథే ప్రధానంగా నడిచే సినిమాలు కావడంతో అభిరుచి ఉన్న ప్రేక్షకులకు రెండూ బాగా నచ్చుతున్నాయి. నిజమైన సినీ ప్రేమికులకు ఇది పండుగ లాంటి వీకెండ్ అనడంలో సందేహం లేదు. ఈ రెండు చిత్రాలూ దేశవ్యాప్తంగా సత్తా చాటుతుండటం శుభ పరిణామం.
This post was last modified on June 6, 2022 6:51 am
తెలంగాణ అధికార పార్టీ కాంగ్రెస్లో వన్ మ్యాన్ `ఆర్మీ`గా ముఖ్యమంత్రి రేవంత్ రెడ్డి కనిపిస్తున్నారు. గత ఎన్నికల్లో పార్టీని అధికారంలోకి…
ఉత్తరాంధ్ర రాజకీయాల్లో ఒకప్పుడు దూకుడుగా ఉన్న వైసీపీ ఇప్పుడు పెద్దగా కనిపించడం లేదన్న టాక్ వినిపిస్తోంది. కీలక నాయకులు ఉన్నప్పటికీ..…
కరణం బలరామకృష్ణమూర్తి.. రాజకీయ ఉద్ధండుడిగా పేరొందిన ఉమ్మడి ప్రకాశం జిల్లాకు చెందిన నేత. కుమారుడు కరణం వెంకటేష్ను ఎమ్మెల్యేగా చూసుకోవాలన్న…
నియోజకవర్గాల పునర్విభజన అనూహ్య పరిణామాల నేపథ్యంలో అలా వెనక్కెళ్లిపోయింది. దక్షిణాది, ఈశాన్య రాష్ట్రాలకు తీరని అన్యాయం అంటూ కాంగ్రెస్ నేతృత్వంలోని ఇండియా…
బ్లాక్ బస్టర్ సినిమాల వెనుక కొన్ని వేల మంది కష్టం దాగి ఉంటుంది. కాకపోతే ప్రేక్షకులకది అనవసరం. థియేటర్ లో…
ప్రతి నెల ఒకటో తారీకు కోసం ఉద్యోగులు ఎదురు చూడడం సహజం. కారణం నెలంతా కష్టపడితే జీవితాలు అకౌంట్ లో…