Gulte Telugu Telugu Political and Movie News Updates
త‌మిళంలో గ‌త కొన్నేళ్లుగా విజ‌య్ హ‌వా మామూలుగా లేదు. అత‌ను ర‌జినీకాంత్‌ను మించిన స్టార్ అయిపోయాడు. యావ‌రేజ్ సినిమాల‌తోనే బ్లాక్‌బ‌స్ట‌ర్లు కొడుతూ ఇంతింతై అన్న‌ట్లుగా ఎదిగిపోతున్నాడ‌త‌ను. గ‌త ఏడాది వచ్చిన మాస్ట‌ర్ మూవీ యావ‌రేజే అయినా అది బ్లాక్ బ‌స్ట‌ర్ స్టేట‌స్ అందుకుంది.
ఇప్పుడ‌త‌ను కోల‌మావు కోకిల, డాక్ట‌ర్ లాంటి సూప‌ర్ హిట్లు తీసిన నెల్స‌న్ దిలీప్ కుమార్ ద‌ర్శ‌క‌త్వంలో న‌టించిన బీస్ట్ మూవీతో ప్రేక్ష‌కుల ముందుకు వ‌స్తున్నాడు. ఈ కాంబినేష‌న్లో సినిమా అనౌన్స్ చేసిన‌పుడే అంచ‌నాలు భారీగా పెరిగిపోయాయి. ఆ త‌ర్వాత దీని పాట‌లు, ఇత‌ర ప్రోమోలు అంచ‌నాల్ని ఇంకా పెంచాయి. ఇప్పుడు ఈ సినిమా ట్రైలర్ ప్రేక్ష‌కుల ముందుకు వ‌చ్చింది. విజ‌య్ హీరోయిజాన్ని వాడుకుంటూ నెల్స‌న్ త‌న‌దైన శైలిలో ప్రేక్ష‌కుల‌ను ఎంట‌ర్టైన్ చేయ‌బోతున్నాడ‌ని ట్రైలర్ సంకేతాలు ఇచ్చింది.
బీస్ట్ మూవీ ఒక షాపింగ్ మాల్ హైజాక్ నేప‌థ్యంలో న‌డుస్తుంద‌ని ఇంత‌కుముందే సంకేతాలు అందాయి. ట్రైల‌ర్లో అదే చూపించారు. ఒక హైజాక్ గ్యాంగ్ చెన్నైలోని ఒక పెద్ద షాపింగ్ మాల్‌ను త‌మ చేతుల్లోకి తీసుకుంటుంది. ఐతే ఆ మాల్లో అనుకోకుండా హీరో కూడా ఉంటాడు. అత‌ను ఇంటలిజెన్స్ విభాగంలో ప‌ని చేసే స్పై. అతడి ట్రాక్ రికార్డు మామూలుగా ఉండ‌దు. అలాంటోడు బందీల మ‌ధ్య ఉండ‌టంతో హైజాక‌ర్ల‌కే స‌వాల్ మొద‌ల‌వుతుంది. మాల్లో ఉన్న అంద‌రినీ హీరో ఎలా ర‌క్షించాడ‌నే నేప‌థ్యంలోనే క‌థ రొటీన్‌గా న‌డిచేలా క‌నిపిస్తున్నా.. దిలీప్ మార్కు ఫ‌న్‌కు ఢోకా లేన‌ట్లే ఉంది.
నెల్స‌న్ తొలి రెండు చిత్రాల్లో కామెడీతో అద‌ర‌గొట్టిన యోగిబాబు ఇందులోనూ కీల‌క పాత్ర చేశాడు. ఇక హీరోయిన్ గ్లామ‌ర్ సినిమాకు మ‌రో అట్రాక్ష‌న్‌. సూప‌ర్ ఫాంలో ఉన్న విజ‌య్.. ఈ సినిమాలో చాలా స్టైలిష్‌గా క‌నిపిస్తున్నాడు. అతడి నుంచి అభిమానులు ఆశించే హీరోయిజం, యాక్ష‌న్‌కు సినిమాలో ఢోకా లేన‌ట్లే క‌నిపిస్తోంది. కాక‌పోతే పూర్తిగా షాపింగ్ మాల్లో న‌డిచే క‌థ‌ను బోర్ కొట్ట‌కుండా ఎలా న‌డిపిస్తార‌న్న‌దే డౌటు. ఈ నెల 13న బీస్ట్ త‌మిళంతో పాటు తెలుగులోనూ పెద్ద ఎత్తునే రిలీజ్ కానుంది.
