మెగా స్టార్ చిరంజీవి దూకుడు.. ఆయన అభిమానులను పూర్తిస్థాయిలో డిఫెన్స్లోకి నెట్టేసిందా? వారు ఇప్పుడు ఎటూ తేల్చుకోలేని పరిస్థితిని తీసుకువచ్చారా? అంటే.. ఔననే అంటున్నారు పరిశీలకులు. మెగా అభిమానులు అంటే.. చిరంజీవితో ప్రారంభమైనప్పటికీ.. కేవలం చిరంజీవితోనే వీరు ఎండ్కారు. మెగా కుటుంబం నుంచి ఏ నటుడు రంగంలోకివచ్చినా.. జైకొట్టేది.. ఓన్ చేసుకునేది వీరు. చిరు అభిమానులు చిరస్థాయిగా.. తమ అభిమానాన్ని మొత్తం మెగా ఫ్యామిలీపై పంచేసుకున్నారు.
ఈ క్రమంలో చిరు, ఆయన సొదరుడు పవన్ కళ్యాణ్పైనా.. చిరు అభిమానులు మనసు పెట్టుకున్న విష యం తెలసిందే. గతంలో ప్రజారాజ్యం పెట్టుకున్నప్పుడు మెగా అభిమానులు రాజకీయ పార్టీ కార్యకర్తలు గా మారిపోయారు. తర్వాత.. ప్రజారాజ్యం పోయినా.. ఆయన వెంటే ఉన్నారు. ఇక, ఈ క్రమంలో తెరమీదికి వచ్చిన జనసేనకు వీరే అభిమానులు అయ్యారు. పవన్ ఎక్కడ ప్రసంగించినా.. జేజే లు కొట్టేది.. సీఎం అవ్వాలని పిలుపునిచ్చేది కూడా మెగా అభిమానులే. ఈ క్రమంలో పవన్ రాజకీయ నేతగా.. ఏపీలో వైసీపీని ఆది నుంచి వ్యతిరేకిస్తున్నారు.
గత ఎన్నికలకు ముందు.. తర్వాత కూడా సీఎం జగన్పై తీవ్ర విమర్శలు చేస్తున్నారు. వచ్చే ఎన్నికల్లో జగన్ను గద్దె దింపడం కోసమే అన్నట్టుగా పొత్తులకు కూడా పావులు కదుపుతున్నారు. దీంతో పవన్ అబిమాన గణం.. అదే మెగా అభిమానులు అందరూకూడా.. పవన్ బాటలో నడుస్తూ.. ప్రభుత్వానికి వ్యతిరేకంగా పనిచేసేందుకు రెడీ అంటూ.. ఎప్పటికప్పుడు .. పవన్కు చెబుతున్నారు. అయితే.. ఇప్పుడు ఏకంగా చిరంజీవి.. సీఎం జగన్ను మూడు సార్లు కలవడం.. సినీ పరిశ్రమకు సంబంధించిన అంశాలపై ఆయనతో చర్చించడం తెలిసిందే.
దీనిని ఎవరూ తప్పుబట్టడం లేదు. పైగా.. చిరు ఇప్పుడు రాజకీయాల్లో కూడా లేరు.. వచ్చే అవకాశం కూడా లేదని..ఆయనే స్వయంగా చెప్పుకొన్నారు. దీంతో చిరుజగన్ను కలవడాన్ని ఎవరూ తప్పుబట్టడం లేదు. అయితే.. ఈ క్రమంలో చిరంజీవి.. జగన్ను పొగడ్తలతో ముంచెత్తడం.. ఆయనకు చేతులు జోడించి నమస్కారం చేయడం.. తల్లిలాంటి వారంటూ.. కొనియాడడం వంటివే మెగా అభిమానులను డోలాయమానంలోకి నెట్టేస్తున్నాయి. ఎందుకంటే..చిరు అంతటి వాడే..ఇలా జగన్ను ఆకాశానికి ఎత్తేస్తే.. రేపు పవన్కు అనుకూలంగా..జగన్కు వ్యతిరేకంగా ఎలా వ్యవహరించాలనేది .. మెగా అభిమానుల ప్రశ్న.
చిరును ఫాలో అయ్యేవారే వీరిలో ఎక్కువగా ఉండడం.. చిరు మాత్రం జగన్ను ఫాలో అవుతుండడం.. పవన్ మాత్రం జగన్ను వ్యతిరేకిస్తుండడంతో ఎటు వైపు తాము మళ్లాలి.. ఎలా నడవాలి.. ఎవరికి ఫాలో కావాలి?. అనే అంశాలపై.. మెగా అభిమానులు తర్జన భర్జన పడుతుండడం గమనార్హం. మరి ఎన్నికల నాటికి ఏం జరుగుతుందో చూడాలి.
బిచ్చగాడు హీరోగా విజయ్ ఆంటోనీకి ఫ్లాపులతో సంబంధం లేకుండా తెలుగు ప్రేక్షకుల్లో గుర్తింపు ఉంది. అయితే వరస డిజాస్టర్లు తన…
అగ్రరాజ్యం అమెరికాలో చదువుకునేందుకు వెళ్లేవారు అప్రమత్తం కావాల్సిన అవసరం ఏర్పడింది. ఇప్పటి వరకు ఈ దేశంలో చదువుకునేందుకు వెళ్లేవారు.. ఎడ్యుకేషన్…
400 కోట్లకు పైగా వసూలు చేసినా గట్టిగా బ్లాక్ బస్టరని చెప్పుకోలేని విచిత్ర పరిస్థితి పెద్దిది. ఓవర్సీస్, ఉత్తరాది రాష్ట్రాలు,…
ఇవాళ హైదరాబాద్ ప్రసాద్ పీసీఎక్స్ లో హనుమాన్ 3డి రీ రిలీజ్ ట్రైలర్ లాంచ్ జరిగింది. మళ్ళీ విడుదల చేస్తున్న…
మళ్ళీ ఓజి 2 హాట్ టాపిక్ అయిపోయింది. పవన్ కళ్యాణ్ క్రియేటివ్ వర్క్స్ హ్యాండిల్ నుంచి పవన్, దర్శకుడు సుజిత్…
హీరోల స్టార్ పవర్ పెద్దగా పని చేయట్లేదు ఈ రోజుల్లో. కంటెంట్ను బట్టే సినిమాలు చూస్తున్నారు. స్టార్లను చూసి ఎగబడి…