డైరెక్టర్ ని చెడామడా తిట్టేసిన నాగ్!

సీనియర్ హీరో నాగార్జున ఇటీవల ‘బంగార్రాజు’ సినిమాతో ప్రేక్షకుల ముందుకు వచ్చారు. సంక్రాంతి కానుకగా విడుదలైన ఈ సినిమా మంచి కలెక్షన్స్ ను రాబడుతోంది. సంక్రాంతికి సరైన సినిమాలు లేకపోవడం ‘బంగార్రాజు’కి కలిసొచ్చింది. ఈ వారంలో కూడా పేరున్న సినిమాలేవీ రిలీజ్ కావడం లేదు. కాబట్టి నాగార్జున సినిమాకి మరిన్ని కలెక్షన్స్ రావడం ఖాయం. 

ఇదిలా ఉండగా.. ‘బంగార్రాజు’ సినిమాను డైరెక్ట్ చేసిన కళ్యాణ్ కృష్ణను చెడామడా తిట్టేశారట నాగార్జున. ఈ విషయాన్ని కళ్యాణ్ కృష్ణ స్వయంగా ఒప్పుకున్నారు. ఇటీవల ‘అలీతో సరదాగా’ షోలో పాల్గొన్నారు కళ్యాణ్ కృష్ణ. ఈ సందర్భంగా అలీ అడిగిన కొన్ని ప్రశ్నలకు సమాధానాలు చెప్పుకొచ్చారు.

ఈ క్రమంలో నాగార్జున తనను తిట్టిన విషయాన్ని వెల్లడించారు. గతంలో ఈ డైరెక్టర్ నాగచైతన్య-రకుల్ ప్రీత్ సింగ్ జంటగా ‘రారండోయ్ వేడుక చూద్దాం’ అనే సినిమాను తెరకెక్కించారు. సినిమా పోస్ట్ ప్రొడక్షన్ సమయంలో ఒకరిద్దరి తప్పులను కవర్ చేసినందుకు నాగార్జున తనను పిలిచి.. ‘వారి తప్పులను ఎన్నాళ్లని కవర్ చేస్తావ్.. దానివలన సినిమా రిలీజ్ లేట్ అవుతుంది కదా..’ అంటూ తిట్టేశారట. 

నిజానికి ఆ విషయంలో తన తప్పు లేకపోయినా.. వేరే వాళ్లను కాపాడే క్రమంలో తిట్లు తిన్నానని చెప్పుకొచ్చారు కళ్యాణ్ కృష్ణ. ఇక ‘బంగార్రాజు’ సినిమా కథ నాగార్జునకి  ఎప్పుడో చెప్పానని.. అది నచ్చి నాగార్జున సినిమా ఎప్పుడు చేసినా.. సంక్రాంతి టార్గెట్ గానే రిలీజ్ చేయాలని ముందే ఫిక్స్ అయ్యారట. అందుకే పరిస్థితులు అనుకూలించకపోయినా.. సంక్రాంతికి సినిమాను రిలీజ్ చేశామని చెప్పారు.