Movie News

క్యాన్సర్ బారినపడిన మరో నటి

క్యాన్సర్.. ఈ మాట వింటేనే వెన్నులోంచి వణుకు పుడుతుంది. ఇప్పటికీ మెడికల్ సైన్స్‌కి అంతు చిక్కని ఈ వ్యాధి నిత్యం ఎందరినో కబళిస్తోంది. ముఖ్యంగా సినీ ఇండస్ట్రీలోని పలువురు ఇప్పటికే క్యాన్సర్ బారిన పడ్డారు. కొందరు దాన్ని జయించారు. కొందరు పోరాడుతున్నారు. ఇప్పుడు మరో నటి కూడా క్యాన్సర్‌‌ బారిన పడింది. తనే హంసానందిని. తనకి బ్రెస్ట్ క్యాన్సర్ సోకినట్టు ఆమే స్వయంగా సోషల్ మీడియాలో వెల్లడించింది.     

హీరోయిన్‌గా ఎంట్రీ ఇచ్చినా కోరుకున్న విజయం దక్కలేదు హంసకి. దాంతో క్యారెక్టర్ ఆర్టిస్టుగా మారింది. ఐటమ్ సాంగ్స్‌తో ఎక్కువ పాపులర్ అయ్యింది. అంతా బానేవుంది అనుకుంటున్న సమయంలో ఈ భయంకర వ్యాధి ఆమె శరీరంలోకి ప్రవేశించింది. నాలుగు నెలల క్రితం తన బ్రెస్ట్‌లో ఒక లంప్ ఉన్నట్టు హంస గుర్తించింది. టెస్టులు చేయిస్తే క్యాన్సర్ అని తేలింది. అప్పటి నుంచి ట్రీట్‌మెంట్ తీసుకుంటోంది.        

‘ఎన్ని సమస్యలైనా రానియ్. జీవితం నా పట్ల ఎంత నిర్దయగా అయినా ఉండనియ్. నేను కుంగిపోను. భయం, బాధ, నెగిటివిటీలను నా దగ్గరకు రానివ్వను. నన్ను జయించే అవకాశం ఈ వ్యాధికి నేను ఇవ్వను. ధైర్యంతో, ప్రేమతో నేను ముందుకే వెళ్తాను’ అంటూ ధైర్యంగా తన పరిస్థితి గురించి పోస్ట్ చేసింది నందిని. ఈ సందర్భంగా జుట్టంతా రాలిపోయి గుండుతో ఉన్న ఫొటోని కూడా షేర్ చేసిందామె.      

దురదృష్టంకొద్దీ హంసానందిని తల్లి బ్రెస్‌ క్యాన్సర్‌‌తోనే కొన్నేళ్ల క్రితం చనిపోయారు. హంసకి కూడా అదే సమస్య వచ్చింది. కన్‌ఫర్మ్ అయిన వెంటనే సర్జరీ చేసి ట్యూమర్‌‌ని తీసేశారు. ఇప్పటి వరకు తొమ్మిది కీమోథెరపీలు జరిగాయి. ఇంకో ఏడు జరగాల్సి ఉంది. ప్రస్తుతానికైతే ప్రమాదం లేదు కానీ మరోసారి బ్రెస్ట్ క్యాన్సర్ వచ్చే అవకాశాలు డెబ్భై శాతం, ఒవేరియన్ క్యాన్సర్ వచ్చే అవకాశాలు నలభై అయిదు శాతం ఉన్నాయని డాక్టర్స్ చెప్పారట. అంటే జీవితాంతం తను జాగ్రత్తగానే ఉండాలి.       

ఇంత జరిగినా తాను ధైర్యంగానే ఉన్నానని హంస చెబుతోంది. దీనివల్ల తాను కుమిలిపోనని, పూర్తిగా కోలుకుని తనలాంటి వారందరికీ ధైర్యాన్నిస్తానని అంటోంది. అంతేకాదు.. వీలైనంత త్వరలో మళ్లీ కెమెరా ముందుకు వస్తానని, ఎప్పటిలానే వెండితెరపై మెరిసి మెప్పిస్తానని చెబుతోంది. అలాగే జరగాలని, హంస వెంటనే కోలుకోవాలని మనమూ ప్రార్థిద్దాం. 

This post was last modified on December 20, 2021 1:44 pm

Share

Recent Posts

హనుమాన్ 2… ఊహించని ట్విస్టు

మూడేళ్ళ క్రితం మహేష్ బాబు, నాగార్జున, వెంకటేష్ లాంటి స్టార్ హీరోలతో సంక్రాంతి రేసులో తలపడి తేజ సజ్జ అంత…

3 minutes ago

వాళ్ళముందు మన సంస్కృతిని తక్కువ చెయ్యను: కీర్తి సురేష్

కొన్ని రోజుల ముందు ‘అక్క’ వెబ్ సిరీస్ ప్రమోషన్లలో భాగంగా జరిగిన ఒక చిట్ చాట్‌లో.. రాధిక ఆప్టే తెలుగు…

2 hours ago

ఏపీ బీజేపీలో అసంతృప్తి సెగ‌… ఆ ఎమ్మెల్యే రాజీనామా?

ఏపీ బీజేపీలో కొన్నాళ్లుగా అసంతృప్తితోనే నాయ‌కులు ముందుకు సాగుతున్నారు. పార్టీలో ఏం జ‌రుగుతోందో.. త‌మ‌కు అర్థం కావ‌డం లేద‌ని కొన్నాళ్లుగా…

2 hours ago

పారిశ్రామిక రంగంలో చంద్రబాబు ఎక్స్ ప్రెస్ స్పీడ్

భారతదేశ పారిశ్రామిక రంగంలో ఆంధ్ర ప్రదేశ్ దూకుడు ప్రదర్శిస్తోంది. ముఖ్యమంత్రి చంద్రబాబు ఎక్స్ ప్రెస్ బుల్లెట్ వేగంతో ముందుకు దూసుకొని…

2 hours ago

రాములమ్మని వాడుకోవడం తెలివైన ఐడియా

పాత పాటలను కొత్త సినిమాల కోసం రీమిక్స్ చేసి వాడుకోవడం కొత్త కాదు. దాదాపు అందరు హీరోలు చేశారు. అల్లరి…

12 hours ago

ఇది వింటే ఇక జన్మలో కాపీ కొట్టరు

పరీక్షల్లో అక్రమాలను అరికట్టేందుకు సాధారణంగా కఠిన తనిఖీలు, నిఘా కెమెరాలు, ప్రత్యేక బృందాలను ఉపయోగిస్తుంటారు. అయితే దక్షిణ కొరియా అధికారులు…

13 hours ago