ఆంధ్రప్రదేశ్లో ఏ భారీ చిత్రం రిలీజైనా ముందు రోజు అర్ధరాత్రి నుంచి హంగామా మొదలైపోతుంది. తెల్లవారుజామున పెద్ద ఎత్తున అభిమానుల కోసం బెనిఫిట్ షోలు వేయడం ఎప్పట్నుంచో వస్తున్న సంప్రదాయం. కానీ ఈ సంప్రదాయానికి ఈ ఏడాది వేసవిలో బ్రేక్ పడింది. పవన్ కళ్యాణ్ సినిమా ‘వకీల్ సాబ్’కు ఏపీలో ప్లాన్ చేసిన బెనిఫిట్ షోలన్నీ రద్దయిపోయాయి. అంతే కాక ఉదయం మార్నింగ్ షోల కంటే ముందు ప్లాన్ చేసిన షోలు, వేరే ఎక్స్ట్రా షోలన్నీ కూడా క్యాన్సిల్ చేసేశారు. టికెట్ల రేట్ల మీద కూడా నియంత్రణ తెచ్చారు. ఇది పవన్ అభిమానులకు తీవ్ర ఆగ్రహావేశాలు తెప్పించినా ప్రభుత్వం పట్టించుకోలేదు. ఆ తర్వాత ఏపీలో ఇకపై బెనిఫిట్ షోలనేవే ఉండవని మంత్రి పేర్ని నాని తేల్చేశారు. ఈ మేరకు ఇటీవల జీవో కూడా రిలీజ్ చేశారు. రోజుకు నాలుగు షోలు మాత్రమే ఉంటాయని.. అదనపు షోలకు కూడా ఛాన్స్ లేదని తేల్చి చెప్పారు. అలాగే టికెట్ల రేట్ల విషయంలోనూ నియంత్రణ తీసుకొస్తూ జీవో రిలీజ్ చేయడం తెలిసిందే.
ఈ నేపథ్యంలో ‘అఖండ’ విషయంలో ఏం జరుగుతుందా అని అంతా ఉత్కంఠగా ఎదురు చూశారు. ఈ చిత్రానికి బెనిఫిట్ షోలు, అదనపు షోలు లేవనే ఫిక్సయిపోయారు. కానీ ఏపీలో ఈ రోజు చాలా చోట్ల బెనిఫిట్ షోలు, స్పెషల్ షోలు పడటం విశేషం. తిరుపతి సిటీలో అందుబాటులో ఉన్న ప్రతి థియేటర్లోనూ ‘అఖండ’ సినిమానే వేశారు. అంతే కాక మార్నింగ్ షోకు ముందు స్పెషల్ షోలు షెడ్యూల్ చేశారు. వాటికి ఆన్ లైన్ బుకింగ్స్ కూడా జరిగాయి. అంతే కాక తెల్లవారుజామున అభిమానుల కోసం బెనిఫిట్ షోలు కూడా ప్లాన్ చేశారు. ఐతే ముందు రోజు రాత్రి మాత్రం ఈ షోల విషయంలో సందిగ్ధత నడిచింది. ఒక దశలో ఈ షోలన్నీ క్యాన్సిల్ అయిపోతున్నాయనే ప్రచారం జరిగింది. కానీ చివరికి తెల్లవారుజామున ఐదు గంటలకు చాలా థియేటర్లలో బెనిఫిట్ షోలు పడ్డాయి. ఉదయం అదనపు షోలు కూడా షెడ్యూల్ ప్రకారమే నడిచాయి.
తిరుపతి అనే కాదు.. ఏపీలో చాలా చోట్ల బెనిఫిట్ షోలు, అదనపు షోలు వేశారు. వీటికి ఎక్కడిక్కడ లోకల్ యంత్రాంగం నుంచి అనుమతులు తెచ్చుకున్నట్లుగా తెలుస్తోంది. ఈ విషయంలో ప్రభుత్వం వైపు నుంచి పెద్దగా అభ్యంతరాలు లేనట్లే కనిపిస్తోంది. తర్వాతి భారీ చిత్రం ‘పుష్ప’.. ఆపైన వచ్చే ‘ఆర్ఆర్ఆర్’కు కూడా బెనిఫిట్, స్పెషల్ షోలకు ఇబ్బంది ఉండదనే భావిస్తున్నారు. కానీ పవన్ కళ్యాణ్ సినిమా ‘భీమ్లా నాయక్’ విషయంలోనే సందేహాలున్నాయి. ‘వకీల్ సాబ్’ను టార్గెట్ చేసినట్లే ఉద్దేశపూర్వకంగా దీన్ని కూడా టార్గెట్ చేస్తారా.. లేక దానికి కూడా అనధికార మినహాయింపునిచ్చేస్తారా అన్నది చూడాలి.
This post was last modified on December 2, 2021 5:34 pm
సౌత్ ఇండియన్ ఫిలిం ఇండస్ట్రీలో చేసిన రెండు సినిమాలతోనే చాలా ప్రామిసింగ్గా అనిపించిన వారసుల్లో ధ్రువ్ విక్రమ్ ఒకడు. అర్జున్…
సుకుమార్ లాంటి స్టార్ డైరెక్టర్ తీసే సినిమాలో.. ఓ పెద్ద హీరో నటించినపుడు చిన్న సన్నివేశమైనా సరే సుక్కునే తీయాల్సి…
ఆంధ్రప్రదేశ్ మంత్రి రోజా చాలా ఏళ్ల పాటు జడ్జిగా వ్యవహరించిన జబర్దస్త్ షోలో స్కిట్లు చేసే కమెడియన్లతో ఆమెకు మంచి…
టీడీపీ అధినేత చంద్రబాబుకు.. బిగ్ బ్రేక్ వచ్చింది. ఇప్పటి వరకు కేంద్రంలోని పెద్దలు ఎవరూ.. ముఖ్యంగా బీజేపీ అగ్రనాయకులుగా ఉన్నవారు…
ఏపీలో సంచలనం చోటు చేసుకుంది. ఎన్నికల వేళ అధికార పార్టీకి అనుకూలంగా వ్యవహరిస్తున్నారన్న ఆరోపణల నేపథ్యంలో ఇప్పటికే చాలా మంది…
ఏపీలో ఎన్నికలకు మరో వారం రోజులు మాత్రమే గడువు ఉంది. ఈ నెల 13న అంటే వచ్చే సోమవారం.. ఎన్నికల…