Movie News

శర్వానంద్ సినిమా ఓటీటీకి?

ఎక్స్‌ప్రెస్ రాజా, రన్ రాజా రన్, మళ్ళీ మళ్ళీ ఇది రాని రోజు లాంటి చిత్రాలతో ఒక టైంలో మాంచి ఊపుమీద కనిపించాడు యువ కథానాయకుడు శర్వానంద్. కానీ ఆ తర్వాత అతడి కెరీర్ గాడి తప్పింది. గత ఐదేళ్లలో ఒక్క ‘మహానుభావుడు’ మినహా శర్వాకు ఒక్క సక్సెస్ కూడా లేదు. ‘శ్రీకారం’ లాంటి మంచి టాక్ తెచ్చుకున్న సినిమాలు సైతం అతడికి నిరాశనే మిగిల్చాయి. ఇటీవలే ‘మహాసముద్రం’తో మరో చేదు ఫలితాన్ని అందుకున్నాడు శర్వా.

ఇప్పుడిక తన చేతిలో ఉన్న రెండు క్లాస్ చిత్రాల మీదే అతడి ఆశలన్నీ నిలిచి ఉన్నాయి. అందులో ఒకటి ‘ఆడాళ్ళు మీకు జోహార్లు’ కాగా.. ఇంకోటి ‘ఒకే ఒక జీవితం’. వీటిలో మొదటి చిత్రాన్ని ‘నేను శైలజ’ ఫేమ్ కిషోర్ తిరుమల రూపొందిస్తున్నాడు. షూటింగ్ మధ్య దశలో ఉంది. ‘ఒకే ఒక జీవితం’ విషయానికి వస్తే ఇది తమిళ, తెలుగు భాషల్లో తెరకెక్కుతున్న సినిమా కావడం విశేషం.

కొన్ని నెలల కిందట రిలీజ్ చేసిన మోషన్ పోస్టర్‌తో అందరినీ ఆకట్టుకున్న ‘ఒకే ఒక జీవితం’ సినిమా షూటింగ్ పూర్తి చేసుకుని విడుదలకు సిద్ధమవుతోంది. ఐతే ఈ చిత్రం థియేటర్లలోకి రాబోదన్నది కోలీవుడ్ మీడియా నుంచి అందుతున్న సమాచారం. వరుస ఫ్లాపుల కారణంగా శర్వా మార్కెట్ బాగా దెబ్బ తినేయడంతో థియేట్రికల్ రిలీజ్ మీద నిర్మాత ఎస్.ఆర్.ప్రభు అంతగా ఆసక్తి చూపించట్లేదట.

‘జర్నీ’ మూవీతో ఒకప్పుడు తమిళంలో శర్వాకు మంచి గుర్తింపే లభించింది. తర్వాత తమిళంలో మరో చిత్రం చేసిన శర్వా.. ఆపై చాలా ఏళ్లు కోలీవుడ్‌కు దూరంగా ఉన్నాడు. కాబట్టి తమిళంలో ఈ చిత్రాన్ని థియేటర్లలో రిలీజ్ చేసినా అంత మంచి ఫలితం వచ్చే అవకాశం లేదు. తెలుగులోనూ శర్వా పరిస్థితి ఆశాజనకంగా లేదు. అమేజాన్ ప్రైమ్ వాళ్లు మంచి లాభానికి సినిమాను కొంటుండటంతో నిర్మాత ప్రభు ఆ డీల్‌ను పూర్తి చేయడానికే మొగ్గు చూపుతున్నాడట. త్వరలోనే ‘ఒకే ఒక జీవితం’ డిజిటల్ రిలీజ్ గురించి ప్రకటన వస్తుందని అంచనా వేస్తున్నారు.

This post was last modified on November 20, 2021 12:11 am

Share

Recent Posts

హనుమాన్ 2… ఊహించని ట్విస్టు

మూడేళ్ళ క్రితం మహేష్ బాబు, నాగార్జున, వెంకటేష్ లాంటి స్టార్ హీరోలతో సంక్రాంతి రేసులో తలపడి తేజ సజ్జ అంత…

3 minutes ago

వాళ్ళముందు మన సంస్కృతిని తక్కువ చెయ్యను: కీర్తి సురేష్

కొన్ని రోజుల ముందు ‘అక్క’ వెబ్ సిరీస్ ప్రమోషన్లలో భాగంగా జరిగిన ఒక చిట్ చాట్‌లో.. రాధిక ఆప్టే తెలుగు…

2 hours ago

ఏపీ బీజేపీలో అసంతృప్తి సెగ‌… ఆ ఎమ్మెల్యే రాజీనామా?

ఏపీ బీజేపీలో కొన్నాళ్లుగా అసంతృప్తితోనే నాయ‌కులు ముందుకు సాగుతున్నారు. పార్టీలో ఏం జ‌రుగుతోందో.. త‌మ‌కు అర్థం కావ‌డం లేద‌ని కొన్నాళ్లుగా…

2 hours ago

పారిశ్రామిక రంగంలో చంద్రబాబు ఎక్స్ ప్రెస్ స్పీడ్

భారతదేశ పారిశ్రామిక రంగంలో ఆంధ్ర ప్రదేశ్ దూకుడు ప్రదర్శిస్తోంది. ముఖ్యమంత్రి చంద్రబాబు ఎక్స్ ప్రెస్ బుల్లెట్ వేగంతో ముందుకు దూసుకొని…

2 hours ago

రాములమ్మని వాడుకోవడం తెలివైన ఐడియా

పాత పాటలను కొత్త సినిమాల కోసం రీమిక్స్ చేసి వాడుకోవడం కొత్త కాదు. దాదాపు అందరు హీరోలు చేశారు. అల్లరి…

12 hours ago

ఇది వింటే ఇక జన్మలో కాపీ కొట్టరు

పరీక్షల్లో అక్రమాలను అరికట్టేందుకు సాధారణంగా కఠిన తనిఖీలు, నిఘా కెమెరాలు, ప్రత్యేక బృందాలను ఉపయోగిస్తుంటారు. అయితే దక్షిణ కొరియా అధికారులు…

13 hours ago