కొన్ని సినిమాలు నిర్మాణ దశ నుంచే క్రేజ్ తెచ్చేసుకుంటాయి. అందుకు భిన్నంగా మరికొన్ని సినిమాలు మాత్రం టీజర్.. ట్రైలర్ రిలీజ్ అయ్యాక.. అమాంతం వాటి మీద అందరి చూపు పడుతుంటుంది. ఇప్పుడు ఆ కోవలోకే వస్తుంది ‘కొండపొలం’ మూవీ. క్రిష్ జాగర్లమూడి దర్శకత్వం వహించి.. కీరవాణి సంగీతంతో రూపుదిద్దుకున్న ఈ మూవీకి వైష్ణవ్ తేజ్.. రకుల్ ప్రీత్ సింగ్ అదనపు ఆకర్షణలుగా మారారు. నిజానికి ‘కొండపొలం’ పూర్తిగా డైరెక్టర్స్ ఫిలిం. సామాజిక అంశాల్ని తనదైన శైలిలో చర్చించే గుణం క్రిష్ లో కనిపిస్తూ ఉంటుంది. తాజా కొండపొలంలో అలాంటి ఎలిమెంట్స్ ఎక్కువగా ఉన్నాయని చెప్పక తప్పదు.
ఈ మూవీ ఆడియో వేడుక తాజాగా కర్నూలులో జరిగింది. ఈ సందర్భంగా మాట్లాడిన దర్శకుడు క్రిష్.. ఆసక్తికర విషయాన్ని వెల్లడించారు. పవన్ నటిస్తున్న ‘హరిహరవీరమల్లు’ మూవీ మధ్యలో కొండపొలం మూవీ మొదలైందని.. ఈ సినిమాను చేయటానికి అనుమతి ఇచ్చిన పవన్ కల్యాణ్ కు ప్రత్యేకంగా థ్యాంక్స్ చెప్పటం విశేషం. ‘రిపబ్లిక్’ మూవీ ప్రీరిలీజ్ కార్యక్రమంలో ఏపీ ప్రభుత్వంపై పవన్ తీవ్రస్థాయిలో విరుచుకుపడిన తర్వాత.. సినిమా రంగానికి చెందిన పలువురు.. ఆయన చేసిన వ్యాఖ్యలన్ని ఆయన వ్యక్తిగతమన్న రీతిలో రియాక్టు కావటం.. ఆయన ప్రస్తావన రాకుండా చూసుకోవటం చేస్తున్న సంగతి తెలిసిందే.
ఇలాంటివేళ.. ఈ వారం రిలీజ్ కానున్న కొండపొలం క్రెడిట్ పవన్ కు ఇచ్చేయటం గమనార్హం. సినిమాను మరో మెట్టు ఎక్కించిన క్రెడిట్ ను కీరవాణి ఖాతాలో వేశారు. ఆసక్తికరమైన విషయం ఏమంటే.. చిత్ర దర్శకుడు.. సంగీత దర్శకులు ఇద్దరూ.. భారీ సినిమాల్ని చేస్తూ.. మధ్యలో ఈ సినిమాకు తమ సేవల్ని అందించటం గమనార్హం. క్రిష్ హరిహర వీరమల్లు చేస్తూ మధ్యలో దీన్ని చేస్తే.. ఆర్ఆర్ఆర్ మూవీ కీరవాణి ఈ సినిమాకు సంగీతాన్ని అందించటం ద్వారా.. ఈ మూవీ మరో రేంజ్ కు వెళ్లిందని చెప్పక తప్పదు. ఇప్పటికే విడుదలైన ట్రైలర్ ఈ సినిమా మీద మరింత ఆసక్తిని పెంచేలా చేస్తోంది. మరి.. తుది ఫలితం ఎలా ఉంటుందో ఈ వారాంతానికి తేలిపోనుంది.
This post was last modified on October 3, 2021 10:21 am
హీరోల పారితోషకాలు అంతకంతకూ పెరిగిపోతుండడంపై నిర్మాతల్లో ఆందోళన వ్యక్తమవుతున్న మాట వాస్తవం. పైకి చెప్పకపోయినా ఈ విషయంలో అసంతృప్తితో ఉన్నారన్నది ఇండస్ట్రీలో…
అధికారంలో ఉన్న నాయకులు, అధికారంలో లేని నాయకులు ఇలా రెండు వర్గాలుగా విభజించినప్పుడు సాధారణంగా పదవులు పొందిన వారు సంతృప్తి…
మూడు రోజుల తెలుగు వారి పెద్ద పండుగ.. సంక్రాంతి. ఇళ్లకే కాదు.. గ్రామాలకు సైతం శోభను తీసుకువచ్చే సంక్రాంతికి.. కోడి…
ఈ సంక్రాంతికి ‘భర్త మహాశయులకు విజ్ఞప్తి’ చిత్రంతో ప్రేక్షకులను పలకరించబోతోంది డింపుల్ హయతి. కెరీర్లో ఆమెకు ఇంకా పెద్ద బ్రేక్ రాలేదు. ఇప్పటికే ఖిలాడి,…
బీజేపీ కురువృద్ధ నాయకుడు, దేశ మాజీ ఉపరాష్ట్రపతి ముప్పవరపు వెంకయ్యనాయుడు.. ప్రస్తుతం ప్రత్యక్ష రాజకీయాల నుంచి తప్పుకొన్నారు. అయితే.. ఆయన…
చుక్క పడందే నిద్ర పట్టని వారు చాలా మంది ఉన్నారు. వీరిలో చిన్న చితకా మందుబాబులను పక్కన పెడితే, మద్యం…