శనివారం సినిమా వాళ్లకు సంబంధించి సోషల్ మీడియాలో రెండు వార్తలు చర్చనీయాంశంగా మారాయి. ఒకటి ఆమిర్ ఖాన్, కిరణ్ రావు విడాకులు తీసుకోవడం. ఇంకోటి మెహ్రీన్ పిర్జాదా తన నిశ్చితార్థాన్ని రద్దు చేసుకోవడం. ఆమిర్ ఖాన్ విడాకులకు దారితీసిన పరిస్థితులపై రకరకాల కథనాలు వస్తున్నాయి. ఆమిర్ విడాకులు తీసుకోవడం కంటే కూడా మెహ్రీన్ నిశ్చితార్థం రద్దు చేసుకోవడమే ఎక్కువ సంచలనం రేపుతోంది.
అసలు కెరీర్లో మంచి స్థితిల ఉండగా మెహ్రీన్ పెళ్లికి సిద్ధం కావడమే ఆశ్చర్యం అనుకుంటే.. ఒక పెళ్లి స్థాయిలో గత ఏడాది ఘనంగా నిశ్చితార్థం చేసుకుని భారీ స్థాయిలో ఫొటో షూట్లు కూడా చేసుకుని కొన్ని ఫొటోలను మీడియాకు కూడా రిలీజ్ చేసిన మెహ్రీన్.. ఇప్పుడిలా భవ్య బిష్ణోయ్ నుంచి విడిపోతున్నట్లు ప్రకటించడం అనూహ్యం. అసలు కరోనా లేకుంటే ఈపాటికే వీరి పెళ్లి కూడా అయిపోయేదేమో.
కాగా భవ్యతో మెహ్రీన్ విడిపోవడానికి కారణం ఆమెకు సినిమాలపై ఉన్న ప్రేమే అని తెలుస్తోంది. భవ్య బిష్ణోయ్ది పేరున్న పొలిటికల్ ఫ్యామిలీ. పెళ్లి తర్వాత మెహ్రీన్ సినిమాలు చేయడం వారికి ఇష్టం లేదట. ఈ విషయంపై ముందుగా ఏమీ అనుకోకున్నప్పటికీ.. నిశ్చితార్థం తర్వాత మెహ్రీన్ మళ్లీ సినిమాల పట్ల ఆసక్తి చూపించడం, చేతిలో ఉన్న సినిమాలకు తోడు కొత్త ప్రాజెక్టులు ఒప్పుకోవడం పట్ల భవ్య, అతడి కుటుంబంలో అభ్యంతరాలు వ్యక్తమయ్యాయని.. ఇన్నాళ్లూ స్వేచ్ఛగా సినిమాలు చేసుకున్న తాను ఇకపై ఈ పెద్ద కుటుంబంలోకి వెళ్లి సినిమాలకు దూరం కావడం ఇష్టం లేకే తనకిది సరిపడదని భవ్యతో నిశ్చితార్థాన్ని ఆమె రద్దు చేసుకున్నట్లు తెలుస్తోంది. కొన్ని నెలల ఆలోచన తర్వాత ఆమె ఈ నిర్ణయానికి వచ్చినట్లు తెలుస్తోంది. ప్రస్తుతం ఎఫ్-2తో పాటు మారుతి దర్శకత్వ పర్యవేక్షణలో సంతోష్ శోభన్ సరసన ఓ సినిమాలో నటిస్తోంది మెహ్రీన్.
This post was last modified on July 4, 2021 11:23 am
హీరోల పారితోషకాలు అంతకంతకూ పెరిగిపోతుండడంపై నిర్మాతల్లో ఆందోళన వ్యక్తమవుతున్న మాట వాస్తవం. పైకి చెప్పకపోయినా ఈ విషయంలో అసంతృప్తితో ఉన్నారన్నది ఇండస్ట్రీలో…
అధికారంలో ఉన్న నాయకులు, అధికారంలో లేని నాయకులు ఇలా రెండు వర్గాలుగా విభజించినప్పుడు సాధారణంగా పదవులు పొందిన వారు సంతృప్తి…
మూడు రోజుల తెలుగు వారి పెద్ద పండుగ.. సంక్రాంతి. ఇళ్లకే కాదు.. గ్రామాలకు సైతం శోభను తీసుకువచ్చే సంక్రాంతికి.. కోడి…
ఈ సంక్రాంతికి ‘భర్త మహాశయులకు విజ్ఞప్తి’ చిత్రంతో ప్రేక్షకులను పలకరించబోతోంది డింపుల్ హయతి. కెరీర్లో ఆమెకు ఇంకా పెద్ద బ్రేక్ రాలేదు. ఇప్పటికే ఖిలాడి,…
బీజేపీ కురువృద్ధ నాయకుడు, దేశ మాజీ ఉపరాష్ట్రపతి ముప్పవరపు వెంకయ్యనాయుడు.. ప్రస్తుతం ప్రత్యక్ష రాజకీయాల నుంచి తప్పుకొన్నారు. అయితే.. ఆయన…
చుక్క పడందే నిద్ర పట్టని వారు చాలా మంది ఉన్నారు. వీరిలో చిన్న చితకా మందుబాబులను పక్కన పెడితే, మద్యం…