బాలీవుడ్లో లేడీ ఓరియెంటెడ్ సినిమాలతో తనకు పోటీగా తయారైన తాప్సి మీద కంగనా రనౌత్ విమర్శలు చేయడం కొత్తేమీ కాదు. ఇప్పటికే చాలాసార్లు తాప్సి మీద తీవ్ర వ్యాఖ్యలు చేసింది కంగనా. తాప్సి తనను కాపీ కొడుతుంటుందని.. తనలాగే కనిపించడానికి ప్రయత్నిస్తుందని.. ఆమె ఒక బి గ్రేడ్ యాక్ట్రెస్ అని.. ఇలా ఎన్నోసార్లు విమర్శలు చేసింది. తాప్సి చాలాసార్లు సంయమనం పాటిస్తుంటుంది కానీ.. కొన్ని సార్లు మాత్రం ఆమె కూడా నోటికి పని చెబుతుంటుంది.
తాజాగా ఒక ఇంటర్వ్యూలో భాగంగా కంగనా గురించి అడిగితే చాలా మామూలుగానే జవాబిచ్చిందామె. కానీ అవతలి వాళ్లు సైలెంటుగా ఉన్నా కూడా కెలికే రకమైన కంగనా.. తన గురించి వేరే వాళ్లు కామెంట్ చేస్తే ఊరుకుంటుందా? ఎప్పట్లాగే రెచ్చిపోయి తాప్సి గురించి ఎలా పడితే అలా మాట్లాడేసింది. ఆమెను మరోసారి బి గ్రేడ్ యాక్ట్రెస్ అంటూ తేలిక చేసే ప్రయత్నం చేసింది.
కంగనా చేసిన అతితో ఆమె మీద ట్విట్టర్ బ్యాన్ వేసిన సంగతి తెలిసిందే. దీంతో ఆమె ఇన్స్టాగ్రామ్కు పరిమితం అయింది. ఐతే ట్విట్టర్లో కంగనా లేకపోవడం లోటుగా ఉందా అని ఓ ఇంటర్వ్యూలో తాప్సీని అడిగితే.. అలాంటిదేమీ లేదని తేల్చేసింది. ఈ కామెంట్ మీద ఇన్స్టాగ్రామ్లో ఒక పోస్టే పెట్టేసింది కంగనా. తాప్సి పేరెత్తకుండానే ఆమె మీద విమర్శలు గుప్పించింది. ఆమె ఒక బి గ్రేడ్ యాక్ట్రెస్ అని.. వేరే వాళ్లు వదిలేసిన పాత్రలను తనకివ్వమంటూ నిర్మాతల్ని ఆమె అడుక్కుంటూ ఉంటుందని వ్యాఖ్యానించింది.
తాప్సీని పేద నిర్మాతల పాలిట కంగనాగా చెప్పుకుంటూ ఉంటారని.. ఆమె తనను కాపీ కొడుతూ ఉంటుందని కూడా కంగనా ఎద్దేవా చేసింది. పాపం కంగనా లేని లోటును ఫీలవుతున్నారా అని అడిగితే లేదు అని చెప్పిన పాపానికి మరీ ఇంతలా తాప్సీని టార్గెట్ చేయాలా అంటూ నెటిజన్లు కంగనా ీమద మండిపడుతున్నారు. కానీ ఆమె ఇలాంటివన్నీ పట్టించుకునే రకమా?
This post was last modified on June 30, 2021 7:53 pm
తీన్మార్ మల్లన్న. నిత్యం మీడియాలో ఉంటూ..తనదైన శైలిలో గత కేసీఆర్ సర్కారును ఉక్కిరిబిక్కిరికి గురి చేసిన చింతపండు నవీన్ గురించి…
ఇటీవలే విడుదలై బ్లాక్ బస్టర్ సాధించిన మలయాళం సినిమా ఆవేశం తెలుగులో డబ్బింగ్ లేదా రీమేక్ రూపంలో చూడాలని ఫ్యాన్స్…
తెలంగాణలో ఈసారి 17 ఎంపీ స్థానాలకు 12 స్థానాలలో గెలుపు ఖాయం అని బీజేపీ అధిష్టానం గట్టి నమ్మకంతో ఉంది.…
ఈ ఏడాది డబ్బింగ్ సినిమాలు కొన్ని బాగానే వర్కౌట్ చేసుకున్న నేపథ్యంలో బాక్ అరణ్మనై 4 మీద కాస్తో కూస్తో…
తమిళ నటే అయినప్పటికీ తెలుగులోనూ పలు బ్లాక్ బస్టర్లలో పాలు పంచుకున్న వరలక్ష్మి శరత్ కుమార్ కు మంచి ఫాలోయింగ్…
ఇదేదో బంపర్ అఫర్ లా ఉందే అని ఆశ్చర్యపోతున్నాారా ? అందరూ అదే అనుకుంటున్నారు. హైదరాబాద్ బీజేపీ ఎంపీ అభ్యర్థి…