సెలబ్రెటీల సోషల్ మీడియా అకౌంట్లకు హ్యాకింగ్ బెడద ఎప్పుడూ పొంచే ఉంటుంది. ట్విట్టర్, ఇన్స్టాగ్రామ్ అకౌంట్లతో పాటు యూట్యూబ్ ఛానెళ్లను సైతం హ్యాక్ చేసి సెలబ్రెటీలను బెదిరించే హ్యాకర్లు చాలామందే తయారయ్యారు. తాజాగా మంచు లక్ష్మీప్రసన్న యూట్యూబ్ ఛానెల్ను ఎవరో హ్యాక్ చేశారు. ఆమె ‘చిట్టి చిలకమ్మ’ పేరుతో కొంత కాలం కిందట యూట్యూబ్ ఛానెల్ పెట్టడం.. అందులో పిల్లలకు ఆసక్తికర పాఠాలు బోధిస్తుండటం తెలిసిన సంగతే.
ఐతే ఇప్పుడా యూట్యూబ్ ఛానెల్ను ఎవరో హ్యాక్ చేశారు. ఈ విషయాన్ని ట్విట్టర్ ద్వారా లక్ష్మి వెల్లడించింది. తన ఛానెల్ నుంచి ఏదైనా అర్థరహితమైన కంటెంట్ వస్తే దాన్ని పట్టించుకోవద్దని లక్ష్మి తన ఫాలోవర్లకు సూచించింది. ఛానెల్ను పునరుద్ధరించేందుకు తన టీం ప్రయత్నిస్తోందని.. త్వరలోనే ఛానెల్ తిరిగి తన చేతికి వస్తుందని లక్ష్మి ఆశాభావం వ్యక్తం చేసింది.
చిట్టి చిలకమ్మ యూట్యూబ్ ఛానెల్లో తన కూతురు విద్యా నిర్వాణ మీద తీసిన వీడియోలను పోస్ట్ చేస్తూ లక్ష్మి జనాల్లో అవగాహన పెంచే ప్రయత్నం చేస్తోంది. పిల్లల పెంపకం, వారికి చదువు చెప్పించే విషయంలో అనుసరించాల్సిన పద్ధతులను చక్కగా ఆమె వివరిస్తూ వస్తోంది. ఇది నెటిజన్లను బాగా ఆకట్టుకుంటోంది. లక్ష్మికి దీని ద్వారా మంచి ప్రశంసలు దక్కాయి. త్వరలోనే ఈ ఛానెల్ లక్ష్మి చేతికి వస్తుందేమో చూడాలి.
ఇక మంచు లక్ష్మి కెరీర్ విషయానికి వస్తే ఆమె సినిమాల నుంచి కొంచెం బ్రేక్ తీసుకున్నట్లే ఉంది. చివరగా ఆమె ‘వైఫ్ ఆఫ్ రామ్’తో పలకరించింది. అది మంచి ప్రయత్నమే అయినా సరైన ఫలితాన్నివ్వలేదు. ఐతే ఇటీవల నెట్ ఫ్లిక్స్ కోసం చేసిన ‘పిట్టకథలు’ వెబ్ ఫిలింలో లక్ష్మి ప్రధాన పాత్ర పోషించిన ‘రాములా’ ఎపిసోడ్లో ఆమె నటన అందరినీ ఆకట్టుకుంది. ఆ వెబ్ ఫిలింలో ఎక్కువమందిని ఆకట్టుకున్నది ‘రాములా’ సెగ్మెంటే.
This post was last modified on May 11, 2021 7:32 am
హీరోల పారితోషకాలు అంతకంతకూ పెరిగిపోతుండడంపై నిర్మాతల్లో ఆందోళన వ్యక్తమవుతున్న మాట వాస్తవం. పైకి చెప్పకపోయినా ఈ విషయంలో అసంతృప్తితో ఉన్నారన్నది ఇండస్ట్రీలో…
అధికారంలో ఉన్న నాయకులు, అధికారంలో లేని నాయకులు ఇలా రెండు వర్గాలుగా విభజించినప్పుడు సాధారణంగా పదవులు పొందిన వారు సంతృప్తి…
మూడు రోజుల తెలుగు వారి పెద్ద పండుగ.. సంక్రాంతి. ఇళ్లకే కాదు.. గ్రామాలకు సైతం శోభను తీసుకువచ్చే సంక్రాంతికి.. కోడి…
ఈ సంక్రాంతికి ‘భర్త మహాశయులకు విజ్ఞప్తి’ చిత్రంతో ప్రేక్షకులను పలకరించబోతోంది డింపుల్ హయతి. కెరీర్లో ఆమెకు ఇంకా పెద్ద బ్రేక్ రాలేదు. ఇప్పటికే ఖిలాడి,…
బీజేపీ కురువృద్ధ నాయకుడు, దేశ మాజీ ఉపరాష్ట్రపతి ముప్పవరపు వెంకయ్యనాయుడు.. ప్రస్తుతం ప్రత్యక్ష రాజకీయాల నుంచి తప్పుకొన్నారు. అయితే.. ఆయన…
చుక్క పడందే నిద్ర పట్టని వారు చాలా మంది ఉన్నారు. వీరిలో చిన్న చితకా మందుబాబులను పక్కన పెడితే, మద్యం…