గత నెలలో థియేటర్లను కళకళలాడించిన సినిమా ‘వకీల్ సాబ్’. గత ఏడాది కాలంలో అలాంటి సందడిని ఎప్పుడూ చూడలేదు తెలుగు ప్రేక్షకులు. కరోనా ధాటికి ఏడాదికి పైగా పెద్ద సినిమాల సందడి లేక అందరూ ఒక నైరాశ్యంలో ఉండగా.. ఈ సినిమా వచ్చి రెండు తెలుగు రాష్ట్రాల్లోని థియేటర్లలో పండుగ వాతావరణం తీసుకొచ్చింది. కానీ ఈ సినిమాతోనే థియేటర్ల వైభవానికి తెరపడటం విచారకరం. కరోనా సెకండ్ వేవ్ ధాటికి థియేటర్లను మూత వేయక తప్పలేదు. కరోనా లేకుంటే ‘వకీల్ సాబ్’ థియేటర్లలో ఇంకా కొన్ని రోజులు బాగా ఆడేదేమో.
ఐతే ‘వకీల్ సాబ్’ థియేట్రికల్ రన్కు త్వరగా తెరపడ్డప్పటికీ.. కొన్ని రోజుల్లోనే ఈ సినిమా ఓటీటీ బాట పట్టడంతో ఇప్పుడు మళ్లీ సామాజిక మాధ్యమాలన్నీ ‘వకీల్ సాబ్’ ముచ్చట్లతో నిండిపోతున్నాయి. థియేటర్లలో ఈ సినిమాను మిస్సయిన వాళ్లతో పాటు ఆల్రెడీ థియేటర్లలో చూసిన వాళ్లు కూడా విరగబడి ‘అమేజాన్ ప్రైమ్’లో ఈ సినిమాను చూస్తున్న సంకేతాలు కనిపిస్తున్నాయి.
మామూలుగా ఫ్యాన్ మూమెంట్స్ ఉన్న సినిమాలకు రిపీట్ ఆడియన్స్ వస్తుంటారు. ‘వకీల్ సాబ్’ను కూడా తొలి రెండు వారాల్లో అలా అభిమానులు మళ్లీ మళ్లీ చూశారు. ఐతే ఈ సినిమాకు సెకండ్ వీకెండ్ అయ్యేసరికే కరోనా కరాళ నృత్యం చేస్తుండటంతో థియేటర్లకు వెళ్లడం తగ్గించేశారు. ఐతే ఇప్పుడు అమేజాన్ ప్రైమ్లో ఫ్యాన్స్ సినిమాను మళ్లీ మళ్లీ చూస్తున్నారు. తమకు నచ్చిన సన్నివేశాలను బాగా ఆస్వాదిస్తున్నారు.
సూపర్ ఉమన్ సీన్తో పాటు విజిల్ వర్తీ అనిపించే కొన్ని సన్నివేశాలను మళ్లీ మళ్లీ చూసి సోషల్ మీడియాలో ముచ్చట్లు పెడుతున్నారు. సినిమా రిలీజైనపుడు ఎలా అయితే బ్యాగ్రౌండ్ స్కోర్ విషయంలో తమన్ను ఆకాశానికెత్తేశారో.. ఇప్పుడు అదే స్థాయిలో అతణ్ని కొనియాడుతున్నారు. ఫలానా సీన్లో బీజీఎం అంటూ.. ఇబ్బడిముబ్బడిగా ట్వీట్లు వేస్తున్నారు. ఇదిలా ఉంటే మహిళలు, ఫ్యామిలీ ఆడియన్స్ ‘వకీల్ సాబ్’కు పట్టం కడుతున్న సంకేతాలు కనిపిస్తున్నాయి. ప్రైమ్ చరిత్రలోనే అత్యధిక వ్యూస్ తెచ్చుకున్న భారతీయ చిత్రాల్లో ఒకటిగా ‘వకీల్ సాబ్’ రికార్డుల్లోకి ఎక్కే అవకాశాలు లేకపోలేదు.
This post was last modified on May 2, 2021 2:30 pm
వైసీపీ ఎన్నికల మేనిఫెస్టో విడుదలైన తర్వాత.. కూటమి పార్టీల అభ్యర్థుల ప్రచారంలో భారీ మార్పు చోటు చేసుకుంది. ముఖ్యంగా ఉమ్మడి…
మహేష్ బాబు బావ అనే గుర్తింపుతో హీరోగా అడుగు పెట్టి కెరీర్ ఆరంభంలో కుదురుకోవడానికి చాలా కష్టపడ్డాడు సుధీర్ బాబు.…
2024లో టాలీవుడ్ నుంచి రాబోయే పెద్ద సినిమాలకు విడుదలకు సంబంధించి ఆల్మోస్ట్ ఒక క్లారిటీ వచ్చేసినట్లే. అందరూ ఎంతో ఉత్కంఠగా ఎదురు…
నాలుగు దశాబ్దాల రాజకీయ జీవితం. రెండు సార్లు గెలిచి మంత్రి పదవి, ఒకసారి ఓడినా ఎమ్మెల్సీని చేసి మంత్రిని చేశారు. ముచ్చటగా…
పవన్ బాబాయికి ఒక్కసారి ఓటేయండి. ఒక్కసారి ఆయనను అసెంబ్లీకి పంపించండి .. ప్లీజ్ అంటూ.. మెగా ప్రిన్స్ నాగబాబు కుమారుడు…
మొన్నటిదాకా వరస ఫ్లాపులతో ఉక్కిరిబిక్కిరైన నాగార్జున ఈ సంవత్సరం నా సామిరంగతో ఊరట చెందారు. సోగ్గాడే చిన్ని నాయన రేంజ్…