అల్లు కొత్త సినిమా ‘పుష్ప’ మీద అంచనాలు ఏ స్థాయిలో ఉన్నాయో కొత్తగా చెప్పాల్సిన పని లేదు. ఆ అంచనాల్ని పెంచేలా ఈ రోజు చిన్న గ్లింప్స్ రిలీజ్ చేశారు. ఈ నెల 8న బన్నీ పుట్టిన రోజు కాగా.. ముందు రోజు టీజర్ వదలబోతున్నట్లు ఈ వీడియో ద్వారా సంకేతాలు ఇచ్చారు. ఇప్పటిదాకా టాలీవుడ్లో ఏ హీరో చేయని సాహసం చేస్తున్నాడు బన్నీ ఈ సినిమా కోసం.
జుట్టు, గడ్డం పెంచి.. మాసిన బట్టలేసుకుని.. ఊర మాస్గా తయారయ్యాడతను. మామూలుగా తమిళ హీరోలు మాత్రమే ఇలాంటి అవతారాల్లో కనిపిస్తుంటారు. టాలీవుడ్ స్టార్లు ఎంత మాస్ పాత్రలు వేసినా సరే.. గ్లామరస్గా కనిపించాలనే చూస్తారు. ‘పుష్ప’లో బన్నీ తరహాలో కనిపించడానికి భయపడతారు. కానీ బన్నీ ఈ సాహసం చేసి ప్రేక్షకుల మనసులు గెలిచాడు. ఇప్పుడు బన్నీ లుక్, అతడి క్యారెక్టరే సినిమాకు హైలైట్ అయ్యేలా కనిపిస్తున్నాయి.
ఇక ఈ సినిమా రష్ చూసిన వాళ్లు చెబుతున్న సమాచారం ప్రకారం.. బన్నీ కెరీర్లోనే ‘ది బెస్ట్’ క్యారెక్టర్గా పుష్పరాజ్ నిలిచే అవకాశాలు పుష్కలంగా ఉన్నాయట. బయట చూస్తే బన్నీ మామూలుగా కనిపిస్తాడు కానీ.. సెట్స్ మీదికి వెళ్తే పాత్రలను ఓన్ చేసుకుని పెర్ఫామ్ చేసే తీరు ఆశ్చర్యం కలిగిస్తుంటుంది. ‘నా పేరు సూర్య’ ఫ్లాప్ అయి ఉండొచ్చు కానీ.. సూర్య లాంటి ఫెరోషియస్ పాత్రలో అతను ఎంత బాగా పెర్ఫామ్ చేశాడో తెలిసిందే.
ఇప్పుడు పుష్పరాజ్ పెర్ఫామెన్స్ పరంగా అతడికి ఇంకా ఎక్కువ స్కోప్ ఇచ్చిందని, నటీనటుల నుంచి వాళ్ల కెరీర్లోనే బెస్ట్ పెర్ఫామెన్స్ రాబడతాడని పేరున్న సుక్కు కూడా తోడవడంతో బన్నీ ఈ సినిమాలో విశ్వరూపమే చూపించబోతున్నాడని అంటున్నారు. చిత్తూరు యాసతో, నడవడిక సాగే పుష్పరాజ్ పాత్రకు అలవాటు పడటానికి బన్నీ మొదట్లో కొంచెం ఇబ్బంది పడ్డాడని.. కానీ కొన్ని రోజులకు దాన్ని బాగా ఆకళింపు చేసుకున్నాడని.. కొన్ని రోజుల నుంచి పూర్తిగా పుష్పరాజ్ పాత్రలోకి దిగిపోయి అద్భుతమైన పెర్ఫామెన్స్ ఇస్తున్నాడని.. ఈ సినిమాలో బన్నీని చూసి అభిమానులు ఉర్రూతలూగిపోవడం ఖాయమని చిత్ర వర్గాల సమాచారం.
This post was last modified on April 3, 2021 7:25 pm
హీరోల పారితోషకాలు అంతకంతకూ పెరిగిపోతుండడంపై నిర్మాతల్లో ఆందోళన వ్యక్తమవుతున్న మాట వాస్తవం. పైకి చెప్పకపోయినా ఈ విషయంలో అసంతృప్తితో ఉన్నారన్నది ఇండస్ట్రీలో…
అధికారంలో ఉన్న నాయకులు, అధికారంలో లేని నాయకులు ఇలా రెండు వర్గాలుగా విభజించినప్పుడు సాధారణంగా పదవులు పొందిన వారు సంతృప్తి…
మూడు రోజుల తెలుగు వారి పెద్ద పండుగ.. సంక్రాంతి. ఇళ్లకే కాదు.. గ్రామాలకు సైతం శోభను తీసుకువచ్చే సంక్రాంతికి.. కోడి…
ఈ సంక్రాంతికి ‘భర్త మహాశయులకు విజ్ఞప్తి’ చిత్రంతో ప్రేక్షకులను పలకరించబోతోంది డింపుల్ హయతి. కెరీర్లో ఆమెకు ఇంకా పెద్ద బ్రేక్ రాలేదు. ఇప్పటికే ఖిలాడి,…
బీజేపీ కురువృద్ధ నాయకుడు, దేశ మాజీ ఉపరాష్ట్రపతి ముప్పవరపు వెంకయ్యనాయుడు.. ప్రస్తుతం ప్రత్యక్ష రాజకీయాల నుంచి తప్పుకొన్నారు. అయితే.. ఆయన…
చుక్క పడందే నిద్ర పట్టని వారు చాలా మంది ఉన్నారు. వీరిలో చిన్న చితకా మందుబాబులను పక్కన పెడితే, మద్యం…