Movie News

చిరు కోరుకుంటే.. చరణ్‌తో సెట్టయిందే

మెగాస్టార్ చిరంజీవితో పని చేయాలని సౌత్ ఇండియాలో చిన్నా పెద్దా అని తేడా లేకుండా మెజారిటీ దర్శకులు ఆశ పడే వాళ్లే. ఆయనతో సినిమా అంటే దాన్ని గొప్ప అవకాశంగా భావిస్తారు పెద్ద పెద్ద దర్శకులు కూడా.

వరుసగా నాలుగు బ్లాక్‌బస్టర్లు ఇచ్చిన కొరటాల శివ సైతం చిరుతో సినిమా అనేసరికి ఎంత ఎగ్జైట్ అవుతున్నాడో తెలిసిందే. చిరంజీవి ప్రస్థానం అంత గొప్పది. ఆయన స్థాయి అలాంటిది. అలాంటి చిరు ఓ దర్శకుడితో పని చేయాలని ఎంతో తపించారు. బహిరంగంగానే ఆ కోరికను వ్యక్తపరిచారు కూడా. కానీ ఆ కోరిక మాత్రం నెరవేర్చుకోలేకపోయారు. చిరును అంతగా ఊరించిన ఆ దర్శకుడు మరెవరో కాదు.. శంకర్.

దర్శకుడిగా తన తొలి చిత్రం ‘జెంటిల్‌మ్యాన్’తోనే శంకర్ తనపై అంచనాల్ని భారీగా పెంచేశాడు. ఆ సినిమా చూసి బాగా ఇంప్రెస్ అయిన చిరు.. దాని హిందీ రీమేక్‌లో నటించడం విశేషం. ఆ తర్వాత శంకర్‌తో నేరుగా పని చేయాలని చిరు అనుకున్నారు.

కానీ ఈ కాంబినేషన్‌ కోసం కొన్ని ప్రయత్నాలు జరిగాయి కానీ.. వర్కవుట్ కాలేదు. ఆ మధ్య ‘రోబో’ సినిమా ఆడియో వేడుకలో చిరు శంకర్ మీద ప్రశంసలు కురిపించి, అతడిపై తన అభిమానాన్ని చాటుకుని, తనతో సినిమా చేసే అవకాశం ఇవ్వాలని ఓపెన్‌గా రిక్వెస్ట్ చేయడం విశేషం.

ఆ సందర్భంగా చిరుతో పని చేయడం గొప్ప అవకాశంగా భావిస్తానని, తప్పకుండా అందుకోసం ప్రయత్నిస్తానని శంకర్ అన్నాడు. కానీ ఎప్పుడూ తమిళ స్టార్ల మీదే దృష్టి పెట్టే శంకర్.. తెలుుగలో చిరునే కాదు, మరే హీరోతోనూ కూడా పని చేయలేదు. ఐతే ఇప్పుడు శంకర్.. చిరు తనయుడు రామ్ చరణ్‌తో ఓ సినిమా చేయబోతున్నట్లు వార్త బయటికి వచ్చింది. అగ్ర నిర్మాత దిల్ రాజు ఈ చిత్రాన్ని నిర్మించనున్నారట.

ఇందుకోసమే ఆయన చెన్నైకి వెళ్లినట్లు సమాచారం. డీల్ దాదాపు ఓకే అయినట్లే అని.. త్వరలోనే ఈ ప్రాజెక్టు గురించి ఘనంగా ప్రకటన చేస్తారని అంటున్నారు. మొత్తానికి చిరు కోరిక తీరకున్నా.. ఆయన తనయుడు శంకర్‌తో పని చేయబోతుండటం విశేషమే.

This post was last modified on February 11, 2021 10:54 pm

Share

Recent Posts

7 కోట్ల మోసంపై మౌనం వీడిన పవన్ పీఏ రుక్మిణి

ప్రభుత్వ ఉద్యోగాలిప్పిస్తానంటూ జనసేన కార్యాలయం పేరుతో ఏడు కోట్ల రూపాయలు వసూలు చేసినట్లు వచ్చిన ఆరోపణలు ఏపీ రాజకీయాల్లో దుమారం రేపుతున్నాయి.…

3 minutes ago

ఆ వైసీపీ నేతల లెక్క తేలుస్తానన్న జగన్!

స్థానిక సంస్థల ఎన్నికలకు ముందు వైసీపీ ఎమ్మెల్యేలకు, నియోజకవర్గ ఇన్ చార్జ్ లకు ఆ పార్టీ అధినేత జగన్ వార్నింగ్…

6 hours ago

వాహ్ ఇది కదా విజయం అంటే.. ఒకప్పుడు ఫుడ్ డెలివరీ, ఇప్పుడు సొంత AI కంపెనీ!

చేతిలో పెట్టుబడి లేదు.. వ్యాపారంలో అనుభవం లేదు.. అయినా సొంతంగా ఏదైనా సాధించాలనే బలమైన కోరిక ఉంది. అందుకోసం చదువుకుంటూనే…

7 hours ago

‘తల్లిని చెల్లిని అగౌరవపరచడం జగన్ కే చెల్లు’

వేదిక ఎక్కి మైకు చేతపట్టుకుంటే చాలు అక్కలు, చెల్లెమ్మలంటూ నీతులు వల్లించే జగన్ సొంత తల్లీ, చెల్లి విషయంలో మాత్రం…

11 hours ago

గేమింగ్ పిచ్చి పీక్స్.. GTA 6 ఆడేందుకు పెళ్ళాంతోనే డీల్

వీడియో గేమ్స్ అంటే యువతకు ఎంత ఇష్టమో ప్రత్యేకంగా చెప్పాల్సిన అవసరం లేదు. తమకు నచ్చిన గేమ్ కోసం గంటల…

12 hours ago

ఛార్జిషీట్ నంబర్ పదికి చేరింది జగన్

వైసీపీ అధినేత, మాజీ ముఖ్యమంత్రి వైఎస్ జగన్ మోహన్ రెడ్డి మీద మరో ఛార్జిషీట్ దాఖలైంది. జగన్ అక్రమాస్తుల కేసును…

12 hours ago