Movie News

సంక్రాంతికి స‌లార్‌?

థియేట‌ర్లు పునఃప్రారంభ‌మై, బాక్సాఫీస్‌లో కొంత క‌ళ క‌నిపించ‌డం ఆల‌స్యం.. సౌత్ ఇండ‌స్ట్రీ వాళ్లు ఆగ‌ట్లేదు. ముఖ్యంగా టాలీవుడ్ నిర్మాత‌లైతే మ‌రీ హ‌డావుడి ప‌డిపోతున్నారు. వ‌రుస‌బెట్టి కొత్త సినిమాల‌కు రిలీజ్ డేట్లు ప్ర‌క‌టించేస్తున్నారు. గ‌త నెల రోజుల వ్య‌వ‌ధిలో కేవ‌లం తెలుగులో మాత్ర‌మే అటు ఇటుగా 30 సినిమాల విడుద‌ల తేదీలు ఖ‌రార‌వ‌డం విశేషం.

ఇందులో కొన్ని పాన్ ఇండియా సినిమాలు కూడా ఉన్నాయి. టాలీవుడ్‌ను చూసి కోలీవుడ్ ప్రొడ్యూస‌ర్లలోనూ క‌దలిక వ‌చ్చింది. మంచి సీజ‌న్లు చూసి త‌మ సినిమాలకు క‌ర్చీఫ్‌లు వేసి పెట్టేస్తున్నారు. ఈ ఏడాది వేస‌వికి, ఆ త‌ర్వాత ద‌స‌రాకు, ఆపై దీపావ‌ళికి ద‌క్షిణాది నుంచి భారీ సినిమాలు విడుద‌ల ఖ‌రారు చేసుకున్నాయి. కాగా 2022 సంక్రాంతి మీద కూడా ఓ భారీ చిత్రం క‌న్నేసింద‌న్న‌ది తాజా స‌మాచారం.

ఇటీవ‌లే మొద‌లైన ప్ర‌భాస్‌-ప్ర‌శాంత్ నీల్‌ల స‌లార్ సినిమాను 2022 సంక్రాంతి రేసులో నిల‌బెట్ట‌బోతున్నార‌ట‌. ప్ర‌భాస్ సినిమా అంటే తెలుగుకు ప‌రిమితం కాదు. దేశ‌మంతా భారీ ఎత్తున విడుద‌ల‌వుతుంది. ద‌క్షిణాదిన తెలుగు రాష్ట్రాలు, త‌మిళ‌నాడుల్లో వ‌సూళ్ల మోత మోగే సీజ‌న్ ఇది. సాధార‌ణంగా ఆ పండ‌క్కి రెండు భాష‌ల్లోనూ రెండు నుంచి నాలుగు చొప్పున సినిమాలు రిలీజ‌వుతుంటాయి. స‌లార్ రేసులో నిలిచేట్ల‌యితే ఆ పండుగ‌ను టార్గెట్ చేసిన వేరే భారీ చిత్రాల‌కు క‌ష్ట‌మే.

అయితే ఈ ఏడాది ద‌స‌రా, దీపావళికి ఆల్రెడీలు ఆర్ఆర్ఆర్, అన్నాత్తె ఖ‌రార‌య్యాయి. ప్ర‌భాస్ గ‌త సినిమాల‌తో పోలిస్తే వేగంగానే ఈ సినిమా పూర్తి కానుంద‌ట కానీ ఈ ఏడాదిలోనే పూర్తి చేసి రిలీజ్ చేయ‌డమంటే క‌ష్ట‌మే. అందుకే 2022ను టార్గెట్ చేసిన‌ట్లు చెబుతున్నారు. ఇది పాన్ ఇండియా మూవీ కావ‌డంతో రిలీజ్ డేట్ విష‌యంలో సందిగ్ధ‌త లేకుండా చాలా ముందుగానే డేట్ ఇచ్చేయ‌నున్నార‌ట‌. త్వ‌ర‌లోనే ఈ మేర‌కు ప్ర‌క‌ట‌న ఉండొచ్చ‌ని అంటున్నారు.

This post was last modified on January 26, 2021 8:31 am

Share

Recent Posts

ఇకపై బైకులకు కూడా సేఫ్టీ ఎయిర్‌బ్యాగ్స్

కార్లలో ప్రమాదం జరిగినప్పుడు ప్రాణాలను కాపాడటంలో ఎయిర్‌బ్యాగ్స్ కీలక పాత్ర పోషిస్తాయి. అదే టెక్నాలజీని ఇప్పుడు హెల్మెట్‌లోనూ ఉపయోగించే ఆలోచన…

5 minutes ago

ధోనీ ఎందుకింత స్పెషల్?

ధోనీ బ్యాటింగ్‌కు వస్తున్నాడంటే చాలు.. చెన్నైతో సంబంధం లేని జట్ల అభిమానులు కూడా అతడి కోసం ఎదురుచూసేవారు. ఒక్కోసారి సొంత…

5 minutes ago

ఈసీ vs యోగి… ఇది ఊహించలేదే..!

డామిట్... కథ అడ్డం తిరిగింది అన్నట్టుగా తయారైంది బీజేపీ పరిస్థితి. వివాదాస్పద " ఓటర్ల జాబితా ప్రత్యేక సమగ్ర సవరణ…

15 minutes ago

ధోనీ లేకుండా CSK… ఇప్పుడు మారాల్సింది ఏంటి?

ఐపీఎల్‌లో చెన్నై సూపర్ కింగ్స్‌కు ఐదు టైటిళ్లు అందించిన మహేంద్ర సింగ్ ధోనీ ఆ జట్టు నుంచి తప్పుకున్నాడు. ఇక…

26 minutes ago

అంతా ఎప్పటిలాగే ఉంటుందని చెప్పనన్న నాదెళ్ల

మైక్రోసాఫ్ట్‌ లో ఉద్యోగాలపై సీఈవో సత్య నాదెళ్ల కూడా హామీ ఇవ్వలేకపోతున్నారు. భారత్ సహా నాలుగు దేశాల్లో ఉద్యోగులకు కంపెనీ…

54 minutes ago

మాట నిలబెట్టుకోవడానికి కింగ్ పరుగులు

లెనిన్ నుంచి ఇట్లు అర్జున దాకా నాగార్జున పలు సందర్భాల్లో టాలీవుడ్ దర్శక నిర్మాతలు పనులు వేగవంతం చేసుకోవడం గురించి…

1 hour ago