Movie News

ఇది రజినీ ఒక్కడికే సాధ్యం

సూపర్ స్టార్ రజినీకాంత్‌కు ఇప్పుడు 76 ఏళ్లు. ఈ వయసులోనూ బాక్సాఫీస్ దగ్గర ఆయన చూపిస్తున్న హవా అసామాన్యం. తమిళంలో రెండున్నర దశాబ్దాలకు పైగా ఇండస్ట్రీ హిట్టు కొట్టినా ఆయనే.. బద్దలు కొట్టినా ఆయనే. వేరే హీరోలకు ఛాన్సివ్వట్లేదు. మధ్యలో విజయ్ ఆయన్ని మించి ఎదిగిపోతున్నట్లు కనిపించాడు కానీ.. కొంచెం గ్యాప్ ఇచ్చి మళ్లీ సూపర్ స్టార్ తనేంటో రుజువు చేసుకుంటున్నారు.

మూడేళ్ల ముందు ‘జైలర్’తో ఇండస్ట్రీ హిట్ కొట్టిన ఆయన.. ఇప్పుడు ‘జైలర్-2’తో తన రికార్డును తానే బద్దలు కొట్టారు. కొన్ని రోజుల ముందే ఈ సినిమా రూ.650 కోట్ల మార్కును దాటి తమిళంలో కొత్త ఇండస్ట్రీ హిట్‌గా నిలిచింది. ప్రస్తుతం ఈ సినిమా వసూళ్లు రూ.700 కోట్ల మార్కును కూడా దాటేశాయి. ఇప్పటికీ ఈ మూవీ ఓ మోస్తరు వసూళ్లతో నడుస్తోంది. త్వరలోనే రూ.800 కోట్ల మార్కును కూడా అందుకోబోతోంది. వెయ్యి కోట్ల మైలురాయిని అందుకోవడం మాత్రం కష్టమే.

తాజాగా ‘జైలర్-2’ ఒక అరుదైన ఘనతను సాధించింది. దక్షిణాదిన ప్రతి రాష్ట్రంలోనూ రూ.75 కోట్ల గ్రాస్ వసూళ్లు సాధించిన తొలి చిత్రంగా ‘జైలర్-2’ రికార్డు నెలకొల్పింది. ఏపీ, తెలంగాణను ఒక టెర్రిటరీగా పరిగణిస్తే ఇక్కడ ఈ మూవీ రూ.100 కోట్ల దాకా గ్రాస్ కలెక్ట్ చేసింది. ఇక తమిళనాడులో వసూళ్లు ఎప్పుడో వంద కోట్ల మార్కు దాటేసింది. లేటెస్ట్‌గా కర్ణాటకలో, అలాగే కేరళలో కూడా ‘జైలర్-2’ రూ.75 కోట్ల మార్కును అందుకుంది. దక్షిణాదిన చాలామంది సూపర్ స్టార్లు ఉన్నారు. కానీ అన్ని రాష్ట్రాల్లో ఒకే రకమైన మార్కెట్, ఫ్యాన్ ఫాలోయింగ్ ఎవరికీ లేదు.

ఇతర భాషల స్టార్లకు మలయాళంలో ఒక స్థాయికి మించి వసూళ్లు రావు. కానీ రజినీ మాత్రం ఆ చిన్న రాష్ట్రంలోనూ రూ.75 కోట్ల గ్రాస్ కలెక్ట్ చేసి ఔరా అనిపించాడు. విజయ్, సూర్యలకు కూడా కేరళలో మంచి మార్కెట్టే ఉన్నప్పటికీ.. ఈ రేంజ్ రీచ్ అంటే కష్టం. ఇది ఇంకే హీరో అందుకోలేని రికార్డని చెప్పాలి. నెల్సన్ దిలీప్ కుమార్ దర్శకత్వంలో రూపొందిన ‘జైలర్-2’కు అనిరుధ్ రవిచందర్ సంగీతం అందించాడు. సన్ పిక్చర్స్ ఈ చిత్రాన్ని ప్రొడ్యూస్ చేసింది.

This post was last modified on October 31, 2026 7:46 pm

Share

Recent Posts

రాములమ్మని వాడుకోవడం తెలివైన ఐడియా

పాత పాటలను కొత్త సినిమాల కోసం రీమిక్స్ చేసి వాడుకోవడం కొత్త కాదు. దాదాపు అందరు హీరోలు చేశారు. అల్లరి…

5 hours ago

ఇది వింటే ఇక జన్మలో కాపీ కొట్టరు

పరీక్షల్లో అక్రమాలను అరికట్టేందుకు సాధారణంగా కఠిన తనిఖీలు, నిఘా కెమెరాలు, ప్రత్యేక బృందాలను ఉపయోగిస్తుంటారు. అయితే దక్షిణ కొరియా అధికారులు…

5 hours ago

ఏఐని గుడ్డిగా నమ్మితే ఇలాగే ఉంటుంది

ఆర్టిఫిషియల్ ఇంటెలిజెన్స్ మనిషి జీవితంలో ఎన్నో మార్పులు తీసుకొస్తోంది. క్లిష్టమైన పనులను సులభతరం చేస్తూ, వేగంగా నిర్ణయాలు తీసుకునే స్థాయికి…

6 hours ago

ఎట్ట‌కేల‌కు ప‌రిటాల వార‌సుడి సుడి తిరిగింది!

ప‌రిటాల ర‌వి, ప‌రిటాల సునీతల వార‌సుడు, టీడీపీ యువ‌నాయ‌కుడు ప‌రిటాల శ్రీరామ్‌.. తాజాగా జ‌రిగిన జిల్లా ప‌రిష‌త్‌.. చైర్మ‌న్ ఎంపిక‌లో…

6 hours ago

అధికారంలో ఉన్న బీజేపీ కంటే ప్రతిపక్షంలో ఉన్న కాంగ్రెస్ కి ఎక్కువ సీట్లు

బీజేపీ అడ్డాగా చెప్పుకునే రాష్ట్రాల్లో ఒకటైన రాజస్థాన్ లో స్థానిక ఎన్నికల ఫలితాలు కమలనాధులకు దిమ్మతిరిగేలా వచ్చాయి. ఆ రాష్ట్రంలోని…

6 hours ago

నితిన్ ఇచ్చింది చాలా పెద్ద స్టేట్‌మెంట్

ఒకప్పుడు బ్లాక్ బస్టర్స్ చూసిన నితిన్ ను గత కొన్నేళ్లుగా వరస డిజాస్టర్లు ఉక్కిరి బిక్కిరి చేస్తున్నాయి. కొత్త వాళ్లకు…

6 hours ago