ఆ మధ్య షూటింగ్ లో ప్రమాదానికి గురైన జూనియర్ ఎన్టీఆర్ కొన్ని వారాల విశ్రాంతి తర్వాత పూర్తిగా రికవర్ అయ్యాడు. తాజాగా జరిగిన డోంట్ ట్రబుల్ ది ట్రబుల్ ప్రీ రిలీజ్ ఈవెంట్ కి అతిథిగా రావడం ద్వారా రాజమౌళి ఫ్యామిలీతో తనకున్న అనుబంధాన్ని మరోసారి చాటడంతో పాటు, అభిమానుల టెన్షన్ కు పూర్తిగా తెరవేస్తూ తనెంత ఆరోగ్యంగా ఉన్నాడో పూర్తి క్లారిటీ ఇచ్చేశాడు. ఇప్పుడు అందరి దృష్టి వచ్చే ఏడాది విడుదల కానున్న డ్రాగన్ మీద ఉంది. అయితే మాట మీద ఉంటుందానే అనుమానాలు లేకపోలేదు.
ఇవాళ మైత్రి రవిశంకర్ మాట్లాడుతూ డ్రాగన్ వచ్చే ఏడాది జూన్ 11 వస్తుందని మరోసారి చెప్పారు. ఫ్యాన్స్ సంబరంగా జేజేలు కొట్టారు. వినడానికి బాగానే ఉంది కానీ నిజంగా దానికి కట్టుబడి ఉంటారా అంటే ఎవరూ ఎస్ అని చెప్పలేరు. ఎందుకంటే ఇంతకన్నా కాన్ఫిడెంట్ గా ప్రభాస్ ఫౌజీ డిసెంబర్ 3 వస్తుందని చెప్పారు. పోస్టర్లు వదిలారు. ఎప్పటికప్పుడు పక్కాని నొక్కి వక్కాణిస్తూ వచ్చారు. తీరా చూస్తే తర్వాత తప్పుకున్నారు. కొత్త డేట్ ఏంటో ఇంకా క్లారిటి లేదు.
ఫౌజీ తీసిన మైత్రినే డ్రాగన్ ప్రొడ్యూసర్లు కావడం గమనించాల్సిన విషయం. అయితే ఈ వాయిదాల పర్వం కేవలం ఈ బ్యానర్ కే పరిమితం కాలేదు. అన్ని ప్యాన్ ఇండియా సినిమాలది ఇదే కథ. అసలే ప్రశాంత్ నీల్ పర్ఫెక్షన్ కోసం తపించిపోయే టైపు. డ్రాగన్ విషయంలో రాజీ పడేందుకు ససేమిరా అంటారు. అలాంటప్పుడు జూన్ 11 థియేటర్లలో డ్రాగన్ చూడగలిగితే అభిమానులు అంతకన్నా కోరుకునేది ఏముంటుంది. అలా జరిగితే మంచిదే.
చేతిలో ఏడు నెలల సమయం ఉంది కాబట్టి డ్రాగన్ సరైన రీతిలో ప్లానింగ్ చేసుకుని వెళ్తే టార్గెట్ చేరుకోవడం కష్టం కాదు. అయితే అప్పటికే వారణాసి వచ్చి ఉంటుంది కనక దాని రికార్డులను అందుకోవాలంటే మాత్రం ఎక్స్ ట్రాడినరి కంటెంట్ ఇవ్వాల్సి ఉంటుంది. డ్రాగన్ రెండు భాగాలనే ప్రచారం ముందు నుంచి నుంచి ఉంది కానీ టీమ్ అఫీషియల్ గా చెప్పడం లేదు. దురంధర్ తరహాలో కేవలం ఆరు నెలల గ్యాప్ తో డ్రాగన్ సీక్వెల్ రిలీజ్ చేసేలా షూట్ జరుగుతోందట.
This post was last modified on September 29, 2026 10:03 pm
ఒక సూపర్ స్టార్ కొడుకు సినిమాల్లోకి వచ్చాడంటే.. తండ్రి పేరును వీలైనంతగా వాడుకోవడానికే ప్రయత్నిస్తాడు. నటనలో తండ్రిని అనుకరించడం.. తన…
కేంద్ర ప్రభుత్వానికి తాము మద్దతు ఇస్తున్న మాట వాస్తవమేనని ఏపీ సీఎం చంద్రబాబు చెప్పారు. అయితే.. దీనిని అడ్డు పెట్టుకుని…
వైసీపీ అధినేత జగన్ గురించి తాను ఎప్పుడూ ఆలోచించలేదని సీఎం చంద్రబాబు చెప్పారు. రాజకీయంగా పోరాటమే తప్ప.. ఎప్పుడూ ఆయన…
అందంగా కనిపించాలనే కోరికతో చాలామంది రకరకాల బ్యూటీ ప్రొడక్ట్స్ ఉపయోగిస్తుంటారు. ముఖ్యంగా ముఖంపై మొటిమలు, మచ్చలు, పిగ్మెంటేషన్ తగ్గుతాయని చెప్పే…
రామాయణ పార్ట్ 1 వెయ్యి కోట్లకు పైగా వసూలు చేసినా సినిమాలో నటన పరంగా ఎక్కువ పేరు వచ్చింది యష్,…
వచ్చే వారం నవంబర్ 27 విడుదల కావాల్సిన మైసా వాయిదా పడి డిసెంబర్ 11 వెళ్లిపోయిందనే వార్త కొందరు ఆశ్చర్యంగా…