మొన్నటిదాకా హాయ్ నాన్న, జెర్సీ అంటూ ఫ్యామిలీ ఆడియన్స్ ఎక్కువగా టార్గెట్ చేసుకున్న న్యాచురల్ స్టార్ నాని ఇప్పుడు పూర్తిగా మాస్ మీదే ఫోకస్ పెడుతున్నాడు. దసరా రూపంలో దర్శకుడు శ్రీకాంత్ ఓదెల తనకో నమ్మకం కలిగించాక దాన్ని మరింత పెంచే బాధ్యతని కూడా అతని మీదే పెట్టాడు. ఫలితమే ది ప్యారడైజ్. నాని కెరీర్ లో అత్యంత భారీ బడ్జెట్, వర్కింగ్ డేస్ తో రూపొందిన ఈ వయొలెంట్ థ్రిల్లర్ సెప్టెంబర్ 24 విడుదలకు రంగం సిద్ధం చేసుకుంటున్న సంగతి తెలిసిందే.
తాజాగా యెషనాగుల కట్ట పాట రిలీజయ్యింది. మన శంకరవరప్రసాద్ గారుతో లైమ్ లైట్ లోకి వచ్చిన ఆట సందీప్ కొరియోగ్రఫీలో నాని, కీర్తి సురేష్ చేసిన డాన్స్ ఓ రేంజ్ లో పేలేలా ఉంది. గుంటూరు కారంలో కుర్చీ మడతపెట్టి రేంజ్ లో రీచ్ వస్తుందని నాని అభిమానులు బోలెడు ఆశలు పెట్టుకున్నారు. విజువల్ గా చూస్తే ఆ ఛాన్స్ ఉందనిపిస్తుంది కానీ ఇంకొన్ని రోజులు ఆగితే ఎక్కడిదాకా వెళ్తుందో స్పష్టత వస్తుంది. పోలిక ఎలా ఉన్నా యెషనాగుల కట్ట చాలా దూరం వెళ్లడం ఖాయం.
ఇక్కడ శ్రీకాంత్ ఓదెల స్ట్రాటజీని అభినందించి తీరాలి. ఎందుకంటే అనిరుధ్ రవిచందర్ ని తీసుకున్నప్పుడు సాధారణంగా బీట్స్ ప్రధానంగా సాగే పాటలు చేయించుకుంటారు. దేవరకు జరిగింది అదే. కానీ ఓదెల ఆ రూట్లో వెళ్ళలేదు. మల్టీప్లెక్స్ లో ఆనందించే ఒక ఉద్యోగి నుంచి అయిదు రూపాయల టీ తాగే ఒక కూలి వరకు అందరికీ కనెక్ట్ కావాలనే ఉద్దేశంతో ఆయా షేర్ రాబట్టుకున్నాడు. అంచనాలకు తగ్గట్టుగానే అది ఎక్కడికో వెళ్లి కూచుంది.
ఇప్పుడు రెండో సాంగ్ గా యెషనాగుల కట్టను ఎంచుకోవడం సూపర్ ప్లాన్ అని చెప్పక తప్పదు. ఎందుకంటే ఒక్క పాటతో కలెక్షన్లు పెరుగుతున్న ట్రెండ్ మనం గమనిస్తున్నాం. ఇరుముడిలో ముత్యాల పల్లకి వల్లే ఓ పది కోట్లు అదనంగా వచ్చాయని ఎవరైనా అంటే దాన్ని ఖండించలేం. థియేటర్లో చూస్తే నిజమే అనిపిస్తుంది. అలా ఇప్పుడీ ప్యారడైజ్ కి ఆయా షేర్, యెషనాగుల కట్ట రెండూ మాస్ ని ఊపడం ఖాయం. జడల్ పాత్రలో నాని విశ్వరూపాన్ని ఇవి తోడైతే అంతకన్నా ఫ్యాన్స్ కోరుకునేది ఏముంది.
This post was last modified on August 29, 2026 5:23 pm
పాత పాటలను కొత్త సినిమాల కోసం రీమిక్స్ చేసి వాడుకోవడం కొత్త కాదు. దాదాపు అందరు హీరోలు చేశారు. అల్లరి…
పరీక్షల్లో అక్రమాలను అరికట్టేందుకు సాధారణంగా కఠిన తనిఖీలు, నిఘా కెమెరాలు, ప్రత్యేక బృందాలను ఉపయోగిస్తుంటారు. అయితే దక్షిణ కొరియా అధికారులు…
ఆర్టిఫిషియల్ ఇంటెలిజెన్స్ మనిషి జీవితంలో ఎన్నో మార్పులు తీసుకొస్తోంది. క్లిష్టమైన పనులను సులభతరం చేస్తూ, వేగంగా నిర్ణయాలు తీసుకునే స్థాయికి…
పరిటాల రవి, పరిటాల సునీతల వారసుడు, టీడీపీ యువనాయకుడు పరిటాల శ్రీరామ్.. తాజాగా జరిగిన జిల్లా పరిషత్.. చైర్మన్ ఎంపికలో…
బీజేపీ అడ్డాగా చెప్పుకునే రాష్ట్రాల్లో ఒకటైన రాజస్థాన్ లో స్థానిక ఎన్నికల ఫలితాలు కమలనాధులకు దిమ్మతిరిగేలా వచ్చాయి. ఆ రాష్ట్రంలోని…
ఒకప్పుడు బ్లాక్ బస్టర్స్ చూసిన నితిన్ ను గత కొన్నేళ్లుగా వరస డిజాస్టర్లు ఉక్కిరి బిక్కిరి చేస్తున్నాయి. కొత్త వాళ్లకు…