విజయ్ దేవరకొండ-పూరి జగన్నాథ్ కలయికలో తెరకెక్కతున్న పాన్ ఇండియా మూవీకి ‘ఫైటర్’ అనే టైటిల్ ప్రచారంలో ఉన్న సంగతి తెలిసిందే. ఇది వర్కింగ్ టైటిలే అయినప్పటికీ.. ఇదే ఫైనల్ అన్నట్లుగా మీడియాలో ఆ పేరునే వాడేస్తున్నారు. ఇది పాన్ ఇండియా మూవీ కావడంతో అన్ని చోట్లా ఒకే టైటిల్.. అది కూడా క్యాచీగా ఉండేలా పెట్టడం అవసరం. ‘ఫైటర్’ అలాంటి టైటిలే.
ఈ పేరుతోనే సినిమా ప్రచారంలో ఉండగా.. ఇప్పుడు హిందీలో ఇదే పేరుతో వేరే సినిమా మొదలవుతుండటం విశేషం. అదేదో చిన్నా చితకా సినిమా అయితే పర్వాలేదు. కానీ హృతిక్ రోషన్ లాంటి టాప్ స్టార్ ఈ చిత్రంలో హీరోగా నటిస్తున్నాడు. దీపికా పదుకొనే కథానాయికగా నటించనుంది. ఇంతకుముందు హృతిక్తో బ్యాంగ్ బ్యాంగ్, వార్ లాంటి భారీ యాక్షన్ సినిమాాలు తీసిన సిద్దార్థ్ ఆనంద్ ఈ చిత్రానికి దర్శకత్వం వహించనున్నాడు.
హృతిక్ పుట్టిన రోజు సందర్భంగా జనవరి 10న ‘ఫైటర్’ సినిమాను అనౌన్స్ చేయబోతున్నారట. ‘వార్’ చిత్రాన్ని నిర్మించిన యశ్ రాజ్ ఫిలిమ్సే ఈ చిత్రాన్ని నిర్మించనున్నట్లు సమాచారం. ఇదే సంస్థలో ప్రస్తుతం సిద్దార్థ్.. షారుఖ్ ఖాన్ హీరోగా ‘పఠాన్’ అనే సినిమాను రూపొందిస్తున్నాడు. ఈ సినిమా చిత్రీకరణ దాదాపు సగం పూర్తయింది. ఇది పూర్తి కాగానే ‘ఫైటర్’ను మొదలుపెడతాడట సిద్దార్థ్. ఈ ఏడాదే ఈ రెండు చిత్రాలూ విడుదలయ్యే అవకాశాలున్నాయి.
‘ఫైటర్’ ఏరియల్ థ్రిల్లర్ అని.. ఇందులో హృతిక్ పైలట్ పాత్ర పోషించనున్నాడని.. బ్యాంగ్ బ్యాంగ్, వార్ సినిమాలకు ఏమాత్రం తీసిపోని రీతిలో ఈ చిత్రం పూర్తి స్థాయి యాక్షన్ ఎంటర్టైనర్గా ఉండబోతోందని అంటున్నారు. హృతిక్-దీపికల కాంబినేషన్ కూడా ఈ సినిమాపై అంచనాల్ని పెంచేదే. ఈ సినిమాకు ‘ఫైటర్’ టైటిల్ ఖరారైనట్లయితే.. విజయ్-పూరి సినిమాకు కొత్త టైటిల్ వెతుక్కోవాల్సిందే.
దేశంలో అత్యధిక సినీ అభిమానం ఉండే తెలుగు రాష్ట్రాల్లో ఇప్పటిదాకా ఐమాక్స్ స్క్రీన్ లేకపోవడం ఆశ్చర్యం కలిగించే విషయమే. గతంలో…
ఈ రోజు జనసేన తలపెట్టిన 'తెలంగాణ నవ నిర్మాణ సంకల్ప సభ-జనసేన సాధక్ సమ్మేళనం' సభకు తెలంగాణ పోలీసులు, హైకోర్టు…
దర్శకుడు గుణశేఖర్ అంటే పరిచయం అక్కర్లేని పేరు. ఇప్పుడేదో ఫ్లాపుల్లో ఉన్నారు కానీ ఒక్కడు, చూడాలని ఉంది, రామాయణం, సొగసు…
జనసేన అధినేత, ఏపీ డిప్యూటీ సీఎం పవన్ కల్యాణ్ మంగళవారం తెలంగాణ రాజధాని హైదరాబాద్ లో నిర్వహించతలపెట్టిన నవ నిర్మాణ…
సీనియర్ దర్శకుడు గుణశేఖర్ది ఎప్పుడూ సాహసోపేత ప్రయాణమే. కెరీర్ ఆరంభంలోనే ‘బాల రామాయణం’తో పెద్ద రిస్క్ చేశారాయన. దర్శకుడిగా తన…
బాలీవుడ్ హీరోయిన్లు పెద్ద పెద్ద బిజినెస్మ్యాన్లను పెళ్లాడి వ్యక్తిగత జీవితంలో స్థిరపడడం మామూలే. కొందరేమో కొన్నేళ్లు రిలేషన్షిప్లు ఉండి ఆర్థిక…