మార్కెట్ వెలుగుతోంది చూడు లెనిన్

ఇంకో పద్దెనిమిది రోజుల్లో లెనిన్ విడుదల. అక్కినేని అభిమానులు బాగా ఎగ్ జైట్మెంట్ తో ఉన్నారు. ఇప్పటికే పలు వాయిదాలు చవి చూసిన ఈ మూవీకి చివరి నిమిషం వరకు షూటింగులు, రిపేర్లు జరుగుతూనే ఉన్నాయి. పబ్లిసిటీ విషయంలో అన్నపూర్ణ, సితార సంస్థలు ప్రత్యేక శ్రద్ధ తీసుకున్నాయి. ఏపీ తెలంగాణ వ్యాప్తంగా చాలా థియేటర్లలో వీడియో సాంగ్ ని ప్లే చేయిస్తునే ఉన్నారు. ఏ సినిమాకు వెళ్లినా లెనిన్ ఒక రిమైండర్ లాగా ఉండాలనే ఆలోచనతో కొనసాగిస్తున్నారు.

ఒకరకంగా చెప్పాలంటే లెనిన్ కి గోల్డెన్ ఛాన్స్ దొరికింది. తెలుగు రాష్ట్రాల థియేటర్లు మంచి ఊపు మీద ఉన్నాయి. పెద్ది రెండు వారాలు నాన్ స్టాప్ గా జోష్ ఇచ్చింది. మూడో వారం వీకెండ్ లో మళ్ళీ కాస్త పికప్ చూపించి వసూళ్లు రాబట్టింది. బయట ఏమో కానీ తెలుగు రాష్ట్రాల వరకు సూపర్ హిట్ అనిపించుకుంది. సరే ఇదంటే ప్యాన్ ఇండియా మూవీ కాబట్టి కమర్షియల్ లెక్కలు టఫ్ గా ఉంటాయి, కంక్లూజన్ కు రావడం కష్టం.

మా ఇంటి బంగారం చాలా రీజనబుల్ బిజినెస్ తో విడుదలై కేవలం రెండు రోజులకే బ్రేక్ ఈవెన్ దాటేయడం ట్రేడ్ కి మాములు కిక్ ఇవ్వడం లేదు. అసలు హీరోనే లేని ఒక ఫిమేల్ ఓరియెంటెడ్ మూవీకి కుటుంబాలు ఇంత పెద్ద ఎత్తున తరలి రావడం గొప్ప విశేషం. కేవలం మూడు రోజులకే నలభై కోట్ల మార్కు దాటడం ఈ మధ్య కాలంలో ఏ మిడ్ రేంజ్ మూవీ వల్లా కాలేదు. సమంత, నందిని రెడ్డి, రాజ్ నిడిమోరు దాన్ని చేసి చూపించారు. విజయంతో పొంగిపోతున్నారు.

నెక్స్ట్ జూలై 10 లెనిన్ వంతు వస్తోంది. కంటెంట్ చాలా యునీక్ గా ఉంటుందని, ఊహించని ట్విస్టులు ఆశ్చర్యపరచడం ఖాయమని టీమ్ నమ్మకంగా చెబుతోంది. అఖిల్, భాగ్యశ్రీ బోర్సే ఫీల్డ్ లోకి దిగి ప్రమోషన్లు మొదలుపెట్టారు. పెద్ది, మా ఇంటి బంగారం తెచ్చిన ఊపు ఏదైతే ఉందో దాన్ని కొనసాగించాల్సిన బాధ్యత లెనిన్ మీద ఉంది. జస్ట్ బాగానే ఉందనే మాట తెచ్చుకున్నా చాలు మిగిలిన పని ప్రేక్షకులు చూసుకుంటారు. బ్లాక్ బస్టర్ కోసం అఖిల్ ఎదురుచూపులు దీంతో అయినా తీరతాయేమో చూడాలి.