శాకుంతలం, ఖుషి తర్వాత గ్యాప్ తీసుకున్న సమంత ఈసారి మా ఇంటి బంగారంగా రాబోతోంది. జూన్ 19 విడుదల కాబోతున్న ఈ సినిమాకు భర్త రాజ్ నిడిమోరు క్రియేషన్ బాధ్యతతో పాటు నిర్మాణ వ్యవహారాలు చూసుకున్నారు. అన్నీ మంచి శకునములే ఫలితం నిరాశ పరిచాక దర్శకురాలు నందిని రెడ్డి కంబ్యాక్ కోసం ఎంచుకున్న సబ్జెక్టు ఇది. గతంలో ఈ కలయికలో ఓ బేబీ లాంటి సూపర్ హిట్ మూవీ వచ్చిన సంగతి తెలిసిందే. ఇవాళ ట్రైలర్ లాంచ్ జరిపారు.
కథను దాచలేదు. సంప్రదాయాలు, పట్టింపులు ఎక్కువగా ఉండే కుటుంబంలోకి కోడలిగా వస్తుందో యువతి (సమంత). వంట చేయడం కూడా రాని తనకో పవర్ ఫుల్ ఫ్లాష్ బ్యాక్ ఉంటుంది. గతం నీడలా వెంటాడుతూ ఆమె ఫ్యామిలీని ప్రమాదంలో నెట్టే పరిస్థితి రావడంతో తుపాకులు, కత్తులు బయటికి తీసి శత్రువులను ఊచకోత కోయడం మొదలుపెడుతుంది. అసలు ఆ ఊరికి ఎందుకు వచ్చింది, గతంలో తన వృత్తి ప్రవృత్తి ఏంటనేది తెరమీద చూసి తెలుసుకోవాలి.
అండర్ డాగ్ ఫార్ములా మాములుగా హీరోలకు వాడుతుంటారు. బాషా, ఇంద్ర నుంచి లియో దాకా ఎన్ని వచ్చాయో లెక్క చెప్పడం కష్టం. దీన్ని ఈసారి హీరోయిన్ కు అప్లై చేశారు. అంతర్జాతీయ మాఫియాలతో డీల్ చేసే ఒక డైనమిక్ లేడీ ఎందుకు ఆ చిన్న పల్లెటూరికి వచ్చింది, తన గతం ఎంత భయంకరంగా ఉంటుందోననే ప్రశ్నలు లేవనెత్తడంలో దర్శకురాలు నందిని రెడ్డి సక్సెస్ అయ్యారు. విజువల్స్ గట్రా చూస్తే బడ్జెట్ బాగానే పెట్టినట్టు ఉన్నారు.
తిరుపతి బ్యాక్ డ్రాప్, అక్కడి స్లాంగ్ తో సమంత స్వంతంగా డబ్బింగ్ చెప్పుకుంది. కొత్త కాకపోయినా ఇలాంటి శక్తివంతమైన క్యారెక్టర్ కు తన గొంతే వినిపించాలని కోరుకోవడం సంతోషించే విషయమే. సంతోష్ నారాయణన్ సంగీతంలో మంచి ఎలివేషన్ కుదరగా టెక్నికల్ టీమ్ పనితనం బాగానే రాబట్టుకున్నారు. పెద్ది వచ్చిన రెండు వారాల తర్వాత రిలీజవుతున్న మా ఇంటి బంగారంకు అదే రోజు దివానాతో పాటు వన్ వీక్ తర్వాత అఖిల్ లెనిన్ తో పోటీ ఉంటుంది. చూడాలి సామ్ కంబ్యాక్ ఎలా ఉంటుందో
This post was last modified on May 25, 2026 9:09 pm
రియాలిటీ అని ఏ ముహూర్తంలో టైటిల్ పెట్టుకుని స్వీయ దర్శకత్వంలో సినిమా చేస్తున్నాడో దానికి తగ్గట్టే హీరో కిరణ్ అబ్బవరం…
రాజకీయ నాయకుల ప్రసంగాలు సాధారణంగా ప్రజా సమస్యలు, ప్రభుత్వ విధానాలు, రాజకీయ భవిష్యత్తు చుట్టూనే సాగుతుంటాయి. కానీ ఆస్ట్రేలియాలో ఓ…
నేచురల్ స్టార్ నానికి హీరోగా కంటే నిర్మాతగా ఎక్కువ క్రెడిబిలిటీ ఉంది అంటే అతిశయోక్తి కాదు. తాను హీరోగా నటించినా,…
ఓవైపు డబ్బింగ్ సినిమాలేమో ఒక్కొక్కటిగా దున్నేస్తున్నాయి. తెలుగు సినిమాల కంటెంట్ ఏమో వీక్గా ఉంటోంది. అవిప్రేక్షకుల ఆదరణకు నోచుకోవడం లేదు.…
అరుదైన వ్యాధితో బాధపడుతున్న చిన్నారులకు మందులు అందుబాటులో ఉన్నా.. వాటి ధర కోట్ల రూపాయల్లో ఉండటంతో తల్లిదండ్రులు చికిత్స చేయించలేని…
వైసీపీ మీద మరోసారి విరుచుకొని పడ్డారు ఎమ్మెల్సీ నాగబాబు. వైసీపీ ఒక డెడ్ బాడీ అని, దాన్ని పట్టించుకోవాల్సిన అవసరం లేదని…