Movie News

నా ఉద్దేశం అది కాదంటున్న అనన్య

చిన్న స్థాయి హీరోయిన్లు, టీవీ ఆర్టిస్టులు త‌మ సోష‌ల్ మీడియా అకౌంట్ల‌ను స‌బ్‌స్క్రిప్ష‌న్ మోడ్‌లోకి మార్చి, వాటి ద్వారా హాట్ కంటెంట్ ఇవ్వ‌డం గురించి ఇటీవ‌ల పెద్ద చ‌ర్చ జ‌రుగుతున్న సంగ‌తి తెలిసిందే. బిగ్ బాస్ ఫేమ్ విష్ణుప్రియ భీమినేని ఈ స‌బ్‌స్క్రిప్ష‌న్ల ద్వారా ల‌క్ష‌ల్లో ఆదాయం పొందుతుండడ‌డం గురించి సోష‌ల్ మీడియాలో తెగ చ‌ర్చ జ‌రిగింది. ఈ విష‌య‌మై ఆమె మీద ఎవ‌రో కేసు కూడా పెట్టారు. ఆ కేసు ఏమైందో కానీ.. ఈ చ‌ర్చ వ‌ల్ల త‌న ఫాలోవ‌ర్లు అమాంతం పెర‌గ‌డం హాట్ టాపిక్‌గా మారింది. 

ఐతే ఇదే స‌మ‌యంలో చిన్న సినిమాల క‌థానాయిక అన‌న్య నాగ‌ళ్ళ గురించి కూడా చ‌ర్చ జ‌రిగింది. ఆమెకు కూడా 600 మందికి పైగా పెయిడ్ స‌బ్‌స్క్రైబ‌ర్లు ఉన్నారంటూ.. త‌ను కూడా విష్ణుప్రియ బాట‌లోనే న‌డుస్తోంద‌ని విమ‌ర్శించ‌డం మొద‌లుపెట్టారు. ఐతే ఈ విష‌య‌మై కొన్ని రోజులు మౌనం వ‌హించిన అన‌న్య‌.. ఇప్పుడు ఒక వీడియో ద్వారా క్లారిటీ ఇచ్చింది.

తాను హాట్ కంటెంట్ ఇవ్వ‌డానికి, డ‌బ్బులు సంపాదించ‌డానికి స‌బ్‌స్క్రిప్ష‌న్లు పెట్ట‌లేదని అన‌న్య స్ప‌ష్టం చేసింది. తాను కొత్త‌గా ఏమీ ఇది మొద‌లుపెట్ట‌లేద‌ని, 2025లోనే స‌బ్‌స్క్రిప్ష‌న్ మోడ్‌లోకి వెళ్లాన‌ని అన‌న్య వెల్ల‌డించింది. త‌న ఆలోచ‌న‌లు, అభిప్రాయాల‌ను అభిమానుల‌తో పంచుకోవ‌డానికే స‌బ్‌స్క్రిప్ష‌న్‌ను మొద‌లుపెట్టాన‌ని.. ముఖ్యంగా భ‌క్తి కి స‌బంధించిన విష‌యాల కోస‌మే కానీ డ‌బ్బులు సంపాదించ‌డానికి కాద‌ని ఆమె స్ప‌ష్టం చేసింది.

రెగ్యుల‌ర్‌గా అభిమానుల‌తో ట‌చ్‌లో ఉండాలి…అంద‌రితో క‌నెక్ట్ అవ్వాలి అన్న‌ది త‌న అభిమ‌త‌మ‌ని అన‌న్య పేర్కొంది. న‌టిగా, మ‌హిళ‌గా జీవితంలో తాను ఎదుర్కొన్న అనుభ‌వాలు, ప‌రిస్థితుల‌తో పాటు త‌న రోజువారి జీవితంలో ఎలా ఉంటుందో తెలియ‌జేయాల‌న్న‌దే తన ఉద్దేశమ‌ని.. అభిమానుల నుంచి కొన్ని కొత్త విష‌యాల‌ను నేర్చుకోవాల‌ని అనుకుంటున్నాన‌ని.. అంద‌రూ ఒక క‌మ్యూనిటీగా సాగాల‌ని.. దీని ద్వారా సొసైటీకి ఏదైనా చిన్న హెల్ప్‌ చేయాల‌నే ఉద్దేశం త‌ప్ప త‌న‌కు వేరే ఆలోచ‌న లేద‌ని.. ఇదంతా డ‌బ్బుల కోసం చేస్తున్న‌ది కాద‌ని అన‌న్య క్లారిటీ ఇచ్చింది.

This post was last modified on April 19, 2026 9:13 pm

Share

Recent Posts

రాజ‌గోపాల్ జీ.. ఇలా అయితే ఎలా: కాంగ్రెస్‌ అధిష్టానం త‌లంటు?

కాంగ్రెస్ నేత‌, మునుగోడు ఎమ్మెల్యే కోమ‌టిరెడ్డి రాజ‌గోపాల్ రెడ్డికి పార్టీ అధిష్టానం త‌లంటిందా? ఇలా అయితే ఎలా? అంటూ ఆయ‌న‌పై…

5 minutes ago

తండ్రిపై కొడుకు విజ‌యం

ఒక సూప‌ర్ స్టార్ కొడుకు సినిమాల్లోకి వ‌చ్చాడంటే.. తండ్రి పేరును వీలైనంత‌గా వాడుకోవ‌డానికే ప్ర‌య‌త్నిస్తాడు. న‌ట‌న‌లో తండ్రిని అనుక‌రించ‌డం.. త‌న…

5 hours ago

మోడీని బ్లాక్‌మెయిల్ చేయ‌లేను: కేంద్రంపై బాబు

కేంద్ర ప్ర‌భుత్వానికి తాము మ‌ద్ద‌తు ఇస్తున్న మాట వాస్త‌వ‌మేన‌ని ఏపీ సీఎం చంద్ర‌బాబు చెప్పారు. అయితే.. దీనిని అడ్డు పెట్టుకుని…

6 hours ago

జ‌గ‌న్ గురించి ఆ రాత్రి బాగా ఆలోచించా: చంద్ర‌బాబు

వైసీపీ అధినేత జ‌గ‌న్ గురించి తాను ఎప్పుడూ ఆలోచించ‌లేద‌ని సీఎం చంద్ర‌బాబు చెప్పారు. రాజకీయంగా పోరాటమే త‌ప్ప‌.. ఎప్పుడూ ఆయ‌న…

6 hours ago

ఫెయిర్‌నెస్ క్రీమ్ వల్ల కిడ్నీ దెబ్బతిందా?

అందంగా కనిపించాలనే కోరికతో చాలామంది రకరకాల బ్యూటీ ప్రొడక్ట్స్ ఉపయోగిస్తుంటారు. ముఖ్యంగా ముఖంపై మొటిమలు, మచ్చలు, పిగ్మెంటేషన్ తగ్గుతాయని చెప్పే…

7 hours ago

సీత చేసిన లోటు నిత్యారెడ్డితో ఔటు

రామాయణ పార్ట్ 1 వెయ్యి కోట్లకు పైగా వసూలు చేసినా సినిమాలో నటన పరంగా ఎక్కువ పేరు వచ్చింది యష్,…

7 hours ago