Movie News

ప్రొడ్యూసర్ కిరణ్ సక్సెస్ అయినట్టేనా

యంగ్ హీరో కిరణ్ అబ్బవరం తాను నటించకుండా నిర్మించిన సినిమా తిమ్మరాజుపల్లి టీవీ. సుమారు నలభైకి పైగా కొత్తవాళ్లను పరిచయం చేస్తూ డెబ్యూ డైరెక్టర్ మునిరాజ్ కు అవకాశం ఇవ్వడమే కాదు ప్రమోషన్స్ పరంగా ఎంత చేయాలో అంతకన్నా ఎక్కువే చేసింది టీమ్. ప్రెస్ మీట్లు, సక్సెస్ మీట్లు, ఇంటర్వ్యూలు, థియేటర్ విజిట్లు ఒకటా రెండా చెప్పుకుంటూ పోతే ఈ లిస్టు చాంతాడంత ఉంది. మరీ ఆహా ఓహో అనే టాక్ రాలేదు కానీ డీసెంట్ ముద్ర అయితే తిమ్మరాజుపల్లి వేయించుకుంది.

నిర్మాత కిరణ్ ఎంత వరకు సక్సెస్ అయ్యాడనే దానికి రెండు కోణాలు ఉన్నాయి. మొదటిది పెట్టుబడి. సినిమాకైనా ఖర్చు, ఓటిటి డీల్స్, థియేటర్ బిజినెస్ పరంగా చూసుకుంటే తనకు ఆల్రెడీ లాభాలు వచ్చాయని ఇన్ సైడ్ టాక్. అలా కాకుండా కమర్షియల్ స్కేల్, ఆడియన్స్ రెస్పాన్స్ పరంగా చూసుకుంటే మరీ గొప్ప స్థాయిలో ఆడే సూచనలు తక్కువగానే ఉన్నాయి. పాయింట్ బాగున్నప్పటికీ ఓవరాల్ కంటెంట్ ని సూపర్ అనిపించేలా చేయడంలో దర్శకుడు తడబడిన మాట వాస్తవం.

లిటిల్ హార్ట్స్ లాగా ఇదేదో అదిరిపోయే వసూళ్లు తెచ్చే ఛాన్స్ లేదని క్లారిటీ వచ్చేసింది. ఎంతసేపూ నోస్టాల్జిక్ ఫీలింగ్ ఇచ్చామని పదే పదే చెప్పుకున్న కిరణ్ బృందం ఏదో మిస్సయ్యింది కాబట్టే యునానిమస్ గా మద్దతు రాలేదనే వాస్తవాన్ని గుర్తించాలి. సినిమా మీద కంప్లయింట్స్ పెద్దగా లేకపోయినా ప్రెజెంటేషన్ అనుకున్న స్థాయిలో లేకపోవడం వల్లే బాక్సాఫీస్ రన్ నెమ్మదిగా ఉంది. పోటీలో ఉన్న పాపం ప్రతాప్, బ్యాడ్ బాయ్ కార్తీక్ కన్నా బెటర్ గా ఉందనే నిజాన్ని ఒప్పుకోవాలి.

కొత్తవాళ్లను ఎంకరేజ్ చేసే ఉద్దేశంతో రిస్క్ లేని బడ్జెట్ లు పెట్టుకుని కిరణ్ లాంటి వాళ్ళు ఇలాంటి ప్రయత్నాలు మరిన్ని చేయాలి. కొత్త టాలెంట్లు పరిచయమవుతాయి. సపోర్టింగ్ క్యాస్ట్, సంగీత దర్శకుల కొరత అసలే టాలీవుడ్ లో విపరీతంగా ఉంది. తిమ్మరాజుపల్లి టీవీ లాంటి సినిమాలు ఇతర నిర్మాతలకు కూడా ఉపయోగపడతాయి. ఇకపై ఇదే తరహాలో న్యూ టాలెంట్ కోసమే సినిమాలు తీస్తానని ప్రకటించిన కిరణ్ అబ్బవరం అన్నంత పని చేస్తే పరిశ్రమకు మంచిదే.

This post was last modified on April 19, 2026 2:40 pm

Share

Recent Posts

తండ్రిపై కొడుకు విజ‌యం

ఒక సూప‌ర్ స్టార్ కొడుకు సినిమాల్లోకి వ‌చ్చాడంటే.. తండ్రి పేరును వీలైనంత‌గా వాడుకోవ‌డానికే ప్ర‌య‌త్నిస్తాడు. న‌ట‌న‌లో తండ్రిని అనుక‌రించ‌డం.. త‌న…

5 hours ago

మోడీని బ్లాక్‌మెయిల్ చేయ‌లేను: కేంద్రంపై బాబు

కేంద్ర ప్ర‌భుత్వానికి తాము మ‌ద్ద‌తు ఇస్తున్న మాట వాస్త‌వ‌మేన‌ని ఏపీ సీఎం చంద్ర‌బాబు చెప్పారు. అయితే.. దీనిని అడ్డు పెట్టుకుని…

5 hours ago

జ‌గ‌న్ గురించి ఆ రాత్రి బాగా ఆలోచించా: చంద్ర‌బాబు

వైసీపీ అధినేత జ‌గ‌న్ గురించి తాను ఎప్పుడూ ఆలోచించ‌లేద‌ని సీఎం చంద్ర‌బాబు చెప్పారు. రాజకీయంగా పోరాటమే త‌ప్ప‌.. ఎప్పుడూ ఆయ‌న…

6 hours ago

ఫెయిర్‌నెస్ క్రీమ్ వల్ల కిడ్నీ దెబ్బతిందా?

అందంగా కనిపించాలనే కోరికతో చాలామంది రకరకాల బ్యూటీ ప్రొడక్ట్స్ ఉపయోగిస్తుంటారు. ముఖ్యంగా ముఖంపై మొటిమలు, మచ్చలు, పిగ్మెంటేషన్ తగ్గుతాయని చెప్పే…

6 hours ago

సీత చేసిన లోటు నిత్యారెడ్డితో ఔటు

రామాయణ పార్ట్ 1 వెయ్యి కోట్లకు పైగా వసూలు చేసినా సినిమాలో నటన పరంగా ఎక్కువ పేరు వచ్చింది యష్,…

7 hours ago

మైసా ఎంట్రీతో మరింత చిక్కుముడి

వచ్చే వారం నవంబర్ 27 విడుదల కావాల్సిన మైసా వాయిదా పడి డిసెంబర్ 11 వెళ్లిపోయిందనే వార్త కొందరు ఆశ్చర్యంగా…

7 hours ago