గత రెండు వారాలుగా ఇండియన్ బాక్సాఫీస్ను షేక్ చేసేస్తోంది ‘దురంధర్-2’ సినిమా. దేశ విదేశాల్లో ఈ సినిమా ప్రభంజనం మామూలుగా లేదు. ఆల్రెడీ ఈ సినిమా వరల్డ్ వైడ్ కలెక్షన్లలో దురంధర్ సినిమాను దాటేసింది. రెండో వీకెండ్ తర్వాత కొంచెం స్లో అయినప్పటికీ.. దురంధర్-2కు లాంగ్ రన్ ఉంటుందనే ట్రేడ్ పండిట్లు అంచనా వేస్తున్నారు. కాబట్టి ఈ చిత్రం రూ.2 వేల కోట్ల వసూళ్ల క్లబ్బులో చేరే అవకాశాలు ఉన్నాయి.
ఈ సినిమా ఇంత పెద్ద సక్సెస్ కావడంలో కథా కథనాలతో పాటు అదిరిపోయే క్యారెక్టర్లు.. పెర్ఫార్మెన్సులు కారణం అనడంలో సందేహం లేదు. హీరో, విలన్.. చిన్న పెద్ద అని తేడా లేకుండా ప్రతి పాత్రనూ అద్భుతంగా తీర్చిదిద్దాడు దర్శకుడు ఆదిత్య ధర్. దురంధర్ -1లో రణ్వీర్ చేసిన హంజా పాత్రకు దీటుగా అక్షయ్ ఖన్నా పోషించిన రెహమాన్ దెకాయత్ క్యారెక్టర్ నిలిస్తే.. పార్ట్ -2లో హీరోకు ఇలాగే దీటుగా నిలిచి బాగా హైలైట్ అయిన పాత్ర రాకేష్ బేడీ చేసిన జమీల్ జమాలి. ఆ పాత్రకు చివర్లో ఇచ్చిన ట్విస్ట్ భలేగా పేలింది.
దురంధర్లో పాత్రలన్నీ నిజ జీవిత వ్యక్తుల ఆధారంగా రూపొందినవే అన్న సంగతి తెలిసిందే. వాస్తవ ఘటనలకు కల్పిత విషయాలు జోడించి ఈ పాత్రలను తీర్చిదిద్దాడు ఆదిత్య. జమీల్ పాత్రను నబీల్ గబోల్ అనే పాకిస్థాన్ రాజకీయ నాయకుడిని పోలి ఉంటుంది. దురంధర్ రిలీజైనపుడు నబీల్ సైతం జమీల్ పాత్రను ఓన్ చేసుకున్నారు. దాని గురించి గర్వంగా చెప్పుకున్నారు. కానీ దురంధర్-2 రిలీజయ్యాక నబీల్ స్వరం మారిపోయింది.
ఈ సినిమాలో జమీల్ పాత్రను.. ఇండియన్ ఏజెంట్లా చూపించారు. పాకిస్థాన్లో దశాబ్దాలుగా ఆశ్రయం పొందుతున్న మాఫియా డాన్ దావూద్ ఇబ్రహీంకు విషపూరితమైన ఇంజక్షన్ ఇచ్చి, అతను తీవ్ర అనారోగ్యం పాలై మంచం పట్టేలా చేసింది జమీలే అన్నట్లుగా చూపించారు సినిమాలో. దీంతో నబీల్ ఇంత చేశాడా అని ఇప్పుడు అందరూ చర్చించుకుంటున్నారు.
ఈ డిస్కషన్ నబీల్ గుండె గుబేల్మనేలా చేసి ఉంటుందనడంలో సందేహం లేదు. తాజాగా ఒక ఇంటర్వ్యూలో దీని గురించి అడిగితే నబీల్ ఇబ్బంది పడ్డాడు. తాను జీవిత కాలంలో ఎప్పుడూ దావూద్ ఇబ్రహీంను కలవలేదని స్పష్టం చేశాడు. తన ఇంటికి 200 మీటర్ల దూరంలో దావూద్ ఇల్లు ఉందని చెబుతారని.. అది మీడియా ద్వారా వినడమే తప్ప.. తాను నేరుగా దావూద్ను కలవడం జరగలేదని స్పష్టం చేశాడు నబీల్. దురంధర్-2లో జమీల్ పాత్రను ప్రెజెంట్ చేసిన తీరుతో నబీల్ ఉక్కిరిబిక్కిరి అయిపోతున్నాడని ఆయన మాటల్ని బట్టి చూస్తే అర్థమవుతోంది.
గత ఏడాది పవన్ కళ్యాణ్ ఓజితో బ్లాక్ బస్టర్ అందుకున్నారు. కెరీర్ లో మొదటిసారి మూడు వందల కోట్ల క్లబ్బులోకి…
సీనియర్లలో ఎక్కువ వేగంగా సినిమాలు చేస్తున్న హీరోల్లో మొదటి స్థానం బాలకృష్ణకే ఇవ్వాలి. ఎందుకంటే భోళాశంకర్ తర్వాత చిరంజీవి ఏకంగా…
ఇప్పటి వరకు ఒక లెక్క.. ఇక నుంచి మరో లెక్క.. అన్నట్టుగా వైసీపీ అధినేత, మాజీ సీఎం జగన్ పరిస్థితి…
పెద్ది మొదటి వారం పూర్తి చేసుకుని సెకండ్ వీక్ లో అడుగు పెట్టింది. మూడు వందల యాభై కోట్ల వైపు…
ఉప ముఖ్యమంత్రి పవన్ కల్యాణ్ తన పేరు వెనుక ఉన్న ఆసక్తికరమైన కథను వెల్లడించారు. జాతీయ మీడియాకు ఇచ్చిన ఇంటర్వ్యూలో…
పశ్చిమాసియాలో యుద్ధ వాతావరణం నేపథ్యంలో ఇందన పొదుపు దిశగా ప్రధాన మంత్రి నరేంద్ర మోదీ కీలక సూచనలు చేశాక… మన…