దేశ సరిహద్దుల్లో జరిగే పరిణామాల మీద, ఇండియన్ ఆర్మీ నేపథ్యంలో దేశభక్తి సినిమాలు తీయడంలో బాలీవుడ్ దర్శకులను మించిన వాళ్లు లేరు. కొన్నేళ్ల ముందు ‘యురి’ చిత్రంతో ఆదిత్య ధర్ ఎలా బాక్సాఫీస్ను షేక్ చేశాడో తెలిసిందే. అదే దర్శకుడు ‘దురంధర్’తో ఇండస్ట్రీ హిట్ కూడా కొట్టేశాడు. బాలీవుడ్ సూపర్ స్టార్లలో ఒకడైన సల్మాన్ ఖాన్ నుంచి ఇలాంటి సినిమాలు దాదాపుగా రాలేదనే చెప్పాలి.
పాకిస్థాన్, గల్ఫ్ కంట్రీస్లో సల్మాన్కు భారీ మార్కెట్ ఉన్న దృష్ట్యా అతను పాకిస్థాన్ను పూర్తి స్థాయి శత్రువుగా చూపించే సినిమాలు చేయడు అన్నది అందరికీ తెలిసిన విషయమే. అలా అని ట్రెండును ఫాలో అవ్వకపోతే కష్టం. తనకు సక్సెస్ చాలా అవసరం. అందుకే చైనాను విలన్గా చూపించే సినిమాను టేకప్ చేశాడు. అదే.. బ్యాటిల్ ఆఫ్ గాల్వాన్.
2020లో భారత్, చైనా సరిహద్దుల్లోని గాల్వాన్ లోయలో ఇరు దేశాల సైనికుల మధ్య భీకర పోరు జరిగింది. అందులో భారత్దే పైచేయి అయింది. దీని నేపథ్యంలో అపూర్వ లఖియా దర్శకత్వంలో ‘బ్యాటిల్ ఆఫ్ గాల్వాన్’ సినిమాను మొదలుపెట్టాడు సల్మాన్. ఐతే కొన్ని నెలల ముందు రిలీజైన టీజర్ తుస్సుమనిపించింది. ప్రేక్షకుల్లో పెద్దగా ఆసక్తి రేకెత్తించలేదు. టీజర్ చూస్తే అతిశయోక్తులతో సినిమాను నింపేసినట్లు అనిపించింది. ఈ నేపథ్యంలో నెగెటివిటీ తప్పలేదు.
ఇండియాకు బద్ధ శత్రువైన పాకిస్థాన్ మీద సినిమాలు తీయడు, పహల్గాం ఉగ్రదాడిని ఖండించడు కానీ.. సక్సెస్ కోసం చైనా మీద సినిమా చేశాడంటూ సల్మాన్ మీద కౌంటర్లు కూడా పడ్డాయి. మొత్తంగా సినిమా మీద నెగెటివిటీ ముసురుకుంది. దీంతో సల్మాన్ అండ్ టీం పునరాలోచనలో పడింది.
ఏప్రిల్లో అనుకున్న రిలీజ్ డేట్ ను మారుస్తున్నారట. జూన్ లేదా జులైకి సినిమాను రిలీజ్ చేయాలనుకుంటున్నారట. సినిమాకు రీషూట్లు కూడా జరుగుతున్నట్లు తెలుస్తోంది. వరుస ఫ్లాపుల నుంచి సల్మాన్కు ఉపశమనాన్ని ఇస్తుందనుకున్న సినిమా కాస్తా.. అతడికి మరో గుదిబండగా మారుతుందా అన్న సందేహాలు కలుగుతున్నాయి.
This post was last modified on February 9, 2026 3:13 pm
ఏపీ రాజధాని అమరావతి ప్రాంతంలో ఇటీవల చోటుచేసుకున్న అగ్ని ప్రమాదం ఘటనలో కుట్ర కోణమేమీ లేదని తేలిపోయయింది. కూటమి సర్కారు అధికారం చేపట్టిన…
వరుణ్ తేజ్ హీరోగా యుదు వంశీ దర్శకత్వం వహించే బరి షూటింగ్ ఇవాళ లాంఛనంగా ప్రారంభమయ్యింది. నీహారిక కొణిదెల నిర్మాత…
మళ్లీ ఏ జగన్ లాంటోళ్లు వస్తే అనే ముందుచూపు చంద్రబాబు నాయుడు విజన్ కు నిదర్శనం అని వైయస్ షర్మిల…
అదేంటి దురంధర్ లో మంత్రి జమీల్ జమాలికి మన టాలీవుడ్ చిరంజీవి, రవితేజకు కనెక్షన్ ఏమనుకుంటున్నారా. కొన్ని సినిమా సంగతులు…
గుంటూరు తూర్పు.. ఇప్పుడు జిల్లా వ్యాప్తంగా చర్చకు వస్తున్న నియోజకవర్గం ఇదే!. అయితే.. దీనిపైనే ఎక్కువగా టాక్ నడుస్తోంది. దీనికి…
దక్షిణాది రాష్ట్రాలపై కేంద్రంలోని బీజేపీ ప్రభుత్వం (కూటమి) పట్టు పెంచుకుంటోందా? రాజకీయంగా వ్యూహాత్మక స్టెప్పులు వేస్తోందా? అంటే.. ఒననే అంటున్నారు…