అంతా అనుకున్న ప్రకారం జరిగితే తమిళనాడు థియేటర్ల దగ్గర ఈపాటికి పండుగ వాతావరణం ఉండేది. రేపటి ఉదయం ‘జననాయగన్’ రిలీజ్ కోసం థియేటర్లు ముస్తాబు అవుతుండేవి. ఓవర్సీస్లో మరి కొన్ని గంటల్లో ప్రిమియర్స్ కూడా మొదలైపోయేవి. విజయ్ చివరి చిత్రం కావడంతో ‘జననాయగన్’కు సెన్సేషనల్ ఓపెనింగ్స్ వచ్చుండేవి. బాక్సాఫీస్ షేక్ అయిపోయేది. కానీ సెన్సార్ సమస్యలతో ఈ సినిమా రిలీజ్ అనూహ్యంగా ఆగిపోయింది.
వ్యవహారం హైకోర్టు వరకు వెళ్లగా.. రేపు ఉదయమే తీర్పు వెలువురించాల్సి ఉండడంతో రిలీజ్ వాయిదా వేయడం అనివార్యమైంది. దీని వల్ల నిర్మాతలతో పాటు డిస్ట్రిబ్యూటర్లు, ఎగ్జిబిటర్లకు మామూలు ఇబ్బంది తలెత్తలేదు. విదేశాల్లో కొన్ని వారాల ముందే బుకింగ్స్ మొదలుపెట్టారు. భారీ స్థాయిలో టికెట్ల అమ్మకాలు జరిగాయి. ఇండియాలో కూడా కొన్ని రోజుల కిందట బుకింగ్స్ మొదలుపెట్టారు. సినిమాకు సెన్సార్ కాకముందే పెద్ద ఎత్తున టికెట్లు అమ్మారు.
కానీ ‘జననాయగన్’ అనూహ్యంగా వాయిదా పడిపోవడంతో అమ్మిన టికెట్లన్నీ రద్దయిపోయాయి. తమిళనాడులో పూర్తి స్థాయిలో టికెట్ల అమ్మకం మొదలు కాకపోయినా.. తెలుగు రాష్ట్రాల్లో బుకింగ్స్ జరగకపోయినా.. వరల్డ్ వైడ్ ‘జననాయగన్’కు రూ.60 కోట్ల మేర అడ్వాన్స్ బుకింగ్స్ జరగడం విశేషం.
ఒక్క ఉత్తర అమెరికాలో మాత్రమే ఈ సినిమా ప్రి సేల్స్తోనే 4.2 మిలియన్ డాలర్లు వసూలు చేయడం విశేషం. ఇంకా పలు దేశాల్లో పెద్ద ఎత్తున టికెట్ల అమ్మకాలు జరిగాయి. ఈ సినిమా వాయిదా అని తేలడానికి ముందు వరల్డ్ వైడ్ ప్రి సేల్స్ మొత్తం రూ.60 కోట్లకు చేరింది.
నిన్న రాత్రి చిత్ర నిర్మాణ సంస్థ సినిమా వాయిదా అని ప్రకటించగానే టికెట్లు అన్నీ క్యాన్సిల్ చేసి ఈ రూ.60 కోట్ల రీఫండ్ మొదలుపెట్టాయి వరల్డ్ వైడ్ థియేటర్ ఛైన్స్. ఈ స్థాయిలో టికెట్లు అమ్మి.. రిలీజ్ కోసం పెద్ద ఎత్తున థియేటర్లు సిద్ధం చేసి, అన్ని ఏర్పాట్లూ చేశాక ఇలా సినిమా వాయిదా పడడం, రీఫండ్స్ ఇవ్వడం ఎంత ఇబ్బందో ప్రత్యేకంగా చెప్పాల్సిన పని లేదు.
దీని వల్ల నిర్మాతలతో పాటు డిస్ట్రిబ్యూటర్లు, ఎగ్జిబిటర్లకు నష్టం భారీగానే ఉంటుంది. సినిమాకు మళ్లీ ఇంత మంచి డేట్ దొరుకుతుందా.. బాక్సాఫీస్ దగ్గర అనుకూల పరిస్థితులు ఉంటాయా.. అప్పుడు ప్రేక్షకుల నుంచి ఈ స్థాయి రెస్పాన్స్ ఉంటుందా అన్నది సందేహమే.
This post was last modified on January 8, 2026 2:10 pm
వందే భారత్ ఎక్స్ప్రెస్లో ప్రయాణికులకు అందించే భోజనం నాణ్యతపై మరోసారి పెద్ద వివాదం రాజుకుంది. పాట్నా నుంచి టాటానగర్ వెళ్లే…
వరసగా సినిమాలు చేస్తున్నా సక్సెస్ మాత్రం అందని ద్రాక్ష పండులా మారిపోయిన ఉప్పెన ఫేమ్ కృతి శెట్టి సరైన బ్రేక్…
అంచనాలకు మించి దురంధర్ ది రివెంజ్ అరాచకం చేస్తోంది. సరిగ్గా వారం రోజులు కావడం ఆలస్యం వెయ్యి కోట్ల క్లబ్బులోకి…
లోక్ సభ, అసెంబ్లీ నియోజకవర్గాల పునర్విభజన ఖరారైన నేపథ్యంలో దేశంలోని అన్ని ప్రాంతాల ప్రజలు ఆయా పరిణామాలపై ఆసక్తిగా చర్చించుకుంటున్నారు. ఈ…
నేటి తరం కుర్ర హీరోల్లో సంతోష్ శోభన్, సంగీత్ శోభన్ సోదరులకు ఒక ప్రత్యేక గుర్తింపు ఉంది. అయితే వీరిద్దరి…
ఏపీలో ఘోర రోడ్డు ప్రమాదం చోటుచేసుకుంది. మార్కాపురం జిల్లాలోని రాయవరం సమీపంలో పలకల క్వారీల వద్ద ప్రైవేట్ ట్రావెల్స్ బస్సు…