Movie News

జన నాయకుడికి చిక్కులు తప్పవా

ఇటీవలే తమిళనాడు రాష్ట్రం కరూర్ లో విజయ్ రాజకీయ సభ సందర్భంగా జరిగిన తొక్కిసలాటలో నలభై ప్రాణాలు గాలిలో కలిసిపోవడం తీవ్ర దుమారం రేపిన సంగతి తెలిసిందే. ప్రభుత్వం, ప్రతిపక్షాలు ఒకరిమీద ఒకరు దుమ్మెత్తిపోసుకుంటున్నాయి. డ్యామేజ్ ని తగ్గించే ఉద్దేశంతో విజయ్ వదిలిన వీడియో మెసేజ్ కు సానుకూలత, వ్యతిరేకత రెండూ రావడం ఫ్యాన్స్ జీర్ణించుకోలేకపోతున్నారు. చనిపోయిన వాళ్లకు క్షమాపణ చెప్పడం కన్నా స్టాలిన్ సర్కార్ తన పార్టీ వ్యక్తులను టార్గెట్ చేయడం పట్ల విచారం వ్యక్తం చేయడమే ఎక్కువగా కనిపించిందని కొందరు విమర్శించడం సోషల్ మీడియాలో వైరలయ్యింది.

ఈ ఘటన తాలూకు ప్రభావం జనవరి 9 విడుదల కాబోయే జన నాయకుడు మీద ఉంటుందని అభిమానులు అనుమాన పడుతున్నారు. అపోజిషన్ పార్టీలు ఏకమై ఈ సినిమాని బ్యాన్ చేయమని డిమాండ్ చేస్తారని వాళ్ళ అనుమానం. లీగల్ గా నిషేధించడానికి ఛాన్స్ లేదు కానీ రకరకాల మార్గాల్లో అడ్డుకునే అవకాశాలు లేకపోలేదు. అసలే కరూర్ ప్రమాదం వెనుక కుట్ర ఉందని, ఏకంగా రూలింగ్ పార్టీ మీదే అనుమానం వచ్చేలా మాట్లాడుతున్న విజయ్ కు దాని సెగలు సినిమా రిలీజ్ టైంలో ఎదురుకావొచ్చు. సెన్సార్ తో మొదలుపెట్టి థియేటర్ల కేటాయింపు దాకా సవాలక్ష సమస్యలను చవి చూడాల్సి రావొచ్చు.

తన రాజకీయ ప్రవేశానికి ముందు చేసిన చివరి సినిమాగా జన నాయకుడుకి విజయ్ చాలా బజ్ తీసుకొచ్చాడు. హెచ్ వినోత్ దర్శకత్వంలో రూపొందిన ఈ సినిమా మన భగవంత్ కేసరి రీమేకనే ప్రచారం కొన్ని నెలల క్రితం బలంగా తిరిగింది. ఒకవేళ పాయింట్ కొంచెం తీసుకున్నప్పటికీ ట్రీట్ మెంట్ పూర్తిగా వేరు ఉంటుందని కోలీవుడ్ టాక్. అయితే పొలిటికల్ గా ఇందులో చాలా సెటైర్లు, సంఘటనలు ఉంటాయని అంతర్గతంగా వినిపిస్తున్న మాట. అదే నిజమైతే డీఎంకే నేతలు ఊరికే ఉండరు. ఖచ్చితంగా అడ్డుకుంటారు. రాబోయే నెలల్లో జరిగే పరిణామాలు చాలా ఆసక్తికరంగా ఉండబోతున్నాయనేది వాస్తవం.

This post was last modified on October 1, 2025 6:07 am

Share

Recent Posts

`క‌రువు`లో ఉన్నాం.. 30 వేల కోట్లివ్వండి

తెలంగాణ రాష్ట్రంలో ఎల్-నినో ప్రభావం వల్ల నెలకొన్న వర్షాభావం, కరువు పరిస్థితుల నేప‌థ్యంలో రాష్ట్రాన్ని, రైతులను ఆదుకునేందుకు కేంద్రం నుంచి…

23 minutes ago

చంద్రబాబు దార్శనికతకు నిదర్శనం

తిరుమల అంటే కోట్లాది మంది భక్తుల విశ్వాసానికి ప్రతీక. నిత్యం వేలాది మంది భక్తులు స్వామివారిని దర్శించుకునే ఈ పుణ్యక్షేత్రంలో…

2 hours ago

వైసీపీ ట్రాప్‌.. చిక్కుకుపోయిన టీడీపీ..?

రాష్ట్ర వ్యాప్తంగా కాదుకానీ.. ప్ర‌స్తుతం జ‌రుగుతున్న గ్రామ పంచాయ‌తీ ఎన్నిక‌ల విష‌యంలో వైసీపీ స్థానిక నేత‌లు ప‌న్నిన వ్యూహానికి టీడీపీ…

4 hours ago

అస‌దుద్దీన్ నేతృత్వంలో కొత్త `కూట‌మి`

దేశంలో ప్ర‌స్తుతం జాతీయ స్థాయిలో రెండు కూట‌ములు కొన‌సాగుతున్నాయి. బీజేపీ నేతృత్వంలోనిఎన్డీయే, కాంగ్రెస్ పార్టీ నేతృత్వంలో `ఇండియా` కూట‌ములు ఉన్నాయి.…

6 hours ago

కాకినాడ‌, శ్రీకాకుళంపై పట్టు వదలని పవన్!

ఇటీవ‌ల జ‌రిగిన మునిసిప‌ల్ కార్పొరేష‌న్ ఎన్నిక‌ల్లో మిగిలిపోయిన కార్పొరేష‌న్ స్థానాల‌కు, అలానే మునిసిపాలిటీల‌కు త్వ‌ర‌లోనే ఎన్నిక‌లు జ‌ర‌గ‌నున్నాయి. ఈ నేప‌థ్యంలో…

8 hours ago

బాబు నివాసానికి షర్మిల… వివాహ ఆహ్వానం కోసమే కాదు!

ఏపీ సీఎం చంద్ర‌బాబుతో రాష్ట్ర కాంగ్రెస్ పార్టీ చీఫ్ వైఎస్ ష‌ర్మిల భేటీ అయ్యారు. ఆదివారం సాయంత్రం ష‌ర్మిల‌.. హైద‌రాబాద్‌లోని…

9 hours ago