సందీప్ రెడ్డి వంగ సినిమాలు రిలీజ్ అవుతున్నపుడు, అయ్యాక వివాదాలు చెలరేగడం మామూలే. తొలి చిత్రం ‘అర్జున్ రెడ్డి’, దాని బాలీవుడ్ రీమేక్ ‘కబీర్ సింగ్’.. ఆ తర్వాత వచ్చిన ‘యానిమల్’.. ఈ మూడు సినిమాల చుట్టూ పెద్ద పెద్ద వివాదాలే ముసురుకున్నాయి. కానీ ఈ సినిమాల్లోని సన్నివేశాలకు సంబంధించి తనను విమర్శించిన వాళ్లందరికీ దీటుగానే బదులిచ్చాడు వంగ. ఐతే ఇప్పుడు తన తర్వాతి చిత్రం ‘స్పిరిట్’ ఇంకా సెట్స్ మీదికి వెళ్లకముందే వివాదం మొదలైపోయింది.
ఈ చిత్రానికి ముందు దీపికా పదుకొనేను కథానాయికగా ఎంచుకుని.. తర్వాత తప్పించడం మీద కొన్ని రోజులుగా జరుగుతున్న రచ్చంతా తెలిసిందే. దీపికను తప్పిస్తూ.. ఆమె పెట్టిన టూమచ్ కండిషన్ల గురించి మీడియాకు సమాచారం లీక్ అయ్యింది. దీంతో దీపిక తన పీఆర్ టీం సాయంతో బాలీవుడ్ మీడియా ద్వారా సందీప్ రెడ్డి మీద విషం కక్కిస్తోంది. దీనికి కూడా గట్టిగానే కౌంటర్ ఇచ్చాడు సందీప్. ఈ విషయాలన్నీ అలా ఉంచితే.. ‘స్పిరిట్’ నుంచి తాను తప్పుకోవడానికి దీపిక చెప్పిన కారణమే అందరికీ కామెడీగా అనిపిస్తోంది.
సినిమాలో బోల్డ్, ఎ రేటెడ్ సీన్ల మోతాదు ఎక్కువగా ఉండడంతోనే దీపిక తప్పుకున్నట్లుగా బాలీవుడ్ మీడియాలో వరుసగా వార్తలు వచ్చాయి. ఇదంతా దీపిక పీఆర్ టీమే రాయిస్తోందన్నది స్పష్టం. దీని గురించే సందీప్ ‘డర్టీ పీఆర్ గేమ్స్’ అంటూ గట్టిగా రిటార్ట్ ఇచ్చాడు. ఐతే దీపిక ఇన్నేళ్లుగా చేసినవి ట్రెడిషనల్ క్యారెక్టర్లా.. ఆమె చేయని ఎక్స్పోజింగా.. ఆమె చేయని బోల్డ్ సీన్లా అంటూ నెటిజన్లు ఆమె మీద కౌంటర్లు వేస్తున్నారు. షారుఖ్ ఖాన్ సినిమా ‘పఠాన్’లో ఆమె చేసిన టూమచ్ ఎక్స్పోజింగ్ మీద ఎన్ని విమర్శలు వచ్చాయో తెలిసిందే.
యూట్యూబ్లోకి వెళ్లి దీపిక బోల్డ్ సీన్స్ అని కొడితే.. లిప్ లాక్, బెడ్ రూమ్ సీన్లు కుప్పలు తెప్పలుగా వచ్చి పడతాయి. మామూలుగా పెళ్లయ్యాక హీరోయిన్లు గ్లామర్ డోస్ తగ్గిస్తారు. బోల్డ్ సీన్లు చేయరు. కానీ దీపిక మాత్రం అలా చేయలేదు. ‘గెహ్రయాన్’ లాంటి సినిమాల్లో ఎంత బోల్డ్గా నటించిందో తెలిసిందే. అలాంటిది సందీప్ సినిమాలో బోల్డ్ సీన్లు చేయలేక సినిమా నుంచి తప్పుకుందంటే విడ్డూరంగా ఉంది. అయినా ప్రభాస్ నటించే సినిమాలో సందీప్ అంత బోల్డ్ సీన్లు పెట్టేంత సాహసమైతే చేయడు. ఒకవేళ బోల్డ్ సీన్లు ఉన్నా.. తన గత చిత్రాలతో పోలిస్తే, దీపిక ఇప్పటిదాకా చేసిన సినిమాలతో పోలిస్తే కచ్చితంగా డోస్ తక్కువే ఉంటుంది. కాబట్టి దీపిక చెబుతున్న కారణాన్ని జనం నమ్మే పరిస్థితి లేదు.
తమిళ సినిమాల్లో చాలా ఏళ్ల నుంచి తిరుగులేని ఆధిపత్యం చలాయిస్తున్నాడు అనిరుధ్ రవిచందర్. అతడి హవా తమిళానికే పరిమితం కావట్లేదు…
బూత్ స్థాయిలో బలోపేతం అయ్యే దిశగా జనసేన కసరత్తు షురూ చేసింది. ప్రస్తుతం రాష్ట్ర వ్యాప్తంగా పార్టీ నాయకులు ఉన్నప్పటికీ..…
ఏపీ రాజధాని అమరావతిలో రైతుల భూములను వారి అనుమతి లేకుండానే కూటమి సర్కారు లాక్కుంటోందని శనివారం పెద్ద రచ్చే జరిగింది. రాజధాని నిర్మాణం కోసం తమ భూములను…
లెనిన్ సినిమా ప్రమోషన్లలో హీరో అఖిల్ అక్కినేని గురించి ఒక ఇంట్రెస్టింగ్ కామెంట్ చేశాడు నిర్మాతల్లో ఒకరైన నాగవంశీ. లెనిన్…
పిల్లలు సంపద అని సీఎం చంద్రబాబు మరోసారి స్పష్టం చేశారు. తాను చెప్పిన మాటకే కట్టుబడి ఉన్నానని తెలిపారు. దీనిని…
వియత్నాంలో విహార యాత్రకు వెళ్లిన భారతీయుల కుటుంబాల్లో విషాదం నెలకొంది. ఊహించని ప్రమాదంలో చిక్కుకుని 15 మంది భారతీయులు మృతి…