సూపర్ హీరోలంటే హాలీవుడ్ సినిమాల్లో మాత్ర‌మే చూస్తాం అనుకునే వాళ్ల‌కు స‌మాధానం చెప్పిన ఇండియన్ హీరో హృతిక్ రోష‌న్. క్రిష్ సిరీస్‌తో అత‌ను భార‌తీయ ప్రేక్ష‌కులు గ‌ర్వంగా చెప్పుకునే సూపర్ హీరోగా ఎదిగాడు. ప్ర‌పంచ స్థాయి సూపర్ హీరోల‌కు ఏమాత్రం తీసిపోని రూపం, స్క్రీన్ ప్రెజెన్స్ అత‌డి సొంతం. ఈ ల‌క్ష‌ణాలే హాలీవుడ్ ఫిలిం మేక‌ర్స్‌ను కూడా ఆక‌ర్షించిన‌ట్లున్నాయి.
త్వ‌ర‌లోనే హృతిక్ ఓ హాలీవుడ్ చిత్రంలో న‌టించ‌బోతున్న‌ట్లు బాలీవుడ్ మీడియాలో వార్త‌లొస్తుండ‌టం విశేషం. ఈ హాలీవుడ్ మూవీ కోసం అమెరికాకు జెర్ష్ ఏజెన్సీతో హృతిక్ రోష‌న్ ఒప్పందం కూడా పూర్త‌యింద‌ట. ఈ ఏజెన్సీకి ఇండియాలో మేనేజ‌ర్‌గా వ్య‌వ‌హ‌రిస్తున్న అమృత సేన్ ఈ విష‌యాన్ని ధ్రువీక‌రించారు.
హృతిక్‌ను ఎలాంటి సినిమాతో హాలీవుడ్‌లో ప‌రిచ‌యం చేయాల‌నే విష‌యంలో చ‌ర్చ‌లు జ‌రుగుతున్నాయ‌ని, అత‌ను అక్క‌డ సినిమా చేయ‌డం మాత్రం ఖాయ‌మ‌ని అమృత స్ప‌ష్టం చేశారు. హృతిక్ అక్క‌డ మిష‌న్ ఇంపాజిబుల్ త‌ర‌హా స్పై థ్రిల్ల‌ర్లో న‌టిస్తాడ‌ని అంటున్నారు. ఈ మేర‌కు హృతిక్‌కు ఆడిష‌న్ కూడా పూర్తయిన‌ట్లు చెబుతున్నారు.
గ్రీకువీరుడిలా క‌నిపించే హృతిక్ ఏ హాలీవుడ్ హీరోకూ తీసిపోని విధంగా ఉంటాడు. కాబ‌ట్టి అత‌డి హాలీవుడ్ సినిమా వ‌ర్క‌వుట‌వ్వ‌డానికి అవ‌కాశ‌ముంది. త్వ‌ర‌లోనే హృతిక్ త‌న తండ్రి ద‌ర్శ‌క‌త్వంలో క్రిష్-4 చేయ‌బోతున్నాడు. బాలీవుడ్లో అత‌డికి మ‌రి కొన్ని క‌మిట్మెంట్లు ఉన్న‌ప్ప‌టికీ.. క్రిష్-4 త‌ర్వాత హాలీవుడ్ సినిమానే చేయ‌బోతున్న‌ట్లు స‌మాచారం. త్వ‌ర‌లోనే ఈ ప్రాజెక్టు గురించి ప్ర‌క‌ట‌న వ‌చ్చే అవ‌కాశ‌ముంది.
This post was last modified on November 7, 2020 8:54 am
ఇండియన్ ఫిలిం ఇండస్ట్రీలో ఏమాత్రం కష్టపడకుండా, సుకుమారంగా సినిమాలు చేస్తూనే వందల కోట్ల వసూళ్లు రాబట్టే హీరో అంటే సూపర్…
విడుదల ఇంకా పదమూడు రోజులు ఉండగానే అడ్వాన్స్ బుకింగ్ మొదలుపెట్టడం ఈ మధ్య కాలంలో ఏ ప్యాన్ ఇండియా సినిమాకు…
ఏ రాజ‌కీయ పార్టీకైనా కూడా ఎన్నిక‌లే కీల‌కం. తమ స‌త్తా నిరూపించేందుకు.... తమ బ‌లం చాటుకునేందుకు ప్ర‌జల్లో త‌మ‌కు ఉన్న…
ఎంపిటిసీ, జడ్పిటీసీ ఎన్నికలకు సంబందించి నామినేషన్ల ప్రక్రియ బుధవారం ప్రారంభమైంది. మున్సిపల్ ఎన్నికల తరహాలోనే ప్రాదేశిక ఎన్నికల నామినేషన్లలో కూడా…
యూట్యూబ్‌లో ఫ‌న్నీ వీడియోలు చేసుకునే మౌళి.. నైంటీస్ మిడిల్ క్లాస్ వెబ్ సిరీస్‌తో త‌న టాలెంట్ ఏంటో చూపించాడు. ఇక…
ఒకప్పుడు ఆషామాషీ గ్రాఫిక్స్ తో సినిమా తీసినా చెల్లిపోయేది. స్క్రీన్ ప్లే మేజిక్, మంచి పాటలు పడితే ఎఫెక్ట్స్ లోపాలు…