మార్చి 28 హరిహర వీరమల్లు రావడం లేదనేది అందరికీ తెలిసిన బహిరంగ రహస్యమే అయినప్పటికీ నిర్మాణ సంస్థ నుంచి అధికారిక ప్రకటన కోసం ఎదురు చూసిన అభిమానుల కోరిక నెరవేరింది. ఈ రోజు హోలీ మరియు జనసేన ఆవిర్భావ దినోత్సవం సందర్భంగా కొత్త పోస్టర్ తో పాటు రిలీజ్ డేట్ అనౌన్స్ చేశారు. మే 9 మొదటి భాగం స్వార్డ్ వర్సెస్ స్పిరిట్ థియేటర్లకు తీసుకొస్తున్నట్టు చెప్పేశారు. పవన్ కళ్యాణ్, నిధి అగర్వాల్ తో పాటు ఇతర తారాగణం గుర్రాల మీదున్న స్టిల్ ని వదిలారు. అంటే అటు ఇటుగా నలభై రోజుల వాయిదాని తీసుకుని పవర్ స్టార్ రాబోతున్నాడు. ఇదంతా ఒక కోణం. రెండోవైపు చూద్దాం.
ఇదే డేట్ కి చిరంజీవి విశ్వంభర రావాలనుకుంది. ఆ మేరకు నిర్ణయం తీసుకుంటారనే టాక్ కూడా వినిపించింది. కానీ ఇంకా పోస్ట్ ప్రొడక్షన్ కు ఎక్కువ సమయం అవసరం కావడంతో పాటు థియేటర్, ఓటిటికి సంబంధించిన వ్యవహారాలు కొలిక్కి రాకపోవడం వల్ల పోస్ట్ పోన్ చేయాల్సి వచ్చిందనేది ఇన్ సైడ్ టాక్. అన్నీ అనుకూలంగా జరిగితే జూన్ లేదా జూలైలో మెగా దర్శనం జరగొచ్చు. ఇక హరిహర వీరమల్లు కోసం పవన్ కేవలం ఓ నాలుగైదు రోజులు డేట్లు ఇస్తే చాలు. మొత్తం అయిపోతుంది. దర్శకుడు జ్యోతికృష్ణ ఆయన లేని సన్నివేశాలను ఇతర ఆర్టిస్టులతో శరవేగంగా పూర్తి చేస్తున్నాడు.
బాబీ డియోల్ తాలూకు ఎపిసోడ్ ని ముంబైకి వెళ్లి మరీ షూట్ చేసుకొచ్చారు. నిర్మాత ఏఎం రత్నం విఎఫ్ఎక్స్ ఆలస్యం కాకుండా దగ్గరుండి చూసుకుంటున్నారు. ఒకరి మీదే అధారపడకుండా పనిని విభజించి వేర్వేరు కంపెనీలకు అప్పజెప్పడం స్పీడ్ పరంగా ఉపయోగపడుతుంది. సో పవన్ వచ్చేస్తున్నాడు కాబట్టి అదే డేట్ ని ఆప్షన్ గా పెట్టుకున్న రవితేజ మాస్ జాతర కన్ఫర్మ్ గా రానట్టే. ధనుష్ నాగార్జున కుబేర జూన్ ఎప్పుడో లాక్ చేసుకుంది కనక నో ప్రాబ్లమ్. సరే వాయిదా పడిందని రిలాక్స్ కాకుండా ప్రమోషన్స్ పరంగా పెద్ద ఎత్తున ప్లాన్ చేయాలని ఫ్యాన్స్ మెగా సూర్య ప్రొడక్షన్స్ ని కోరుకుంటున్నారు.
This post was last modified on March 14, 2025 9:57 am
టిడిపిలోనే కొందరు నాయకులకు మెజారిటీ సమస్య ఇప్పుడు కొంత గడబిడగా మారింది. గత ఎన్నికల సమయంలో భారీ స్థాయి మెజారిటీతో…
ఇటీవలే శ్వాసనాళానికి సంబంధించిన శస్త్ర చికిత్స చేయించుకున్న ఏపీ ఉపముఖ్యమంత్రి పవన్ కళ్యాణ్ క్రమంగా కోలుకుంటున్నారు. కొద్దిరోజుల క్రితం హైదరాబాద్…
ఎవరు ఔనన్నా కాదన్నా టాలీవుడ్ రెండు వర్గాలుగా విడిపోయింది. ఎగ్జిబిటర్లు ప్లస్ వాళ్లలోనే ఉన్న నిర్మాతలు, ప్రొడ్యూసర్లు ప్లస్ వాళ్లలోనే…
బీఆర్ఎస్ వర్కింగ్ ప్రెసిడెంట్, మాజీ మంత్రి కల్వకుంట్ల తారక రామారావు (కేటీఆర్)కు నిజంగానే ఉచ్చు బిగుస్తోందన్న వాదనలు బలంగా వినిపిస్తున్నాయి.…
జైలు.. ఈ మాట వినగానే సామాన్యులకు వామ్మో అనిపిస్తుంది. అక్కడి పరిస్థితుల గురించి అనుభవం ఉన్న వాళ్లు చెబుతుంటే.. సినిమాల్లో…
ఏపీలో ప్రదాన ప్రతిపక్ష హోదానూ దక్కించుకోలేకపోయిన వైసీపీ… తన పునరాగమనానికి భారీ కసరత్తే చేస్తోంది. అందులో భాగంగా ఏ చిన్న…