కేవలం సినిమాలో వినోదం ఉంటే సరిపోదని.. ప్రమోషన్లను కూడా సినిమా థీమ్కు తగ్గట్లు సరదాగా డిజైన్ చేసి ప్రేక్షకుల దృష్టిని ఆకర్షించే ప్రయత్నం చేస్తున్నాయి చిత్ర బృందాలు. కామెడీ మూవీ అయిన ‘సంక్రాంతికి వస్తున్నాం’ సినిమా విషయంలో దర్శకుడు అనిల్ రావిపూడి ఎలాంటి ప్రమోషనల్ ఐడియాలు అమలు చేశాడో తెలిసిందే. సినిమా చాలా సరదాగా ఉండబోతోందన్న విషయాన్ని ప్రమోషన్ల ద్వారా అతను బాగానే ప్రేక్షకుల్లో ఇంజెక్ట్ చేయగలిగాడు. ఇప్పుడు ‘రాబిన్ హుడ్’ సినిమా విషయంలో కూడా టీం అదే ట్రెండును ఫాలో అవుతోంది. ఈ సినిమాకు సంబంధించి ప్రతి ప్రమోషనల్ ఐడియా ఫన్నీగా ఉంటోంది. ఈ క్రమంలోనే కొత్తగా ఒక ఫన్నీ ‘పాడ్ కాస్ట్’తో వచ్చారు దర్శకుడు వెంకీ కుడుముల-హీరో నితిన్. దీనికి ‘పాడు కాస్ట్’ అనిపేరు పెట్టడం విశేషం.
ఇందులో భాగంగా నితిన్ కొన్ని టిపికల్ ప్రశ్నలు అడిగితే.. వాటికి వెంకీ ‘హానెస్ట్’గా సమాధానాలు ఇచ్చే ప్రయత్నం చేశాడు. హీరో ఫైట్ చేస్తుంటే ఫైటర్లంతా ఒకేసారి రాకుండా వెనుక నుంచి ఒకరి తర్వాత ఒకరు రావడం గురించి నితిన్ అడిగితే.. అసిస్టెంట్ డైరెక్టర్లు వాళ్లను అలాగే ఒకరి తర్వాత ఒకరిని పంపిస్తారని అన్నాడు వెంకీ. తన సినిమాలకు శుభం కార్డు వేయకపోవడం గురించి అడిగితే.. సినిమా పూర్తయ్యాకే కదా శుభమో, అశుభమో తెలిసేది అంటూ కౌంటర్ వేశాడు వెంకీ.
హీరోయిన్లను నార్త్ ఇండియా నుంచే ఎందుకు తీసుకొస్తారు అంటే.. ఆ ప్రశ్న రాకూడదనే తన సినిమాల్లో వరుసగా సౌత్ హీరోయిన్లనే పెడుతున్నట్లు వెంకీ చెప్పాడు. హీరోలు నిద్ర లేచినపుడు చాలా ఫ్రెష్గా, అందంగా ఎలా కనిపిస్తారు అని అడిగితే.. రాత్రి పడుకునే ముందే హీరోకు మేకప్ వేసి పడుకోబెడతాం అని బదులిచ్చాడు వెంకీ. ఇలా సరదా ప్రశ్నలు, సమాధానాలతో ‘పాడు కాస్ట్’ భలే ఫన్నీగా అనిపించింది. దీనికి పార్ట్-2 కూడా రాబోతున్నట్లు వెల్లడించడం విశేషం.
This post was last modified on March 13, 2025 8:05 pm
పాత పాటలను కొత్త సినిమాల కోసం రీమిక్స్ చేసి వాడుకోవడం కొత్త కాదు. దాదాపు అందరు హీరోలు చేశారు. అల్లరి…
పరీక్షల్లో అక్రమాలను అరికట్టేందుకు సాధారణంగా కఠిన తనిఖీలు, నిఘా కెమెరాలు, ప్రత్యేక బృందాలను ఉపయోగిస్తుంటారు. అయితే దక్షిణ కొరియా అధికారులు…
ఆర్టిఫిషియల్ ఇంటెలిజెన్స్ మనిషి జీవితంలో ఎన్నో మార్పులు తీసుకొస్తోంది. క్లిష్టమైన పనులను సులభతరం చేస్తూ, వేగంగా నిర్ణయాలు తీసుకునే స్థాయికి…
పరిటాల రవి, పరిటాల సునీతల వారసుడు, టీడీపీ యువనాయకుడు పరిటాల శ్రీరామ్.. తాజాగా జరిగిన జిల్లా పరిషత్.. చైర్మన్ ఎంపికలో…
బీజేపీ అడ్డాగా చెప్పుకునే రాష్ట్రాల్లో ఒకటైన రాజస్థాన్ లో స్థానిక ఎన్నికల ఫలితాలు కమలనాధులకు దిమ్మతిరిగేలా వచ్చాయి. ఆ రాష్ట్రంలోని…
ఒకప్పుడు బ్లాక్ బస్టర్స్ చూసిన నితిన్ ను గత కొన్నేళ్లుగా వరస డిజాస్టర్లు ఉక్కిరి బిక్కిరి చేస్తున్నాయి. కొత్త వాళ్లకు…