ఇటీవలే విడుదలై బాక్సాఫీస్ వద్ద సంచలనం నమోదు చేస్తున్న చావా మీద ప్రశంసల వర్షం కురుస్తోంది. మరాఠా వీరుడు శంభాజీ మహారాజ్ కథను గొప్పగా తెరకెక్కించి కన్నీళ్లు పెట్టించారని ప్రేక్షకులు భావోద్వేగంతో చెబుతున్న వీడియోలు ఎక్స్, ఇన్స్ టా తదితర మాధ్యమాల్లో వైరలవుతున్నాయి. గతంలో తానాజీ, బాజీరావు మస్తానీ, సామ్రాట్ పృథ్విరాజ్, అశోక, కేసరి, పానిపట్ లాంటి ఎన్నో సినిమాలు వచ్చాయి కానీ అన్నీ హిట్ కాలేదు. అయితే చావా లాంటి నేపధ్యాలు టాలీవుడ్ లో ఎప్పటి నుంచో ఉన్నాయనేది చరిత్రని తరచి చూస్తే అర్థమవుతుంది. కమర్షియల్ గానూ గొప్ప విజయం సాధించినవి ఎన్నో.
బ్లాక్ అండ్ వైట్ కాలం నుంచి చూసుకుంటే స్వర్గీయ ఎన్టీఆర్ బొబ్బిలి యుద్ధం – పల్నాటి యుద్ధంతో మొదలుపెట్టి చరిత్రలో నిలిచిపోయిన క్లాసిక్స్ చరిత్రలో సువర్ణాధ్యాయాలు లిఖించాయి. కృష్ణంరాజు తాండ్ర పాపారాయుడు, కృష్ణ విశ్వనాథ నాయకుడు – సింహాసనం ఇవన్నీ 80 దశకంలో వచ్చిన బ్లాక్ బస్టర్ సినిమాలు. బోలెడంత డ్రామాతో పాటు ఎంతో పరిశోధనతో ఆయా దర్శకులు వీటిని రూపొందించిన విధానం అబ్బురపరుస్తుంది. విజువల్ ఎఫెక్ట్స్ లేని కాలంలో సహజత్వానికి పెద్ద పీఠ వేస్తూ భారీ సెట్లతో ఆడియన్స్ ని అబ్బురపరిచిన తీరు మాటల్లో చెప్పేది కాదు. ఇవి కొన్ని ఉదాహరణలు మాత్రమే. ఇక వర్తమానానికీ వద్దాం.
అనుష్క రుద్రమదేవి, బాలకృష్ణ గౌతమీపుత్ర శాతకర్ణి, చిరంజీవి సైరా నరసింహారెడ్డి ఇవన్నీ ఇప్పటి తరానికి పరిచయం చేసిన వీరయోధుల గాథలు. బాక్సాఫీస్ వద్ద ఆడాయి కూడా. ఇవేవి ఫాంటసీ కథలు కాదు. చావా లాగే వాస్తవాలు చూపించే ప్రయత్నం చేసినవి. క్రియేటివ్ లిబర్టీ కొంత తీసుకుని ఉండొచ్చు కానీ నిజాలను పక్కదారి పట్టించినవి మాత్రం కాదు. నిఖిల్ స్వయంభు కూడా ఇదే తరహా బ్యాక్ డ్రాప్ లో రూపొందుతోందని టాక్ ఉంది. ఏది ఏమైనా చావా చూసి వాళ్ళు ఎంతైనా పొగుడుకోవచ్చు కానీ మనం ఎప్పుడో అలాంటి క్లాసిక్స్ ని ఇచ్చాం, ఇస్తూనే ఉన్నాం. తెలుగువాళ్ళకు ఇది ఎప్పటికీ గర్వకారణమే.
This post was last modified on February 17, 2025 7:14 pm
హీరోల పారితోషకాలు అంతకంతకూ పెరిగిపోతుండడంపై నిర్మాతల్లో ఆందోళన వ్యక్తమవుతున్న మాట వాస్తవం. పైకి చెప్పకపోయినా ఈ విషయంలో అసంతృప్తితో ఉన్నారన్నది ఇండస్ట్రీలో…
అధికారంలో ఉన్న నాయకులు, అధికారంలో లేని నాయకులు ఇలా రెండు వర్గాలుగా విభజించినప్పుడు సాధారణంగా పదవులు పొందిన వారు సంతృప్తి…
మూడు రోజుల తెలుగు వారి పెద్ద పండుగ.. సంక్రాంతి. ఇళ్లకే కాదు.. గ్రామాలకు సైతం శోభను తీసుకువచ్చే సంక్రాంతికి.. కోడి…
ఈ సంక్రాంతికి ‘భర్త మహాశయులకు విజ్ఞప్తి’ చిత్రంతో ప్రేక్షకులను పలకరించబోతోంది డింపుల్ హయతి. కెరీర్లో ఆమెకు ఇంకా పెద్ద బ్రేక్ రాలేదు. ఇప్పటికే ఖిలాడి,…
బీజేపీ కురువృద్ధ నాయకుడు, దేశ మాజీ ఉపరాష్ట్రపతి ముప్పవరపు వెంకయ్యనాయుడు.. ప్రస్తుతం ప్రత్యక్ష రాజకీయాల నుంచి తప్పుకొన్నారు. అయితే.. ఆయన…
చుక్క పడందే నిద్ర పట్టని వారు చాలా మంది ఉన్నారు. వీరిలో చిన్న చితకా మందుబాబులను పక్కన పెడితే, మద్యం…