‘సాహో’ డీల్ 120 కోట్లా?

‘సాహో’ డీల్ 120 కోట్లా?

‘బాహుబలి’ తర్వాత ప్రభాస్ నటిస్తున్న ‘సాహో’ సినిమాపై ఏ స్థాయిలో అంచనాలున్నాయో కొత్తగా చెప్పాల్సిన పని లేదు. ఈ సినిమా కోసం దేశమంతా ఎదురు చూస్తోంది. ఈ సినిమా ఓకే అయినపుడు దాని రేంజ్ చాలా తక్కువ. కానీ తర్వాత తర్వాత అన్ని లెక్కలూ మారిపోయాయి. బడ్జెట్ ఏకంగా రూ.150 కోట్లకు పెరిగింది. బిజినెస్ చూస్తే రూ.250 కోట్ల మార్కును టచ్ అయ్యేలా కనిపిస్తోంది.

కేవలం హిందీ థియేట్రికల్ రైట్స్ మాత్రమే రూ.120 కోట్లకు అమ్మినట్లుగా వార్తలొస్తున్నాయి. ప్రఖ్యాత బాలీవుడ్ సంస్థ టీ సిరీస్ ‘సాహో’ హిందీ హక్కుల్ని సొంతం చేసుకున్న సంగతి తెలిసిందే. రూ.120 కోట్లకు ఈ డీల్ సెట్ అయినట్లు సమాచారం.

‘బాహుబలి’తో ప్రభాస్ ఆల్ ఇండియా స్టార్ అయిపోయాడు. ఉత్తరాది ప్రేక్షకుల ముందు నుంచి ‘సాహో’ మీద అమితాసక్తిని ప్రదర్శిస్తున్నారు. శ్రద్ధ కపూర్.. నీల్ నితిన్ ముఖేష్ లాంటి బాలీవుడ్ తారలు ఈ చిత్రంలో నటిస్తుండటం.. శంకర్-ఎహసాన్-లాయ్ సంగీతం సమకూరుస్తుండటంతో హిందీ ప్రేక్షకులకు ఈ చిత్రం బాగానే కనెక్టయ్యే అవకాశముంది. అందుకే రూ.120 కోట్లకు థియేట్రికల్ రైట్స్ కొన్నట్లు తెలుస్తోంది. ఇప్పుడే ఈ చిత్ర క్రేజ్ ఓ రేంజిలో ఉంది. విడుదల సమయానికి హైప్ మరింతగా వస్తుందనడంలో సందేహం లేదు.

‘బాహుబలి’.. ‘2.0’ లాంటి సినిమాల తర్వాత దక్షిణాదిన అత్యంత క్రేజ్ తెచ్చుకోబోతున్న సినిమా ఇదే అయ్యే అవకాశాలు కనిపిస్తున్నాయి. ఈ సినిమా కూడా హిట్టయితే ప్రభాస్ ఏ రేంజికి వెళ్తాడో అంచనా వేయడం కూడా కష్టమే.



 

రాజకీయ వార్తలు

 

సినిమా వార్తలు