బాలీవుడ్లో అత్యంత విజయవంతమైన, అలాగే గౌరవనీయ వ్యక్తుల్లో ఆమిర్ ఖాన్ ఒకరు. లగాన్, రంగ్ దె బసంతి, 3 ఇడియట్స్, పీకే, దంగల్ లాంటి చిత్రాలతో ఒక సమయంలో ఎవ్వరూ అందుకోలేని స్థాయిలో ఉన్న్నాడు ఆమిర్. కానీ ఆయన చివరి చిత్రం ‘లాల్ సింగ్ చడ్డా’ మాత్రం దారుణమైన ఫలితాన్నందుకుంది. తన తర్వాతి చిత్రంతో ఆమిర్ బలంగా పుంజుకుంటాడని అభిమానులు ఆశాభావంతో ఉన్నారు. ఇక ఆమిర్ వ్యక్తిగత జీవితం కూడా తరచూ చర్చనీయాంశం అవుతుంటుంది.
రీనా దత్తాను వివాహమాడి ఇద్దరు పిల్లలకు తండ్రి అయిన ఆమిర్.. తర్వాత ఆమె నుంచి విడిపోయి కిరణ్ రావును పెళ్లాడాడు. దాదాపు దశాబ్దం పాటు వీరి వైవాహిక జీవితం సాఫీగానే సాగింది. కానీ ఆమె నుంచి కూడా ఆమిర్ విడిపోయాడు. కానీ కిరణ్ నుంచి విడిపోయాక కూడా ఆమెతో కలిసి సినిమాల కోసం పని చేస్తుండడం విశేషం. మరి ఆమిర్ కొత్తగా మరో పెళ్లి చేసుకుంటాడా అనే ప్రశ్న అభిమానుల్లో ఉంది. ఈ ప్రశ్నకు బదులివ్వడంతో పాటు తన మాజీ భార్యలతో సంబంధాల గురించి ఆమిర్ ఓ ఇంటర్వ్యూలో మాట్లాడాడు.
‘‘వైవాహిక జీవితంలో నేను రెండుసార్లు విఫలమయ్యాను. కాబట్టి ఎవరైనా పెళ్లి గురించి నన్ను సూచనలు అడక్కపోవడం మంచిది. ఒక బంధం సక్సెస్ అవుతుందా లేదా అన్నది మనం చెప్పలేం. ఎప్పుడు ఏం జరుగుతుందో ఊహించలేం. నిజానికి నాకు ఒంటరిగా జీవించడం ఇష్టముండదు. నాకంటూ ఒక భాగస్వామి ఉండాలనే కోరుకుంటా. ఒకరితో కలిసి ఉ:డడం.. కష్టసుఖాలు పంచుకోవడం నాకిష్టం. కానీ కొన్ని కారణాల వల్ల నా వైవాహిక బంధాలు నిలబడలేదు.
కానీ నా మాజీ భార్యలు రీనా, కిరణ్ ఇద్దరితోనూ నాకు ఇప్పటికీ మంచి అనుబంధం ఉంది. నా దృష్టిలో మేమంతా ఒకే కుటుంబం. నాకిప్పుడు 59 ఏళ్లు. ఈ వయసులో మళ్లీ పెళ్లి అంటే కష్టంగా ఉంటుంది. నాకు చాలా బాధ్యతలు ఉన్నాయి. నా కుటుంబం, పిల్లలు, స్నేహులతో రీకనెక్ట్ అవుతున్నాను. నాకెంతో ఇష్టమైన సమయాన్ని వారితో ఆస్వాదిస్తున్నా. అందుకు ఆనందంగా ఉన్నాను. అందరికీ నచ్చేలా నన్ను నేను మార్చుకోవడానికి ప్రయత్నిస్తున్నా’’ అని ఆమిర్ చెప్పాడు.
This post was last modified on August 26, 2024 6:22 pm
భారతదేశ పారిశ్రామిక రంగంలో ఆంధ్ర ప్రదేశ్ దూకుడు ప్రదర్శిస్తోంది. ముఖ్యమంత్రి చంద్రబాబు ఎక్స్ ప్రెస్ బుల్లెట్ వేగంతో ముందుకు దూసుకొని…
పాత పాటలను కొత్త సినిమాల కోసం రీమిక్స్ చేసి వాడుకోవడం కొత్త కాదు. దాదాపు అందరు హీరోలు చేశారు. అల్లరి…
పరీక్షల్లో అక్రమాలను అరికట్టేందుకు సాధారణంగా కఠిన తనిఖీలు, నిఘా కెమెరాలు, ప్రత్యేక బృందాలను ఉపయోగిస్తుంటారు. అయితే దక్షిణ కొరియా అధికారులు…
ఆర్టిఫిషియల్ ఇంటెలిజెన్స్ మనిషి జీవితంలో ఎన్నో మార్పులు తీసుకొస్తోంది. క్లిష్టమైన పనులను సులభతరం చేస్తూ, వేగంగా నిర్ణయాలు తీసుకునే స్థాయికి…
పరిటాల రవి, పరిటాల సునీతల వారసుడు, టీడీపీ యువనాయకుడు పరిటాల శ్రీరామ్.. తాజాగా జరిగిన జిల్లా పరిషత్.. చైర్మన్ ఎంపికలో…
బీజేపీ అడ్డాగా చెప్పుకునే రాష్ట్రాల్లో ఒకటైన రాజస్థాన్ లో స్థానిక ఎన్నికల ఫలితాలు కమలనాధులకు దిమ్మతిరిగేలా వచ్చాయి. ఆ రాష్ట్రంలోని…