పిక్ టాక్: చంద‌మామ‌కు ఐపీఎల్ రంగుల‌ద్దితే..

తెలుగు యువ‌త‌కు అత్యంత న‌చ్చిన రెండు విష‌యాలు.. సినిమా, క్రికెట్‌. సోష‌ల్ మీడియాలో మ‌న నెటిజ‌న్ల చ‌ర్చ‌లు ప్ర‌ధానంగా వీటి చుట్టూనే తిరుగుతాయి. మీమ్స్, జోక్స్ అన్నీ కూడా ప్ర‌ధానంగా వీటి చుట్టూనే తిరుగుతుంటాయి.

ఇక ఐపీఎల్ టైం వ‌చ్చిందంటే క్రికెట్, సినిమాలు మిక్స్ చేసి ఎడిట్ల మోత మోగిస్తుంటారు మ‌న నెటిజ‌న్లు. ఇందుకోసం హీరోలు, క‌మెడియ‌న్లనే కాదు.. హీరోయిన్ల‌ను కూడా బాగానే ఉప‌యోగించుకుంటారు. తాజా కాజ‌ల్ అగ‌ర్వాల్‌కు, ఐపీఎల్ జ‌ట్ల‌కు ముడిపెట్టి రెడీ చేసిన ఫొటోలు సోష‌ల్ మీడియాలో వైర‌ల్ అవుతున్నాయి.

కాజ‌ల్ వివిధ సినిమాల్లో ధ‌రించిన రంగు రంగు దుస్తుల ఫొటోలు ప‌ట్టుకొచ్చి ఐపీఎల్ జ‌ట్ల రంగుల‌కు మ్యాచ్ చేసి తాయ‌రు చేసిన ఎడిట్స్ వేరే లేవెల్ అనే చెప్పాలి. చంద‌మామ మంచి ఫాంలో ఉన్న టైంలో చేసిన సినిమాల‌కు సంబంధించిన ఆ లుక్స్ సూప‌ర్బ్ అనిపించేలా ఉన్నాయి.

ఈ ఫొటోలు చూస్తే కాజ‌ల్ ఐపీఎల్‌లో ఉన్న ప‌ది జ‌ట్ల‌కు బ్రాండ్ అంబాసిడ‌ర్‌గా ప‌ని చేసిందా అని ఆశ్చ‌ర్యం క‌ల‌గ‌క మాన‌దు. అంత బాగా ఆ ఫొటోలు సింక్ అయ్యాయి. ఈ ఎడిట్స్ చేసిన టెక్నీషియ‌న్ ఎవ‌రో కానీ.. త‌న టాలెంట్‌ని అభినందించాల్సిందే