సెక్స్ వ‌ర్క‌ర్ల సీరియ‌ల్ కిల్ల‌ర్‌… ఎంత మందిని చంపాడంటే!

అత‌ని వ‌య‌సు 34 ఏళ్లు. కానీ, ఆలోచ‌న‌లు మాత్రం మ‌రో 20ఏళ్ల ముందు ఉంటాయి. సెక్స్ అంటే అత‌నికి ఒక ఆట‌. సెక్స్ వ‌ర్క‌ర్లంటే అత‌నికి అత్యంత లోకువ. అందుకే వాళ్ల‌ని వాడుకున్నంత సేపు వాడుకుని.. అనంత‌రం చంపేయ‌డ‌మే కాదు.. వారి వ‌ద్ద ఉన్న న‌గ‌లు, వ‌స్తువులు, పోన్ల‌ను దోచుకోవ‌డంతోపాటు.. మూడో కంటికి కూడా తెలియ‌కుండా వారి మృత దేహాల‌ను త‌న ఇంటి వంట గ‌దిలోనే పాతిపెట్ట‌డం మ‌రో సంచ‌ల‌నంగా మారింది.

ఇలా.. సెక్స్ వ‌ర్క‌ర్ల‌ను త‌న రూమ్‌కు పిలుచుకుని, వారితో ఎంజాయ్ చేసి.. అనంత‌రం వారిని అత్యంత దారుణంగా చంపేస్తున్న నేర‌స్థుడి అత్యంత ఘోర‌మైన ఈ ఘ‌ట‌న ప్ర‌పంచ వ్యాప్తంగా సంచ‌ల‌నం సృష్టి స్తోంది. అయితే.. ఇది మ‌న దేశంలో జ‌ర‌గ‌లేదు కానీ.. ద‌క్షిణాఫ్రికా దేశ‌మై రువాండాలో జ‌రిగింది. సెక్స్ వ‌ర్క‌ర్లను ఇంటికి పిలిపించుకుని వారిని చంపేసి, ఫోన్లు, ఇతర వస్తువులు దోచుకుంటాడు.

అనంతరం ఆ మృతదేహాలను త‌న రూంలోని వంట గ‌దిలో గొయ్యి తీసి పాతిపెడతాడని పోలీసులు తెలి పారు. ఇలా వరుసగా నేరాలకు పాల్పడుతున్న ఈ సీరియల్‌ కిల్లర్‌ను రువాండా రాజధాని కిగాలీ పోలీసులు అరెస్టు చేశారు. 34 ఏళ్ల నిందితుడి ఇంట్లో జరిపిన తవ్వకాల్లో 10 మంది సెక్స్ వ‌ర్క‌ర్ల‌ మృతదేహాల అవశే షాలు లభ్యమైనట్లు పోలీసులు తెలిపారు.

అయితే అతడి చేతిలో ప్రాణాలు కోల్పోయినవారి సంఖ్య 14 వరకు ఉండొచ్చని పోలీసులు అంచనా వేస్తు న్నారు. నిందితుడు కొన్ని మృతదేహాలను యాసిడ్‌ వేసి కరిగించినట్లు పోలీసులు తెలిపారు. దేశంలోనే ఇలాంటి ఘ‌ట‌న చోటు చేసుకోవ‌డం ఇదే తొలిసార‌ని వారు తెలిపారు. ఇదిలావుంటే.. ప్ర‌పంచ వ్యాప్తంగా సెక్స్ వ‌ర్క‌ర్ల ప‌రిస్థితి ఎలా ఉన్నా.. రువాండాలో పూట గ‌డ‌వ‌డం కోసం.. ప‌డుపు వృత్తిలోకి వ‌స్తున్న మ‌హిళ‌లు, యువ‌తుల సంఖ్య నానాటికీ పెరుగుతోంద‌ని ఐక్య‌రాజ్య‌స‌మితి ఇటీవ‌లే ఆందోళ‌న వ్య‌క్తం చేసింది.